فوانيس كيا شوما

**mas0h** · 27-07-2011 03:40 PM

السلام عليكم,

انا عندى كيا شوما 2000 مشترهيا من شهرين ونص تقريبا. العربية ماشاء الله تحفة من كل حاجة وانا بصراحة عاجبانى قوى ومشتريها مع ان عارف ان قطع غيارها الخارجية غالية شوية زى الفوانيس والكصدامات, المهم.

الفوانيس الاماسية مغبشه, عملت تقوية للنور وركبت كتاوت النور اتحسن بس علشان الباغ بتاع الفوانيس غامق النور مخنوق شوية. كنت سألت قبل كده اشترى فوانيس جديدة ولا انظف اللى عندى والاخوة هنا نصحونى انى انظفها احسن لان الاصلى مابيتعوضش.

المهم انا سألت عن الفوانيس الجديدة لقيت الاصلى ب 475 جديد والصينى ب 210 جديد.
475 كتير قوى على فنوس بصراحة وخايف اشتريه او اشترى الصينى يريجع بعد شهرين تلاته يطفى هو كمان يبقى انا كده معملتش حاجة.

السؤال لذوى الخبرة, هو الصينى يفرق ايه عن الاصلى؟
لو اشتريت الاصلى هيقعد مدة اد ايه على ماالباغ بتاعه يطفى؟
لو اشتريت الصينى هيقعد برضه اد ايه على ما يطفى؟

لو هنظف اللى عندى وهما الاصلى بتوعها يا ريت حد يشرحلى العملية بالتفصيل لانى مش عارف حاجة.

**Esam Mosaad** · 27-07-2011 10:42 PM

بص يا ريس باختصار

الصينى بيفرق عن الاصلى فى التقفيل بتاعو وخامته
بمعنى ممكن تلاقى الباغه طوست مع السخونيه الشديده لو مركب لمض عاليه
او تلاحط تشققات بسيطه نتيجه السخونيه برضوا

لو اشتريت الاصلى ممكن يتكسر تانى يوم مش لحد مالباغه تتكسر ده بيبقى ناصيب وعامتا الباغه مش هتصفر
الا لو تقفيل الفانوس نفسوا مش حلو

عاوز قرار نهائى اشترى الصينى انا مركبوا عندى داخل فى 3 سنين ومحصلهوش اى حاجه بصراحه وسبها على ربنا
انت ممكن تجيب الاصلى وتلاقى حد خبطك لاقدر الله والفانوس يتكسر فخساره قريبه ولا خساره بعيده

لو عاوز تنظف الفوانيس هقولك تفكهم خالص من العربيه وتشيل اللمض تمام طبعا مش هتشيل الباغه ولا حاجه
انت هتاخد الفانوس نفسوا كلوا على بعضوا هتنقعوا فى ملح لمون واتفرج على شكلوا
فى مسحوق شبيه بميه النار برضوا فى ثوانى هيرجعلك الباغه بتلمع

ممكن تستخدم تنر بس منصحش بيه

**Esam Mosaad** · 29-07-2011 03:08 PM

ألف شكر يا سعادة الباشا على النصيحة.
الصينى اللى راكب عندك من 3 سنين مع لمض عالية ولا عادية؟ ونظفته كام مرة فى ال 3 سنين دول؟
احط اد ايه ملح لمون فى الميه واسيبه لمدة ايه منقوع؟
واسمها ايه المادة الشبيهة بمية النار دى ؟

انا من ساعت مركبتوا بصراحه لسه بلونه كنت الاول مركب لمض عاليه مع كتاوت ومكنش بيقول لا
بس مع الحراره العاليه لقيت تشققات بسيطه قدرها بعد كدا اللمض تنحرق
ونزلت جبت نوع لمض محترم اقل حاجه ونورها كان اقوى وافضل لان ماركتها كانت نظيفه ومن ساعتها وناسيه
ملح اللمون حسب كميه الميه يعنى متكترش فى الاول وجرب لو لقيت لسه شويه انقع تانى لحد متوصل لنتيجه مرضيه
هيا مش ماده هو امنظف زى جيف كدا بس منين وكدا معرفش
برضوا التنر هيشيل معاك جامد فى الاصفرار ده بس خليك فى الخطوطات السابقه افضل

بالنسبه لغطا الفانوس لانا متخرم على الغطا على شكل الفيشه بالظبط لاما تشوف غطا اعمق مثلا بتاع السييا او غيره وانا للاسف معرفش شغل الغطا عندك ايه وطبعا الغطا مهم جدا جدا

وان اتحت امرك فى اى حاجه