اعمل الصيانة في التوكيل ولا مع نفسي

**dieseltrucker** · 27-07-2011 04:02 PM

السلام عليكم
ارجو من السادة الزملاء انهم يفيدوني بالصح في الفكرة اللى في دماغي
عربيتي جديدة لوجان عامله 4000 كم ومعايا ضمان زي مانتوا عارفين 100الف كم
بفكر اني مااتابعش الصيانة مع التوكيل واعملها مع نفسي للاسباب التالية
التوكيل بعيد واقرب وكيل ليا بتاع اسكندرية 450 كم رايح جاي
صيانة التوكيل تكاليف ع الفاضي وممكن اعملها بنفسي لاني مهندس سيارات وشغال في شركة نقل وعارف ايه هيا الصيانة الدورية وايه اللي يتغير وايه اللي يتربط والكلام ده
النقطة المهمة واللي عايز تجاربكم السابقه فيها هل التوكيل لو انا متابع معاه ف عمل الصيانات وفجأة لقيت قطعة غيار تلفت نتيجة عيب صناعة اوانا شاكك انها عيب صناعة هل التوكيل هايغيرها بسهولة جوا الضمان ولا زي ما بسمع من الجميع ان جميع التوكيلات لكل الماركات بتماطل وتتحجج وتقول دا عيب استخدام او هيا كده الخ
افيدوني افادكم الله

**ehab_11_22** · 27-07-2011 04:21 PM

أكيد هايقلولك لا طبعا والضمان راح عليك

دا عالم مابتصدق تتلكك على أى حاجة عشان يخرجوك من الضمان

**MOUSTAFA_SAAD** · 27-07-2011 05:44 PM

انا لو مكانك اعملها بره
ده مشوار

**Ahmed Selim** · 27-07-2011 06:52 PM

المشاركة الأصلية كتبت بواسطة dieseltrucker

السلام عليكم
ارجو من السادة الزملاء انهم يفيدوني بالصح في الفكرة اللى في دماغي
عربيتي جديدة لوجان عامله 4000 كم ومعايا ضمان زي مانتوا عارفين 100الف كم
بفكر اني مااتابعش الصيانة مع التوكيل واعملها مع نفسي للاسباب التالية
التوكيل بعيد واقرب وكيل ليا بتاع اسكندرية 450 كم رايح جاي
صيانة التوكيل تكاليف ع الفاضي وممكن اعملها بنفسي لاني مهندس سيارات وشغال في شركة نقل وعارف ايه هيا الصيانة الدورية وايه اللي يتغير وايه اللي يتربط والكلام ده
النقطة المهمة واللي عايز تجاربكم السابقه فيها هل التوكيل لو انا متابع معاه ف عمل الصيانات وفجأة لقيت قطعة غيار تلفت نتيجة عيب صناعة اوانا شاكك انها عيب صناعة هل التوكيل هايغيرها بسهولة جوا الضمان ولا زي ما بسمع من الجميع ان جميع التوكيلات لكل الماركات بتماطل وتتحجج وتقول دا عيب استخدام او هيا كده الخ
افيدوني افادكم الله

عليكم السلام

من تجارب عديدة لى و لغيرى من الأعضاء...........التوكيل لو لقى مشكلة فى قطعة غيار مش بيماطل فى تغييرها طالما أنت ملتزم بالصيانة الدورية معاهم.

بس أنت المشوار بتاعك كبير فعلاً...بس هل مفيش أى مركز خدمة معتمد قريب منك شوية.....و هو هيبقى بديل التوكيل أو على الأقل لو لا قدر الله حصل حاجة فى عربيتك و مركز الخدمة مش راضى يغيرهالك على حساب الضمان ( و ده مستبعد شوية خصوصاً أن التوكيل هو اللى هيحاسبه عليها ) هيبقى عندك فرصة أنك تروح التوكيل و تطالب بتغيير القطعة على حساب الضمان......لأنك بتعمل صيانة فى مركز معتمد.

و خللى بالك من حاجة تانية أن بعض القطع زى المساعدين مثلاً.......وارد جداً أنها تبوظ بسبب عيب أستخدام.....و ساعتها إحتمال كبيييييييير أنهم يماطلو معاك.

**Dr.Karim Emam** · 27-07-2011 11:27 PM

فيه مركز صيانة معتمد في المنصورة اسمه مركز العدوي,
لو قريب منك ممكن تروح تعمل الصيانة هناك.

**dieseltrucker** · 28-07-2011 01:30 AM

المشاركة الأصلية كتبت بواسطة Dr.Karim Emam

فيه مركز صيانة معتمد في المنصورة اسمه مركز العدوي,
لو قريب منك ممكن تروح تعمل الصيانة هناك.

الف شكر يا دكتور كريم وماتحرمش من ذوقك ابدا
وكل سنه وانت والاسرة وجميع الزملاء بخير بمناسبة شهر رمضان الكريم
:: نــايــل مــوتــورز:: - :: NileMotors.net ::[1].gif

**DR_UNIQUE** · 28-07-2011 04:09 AM

يابيه انا عايش بين اسيوط والقاهرة يعني وانا في اسيوط اقرب مكان للصيانه قبل افتتاح مركز خدمة اسيوط اللي لسا فاتح اصلا من شهر كان 400 كيلو واكتر ومع ذلك كنت بروح لان في اعلان في لوحة الاعلانات في العبور ان عدم الالتزام بالصيانه الدوريه كل 5000 كيلو مع ختم كتيب الصيانه الدوريه ( اللي بالمناسبه مش بختمه ومحدش سالني عليه في العبور ولا قال هات نختمهولك) بيخرج العربيه بالكامل من الضمان . وعلى فكره هم ملتزمين جدا في اي حاجه تخص عيوب الصناعه ومش بيتكلموا فيها...