الموضوع: عمـــلت حادثه على طريق مصر اسكندريه على 140 والحمد لله

حسبى الله ونعم الوكيل فى اللى كان السبب....باختصار انا قلت اطلع يومين قبل رمضان اغير جو لانى زهقت من الجو اللى عندنا فى القاهره...المهم طلعت وفولت العربيه كانت الساعه 1 ونص بليل وتوكلت على الله والدنيا كانت زى الفل وانا ماشى فى الكيلو 95 قبل الرست بتاع master كانت سرعتى .....140 مره وااحححححده لايت قالب طوب وانا ماشى فى نص الطريق.......ايوه قالب طوب بتاع رصيف الدبش دة......... الحقيقه انا لاعرفت اتفادى ولا عرفت افكر مش عشان السرعه عاليه لا ....عشان كنت فاكره كيس او ورق شجر او او وقلت اخدها فنص العربيه.....المهم اللى حصل كالاتى.....خت القالب فى الجنب الشمال اسفل العربيه...العربيه نطت طارت فى الهوا...ورزعت فى الارض حاولت اللمها على قد ما اقدر والحمد لله كلنا بخير جوه العربيه......وقفت على جنب ونزلت اشوف الحقيقه كنت متدمر من الخضه....مشيت لحد الرست ورفعت العربيه فى البنزينه قالى الراجل مينفعش تمشى بيها...قطرناها لحد القاهره.....و الخساير كالاتى



واللى مدايقنى ان الفتيش نقالاته بقت غريبه وتحس انها مرحله...رحت للسمكرى بتاعى وسبتها عنده امبارح وطمنى وان شاء الله هروحله انهرده عشان اشوف قطع الغيار لان انا اللى هجبها عشان شغل الميكانيكى

ياريت الافاده ياجماعه...ياريت حد يقولى لانى مشتت تماما....اجيب مساعدين نوع ايه.....والكبالن اجيبها ايه؟ وعايز طنابير نوع كويس ميرجش لانى مجرب طنابير التوكيل زباله...

وارجو يا جماعه خلو بالكو طريق مصر اسكندريه زفففت انا الصراحه لحد دلوقتى مش مصدق قالب طوب فى طريق سفر الحمد لله على كل شىء ....الموضوع مبقاش فى السرعه فقط لا....زدة فى خوازيق فى الطريق وربنا يستر طريقنا
1-كوبلن
2-مساعد شمال
3-شويه سمكره من تحت (بس سمكره جمده لان العربيه اتنحرت من تحت )

وارجو يا جماعه خلووو بالكو الطريق زبالللللله والموضوع مطلعش من السرعه فقط......لا دة فى خوازيق والطريق مش مضمون تماما ربنا يستر طريقنا

المشاركة الأصلية كتبت بواسطة TFSI

حصلت معايا على من 3 سنين ماشى على 220 والطريق كله كان مليان حجرة كبيرة بعرض الطريق كله وخدت واحد فى نص العربية والخساير كاتريرة زيت الموتور اتكسرت والزيت كله فضى أول ما ركنت على طول وطبعاً لو ماكنتش وقفت كان الموتور قفش وباظ

سلم يا رب