هل من ذهب الي العباسية يوم الجمعة 22 بلطجية و مجرمون؟

**تامر.محمد** · 28-07-2011 01:57 AM

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

**heshamzaky** · 28-07-2011 01:59 AM

الحلقة كاملة
[youtube]http://www.youtube.com/watch?v=-fbNWRHnYNU&feature=relmfu[/youtube]

**heshamzaky** · 28-07-2011 02:01 AM

المشاركة الأصلية كتبت بواسطة تامر.محمد

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

لازم تتفرج على الحلقة كاملة و أحكم بعد كدة بس أتفرج على الحلقة كاملة .
الدكتور زنق يسرى فودة أكثر من مرة و لما يسرى فودة كان بتزنق كان بيبان علية الضيق

**تامر.محمد** · 28-07-2011 02:06 AM

المشاركة الأصلية كتبت بواسطة heshamzaky

لازم تتفرج على الحلقة كاملة و أحكم بعد كدة بس أتفرج على الحلقة كاملة .
الدكتور زنق يسرى فودة أكثر من مرة و لما يسرى فودة كان بتزنق كان بيبان علية الضيق

انا ما شفتش دي لسه , انا باتكلم على اللي الغندور ده نفسه قاله في الحلقة اللي قبلها اللي كان فيه الراجل الازهري

**nevozaky** · 28-07-2011 02:06 AM

المشاركة الأصلية كتبت بواسطة تامر.محمد

حسن الغندور , من سكان عين شمس و راح يعمل لجنة شعبية في غمرة خطف فيها واحد تحت تهديد السلاح
شوفوا البساطة ؟ :)))
كان فرد حرس جمهوري و من ابناء مبارك المخلصين , و صفحة اسف يا ريس قالوا ان هما اللي مسكوا غربية ده

مساء الفل

بص كلامك صح .وحسن الغندور ده والله يموت من الضحك لما تسمع عن حبه لحسنى مبارك .مش مختلفين فى ده .
بس ايه اللى يخلى عمرو عريبة ومعاه اتنين كمان ينطوا من فوق السور وهوه شايف ان فى ناس واقفة فى لجنة شعبية .وليه اصلا ينط من فوق السور .
مش غريبة دى شوية .
طيب لما ينط من فوق السور تلقائى الناس اللى فى لجان شعبية هيقولوا عليه اما حرامى او بلطجى وبالتالى اكيد هيضربوه او هيسلموه زى ما حسن الغندور ده عمل .

**heshamzaky** · 28-07-2011 02:09 AM

المشاركة الأصلية كتبت بواسطة تامر.محمد

انا ما شفتش دي لسه , انا باتكلم على اللي الغندور ده نفسه قاله في الحلقة اللي قبلها اللي كان فيه الراجل الازهري

أنت شوفت شكل عمرو غريبة . و أنا شوفت الحلقة .
هو شكلة غريب شوية و أسلوب كلامة غريب شوية برضو

**heshamzaky** · 28-07-2011 02:23 AM

دة موضوع عمرو غريبة من وجهت نظرة
...... منقول .............
تفاصيل القبض على الناشط عمرو غربية ونشطاء آخرين خلال أحداث العباسية

الناشط عمرو غربية

قالت الناشطة عالية الحسيني إن أشخاصا اختطفوا الناشط عمرو غربية في سيارة ليسلموه إلي أقرب نقطة شرطة عسكرية، وقاموا بالاعتداء عليه عندما كانت معه وعدد من النشطاء خلال بعد محاولتهم الفرار بعد أحداث العباسية.

وأوضحت عاليا بحسابها على موقع “تويتر”، أنها كانت مع “غربية” ونشطاء آخرون تعرضوا للاعتداءات في أحداث العباسية من بينهم، مالك مصطفى وسلامة سعيد، عندما هاجمهم مجموعة من الأشخاص، لقيادتهم إلي قوات الشرطة العسكرية، إلا أنهم تمكنوا من الإمساك بـ”غربية”، وجذبوه من شعره وتوالوا الاعتداء عليه.

وأشارت إلي أن هؤلاء الأشخاص أمسكوا بـ”غربية” لتسليمه إلى الشرطة العسكرية في الجانب الآخر من الطريق عندما كنا نحاول عبور الكوبرى للوصول إلى “المترو”، وقالت: وعندما ادعيت أنه أخي ليتركوه جذبوني من شعري وحاولوا الاستيلاء على حقيبتي وتليفوني المحمول .. واعتدوا على عمرو غربية بضربه بشدة على رقبته وجذبوه من شعره، وقالوا في إشارة إليه إنه جاسوس وأفرغوا حقيبته”.

بعدها جاء شخص بسيارة وأركب عمرو غريبة فيها لتسليمه لأقرب نقطة شرطة عسكرية، ولم أتمكن من تعقبهم، حينها وعدني ضابط شاب بالجيش بإعادته إلي باعتباري أخته، ثم سار وراء السيارة التي أخذت عمرو غريبة، ولكنى لم أصدق كلامه، تضيف عالية الحسيني، قائلة إنها لا تعرف شيئا عنه حتى الآن.

**heshamzaky** · 28-07-2011 02:28 AM

آخر كلام: المواطن الذي احتجز عمرو غربية - هاتفياً
[youtube]http://www.youtube.com/watch?v=5ilz17Po0zE[/youtube]

**heshamzaky** · 28-07-2011 02:39 AM

لقاء مع ريم ماجد
[youtube]http://www.youtube.com/watch?v=R2NKdk1024o&feature=relmfu[/youtube]

**تامر.محمد** · 28-07-2011 02:56 AM

المشاركة الأصلية كتبت بواسطة nevozaky

بص كلامك صح .وحسن الغندور ده والله يموت من الضحك لما تسمع عن حبه لحسنى مبارك .مش مختلفين فى ده .
بس ايه اللى يخلى عمرو عريبة ومعاه اتنين كمان ينطوا من فوق السور وهوه شايف ان فى ناس واقفة فى لجنة شعبية .وليه اصلا ينط من فوق السور .
مش غريبة دى شوية .
طيب لما ينط من فوق السور تلقائى الناس اللى فى لجان شعبية هيقولوا عليه اما حرامى او بلطجى وبالتالى اكيد هيضربوه او هيسلموه زى ما حسن الغندور ده عمل .

اظن في الظروف دي عادي ان واحد يعمل اي حاجة , انا و اصحابي في الميدان من الزحمة مثلا كتير اوي بننط من فوق السور الحديد الاخضر , وارد يكون كان بيهرب من مسرح المعركة (و هو شيء مشروع بل و محمود من وجهة نظر معينة في ظروف زي دي و هو الارجح) انما احنا هانسأل بينط من على سور ليه و ما ناخدش بالنا من اللي خطف واحد بتهديد السلاح ؟ ثم لجنة شعبية ايه في غمرة ولا العباسية و فيها واحد من عين شمس و من ابناء المخلوع كمان و كمااااااااان فرد حرس جمهوري ؟؟؟ واسعة اوي و بتثير تساؤلات للصبح

المشاركة الأصلية كتبت بواسطة heshamzaky

أنت شوفت شكل عمرو غريبة . و أنا شوفت الحلقة .
هو شكلة غريب شوية و أسلوب كلامة غريب شوية برضو

انا معاك ان شكله غريب و ما شفتوش بيتكلم , بس اهو التحرير فيه كل فئات و طبقات الشعب , و فيه طبقات شكلها كده حتى لو مش بنشوفها كتير (الا في الجامعة مثلا)