-
منين أجيب السعاده
الواحد بقاله فتره كبيره زياده عن السنه حاسس بإكتئاب جامد وحاولت كتير أفك منه وناس كتير حاولت تساعدني بس مفيش فايده...
الواحد بقا متناقض بصوره عجيبه ساعات يضحك بصوره هستيريه لحد ما يعيط مع ان مفيش حاجه تستدعي الضحك وساعات الواحد بيبكي وكل اللي هوه عاوزه انه يبكي بس من غير ما يفكر هوه بيعمل كده ليه...
ناس كتير من اصحابي بتجيلي ويخرجني علشان أخرج من المود السئ ده وكتر خيرهم بس للأسف ميعرفوش ان اللي هيسعدني حاجات تانيه تكاد تكون مستحيل تحقيقهه ورغم اني عارف كده بحلم برضه بتحقيقهه
كتير بقوم من النوم وبكون حزين اني قومت وكتير ببقا عاوز اتكلم مع حد وملقيش غير بنتي اللي متقدرش على حاجه غير انهه تطبطب عليا وتقولي انت زعلان مني!؟ وساعتهه بتصعب عليا ان حتى بحزني ده بقسا على بنتي وبشيلهه الهم
عارف انه مش وقت كأبه بس ديه لحظه من اللحظات اللي كنت عاوز اتكلم فيهه مع حد بس حتى بنتي مش جنبي
محدش معاه حبيتين سعاده من بتوع فؤاد المهندس
-
لا إله إلا الله، محمد رسول الله
حاول تحقيق اللي يسعدك وأن مكانشي ممكن يبقى حاول تسعد نفسك بأحلام أقل
معلش، ده حال الواحد في البلد دي
-
عارف انا ببقا حزين ليه اني قمت من النوم علشان لما باجي انام بتخيل حياه جميله عايش فيهه كلهه سعاده مع الناس بس اللي حابب انهم يكونو معايا وأفضل أحلم أحلم لحد ما أنام بس للأسف لما بصحا بتصدم بالواقع
-
ربنا يشرحلك صدرك ...............
بس غالبا اللي عند حضرتك ده ....... مش هيروح الا بالرضا وتكبير الدماغ انا كنت زي حضرتك كده في فترة من عمري ............ بس حاليا بقول لنفسي معدش عندي القدرة اني ازعل او انقهر محدش يستاهل ولا حاجة ف الدنيا تستاهل اني ازعل عليها لأني لو ركزت هلاقي حاجات كتير تقتلني مش تزعلني وبس
فالاحسن انك تاخد الامور ببساطه وكبر ورووووووووووووووق على الاخر .......... متحملش نفسك فوق طاقتها
-
انا زيك كده بسبب الفشل فى الحياه
بحاول اسعد نفسى بانى اجيب كل اللى نفسى فيه
جيبى اتخرب للاسف
-
صدق يا اخي انا كنت مبسوط اكتئبت
-
تذكر ان دوام الحال من المحال
لا حزن يبقى و لا سعادة تبقى
ولكن الحياة خليط من الحلو و المر
وكلنا نمر بحالات مثلك لاننا ضخمنا طموحنا زياده عن اللزوم واتأثرنا بكلام الاهل و الاصدقاء
وعموما لا يحزن الا العباقرة
اللهم فرج كربك وكروبنا جميعا
-
والله انا بيتهيالي انا اكتر واحد حاسس بيك جدا وفاهمك
انا لسه جي من محاوله فاشله تانيه واخري لاني اخرج نفسي من الخنقه والفشل الي كرهته او مش هنقول فشل لان المحاولات والفرض اساسا بقت منعدمه وقله الخبرة برده عامل بالنسبه لي ف مش عارف احقق الحاجات الي نفسي فيها وبرده حزين وتعيس مش عارف في ايه والله العيب فينا ولا ف الناس ولا ف ايه
كل ما اخرج علشان افرح وافصل زي ماناس كتير بتعمل وبتقول مبعرفش بسهم (شده ع السين) وابدا رحله التفكير في كل ما يخنقني ويضايقني ويحسسني بعدم وجود امل
ربنا معاك اخي العزيز وربنا معانا جميعا ويشرح صدورنا ويبعد عننا الاحساس الاكتر من سيء ده يارب وربنا يخليلك بنتك يارب ويباركلك فيها وتشوفها باذن الله احسن انسانه ف الدنيا
-
حاول تبذل اقصي ما تستطيع لاسعاد من هم حولك ستشعر بالسعاده حين تراها في عيونهم
-
حاول تنسي اللي مزعلك لان النسيان ده نعمه وده قضاء ربنا وممكن تشوف بديل للي فقدته وان شاء الله تنسي وتتعلق بيه وترجع تاني لايام زمان
انا عارف انك مش قادر تنسي بس ده لازم يحصل علي الأقل عشان خاطر بنتك وعشانك وطالما انت بقالك حوالي سنه ومش عارف تنسي يبقي لازم حد تاني ينسيك والفسح والكلام ده مجرد مسكن واول ماترجع لبيتك تاني هترجع تفتكر تاني وتتعب اكتر
الله يكون في عونك يااخي والله انا لما بس بتخيل بفضل اعيط زي العيل الصغير وانا قاعد في البيت لوحدي
Content Relevant URLs by
vBSEO 3.6.0 PL2