حيرة

**malta** · 27-07-2011 08:05 PM

يا جماعه نفسى اشترى عربية و مستحرم بصراحة اشترى فيرنا ب 72.250 انا اصلا مش طايق العربية دى حاسس انى مجبر عليها لانى مش بفكر فى الصينى و اللوجان استهبال على الاخر و اللانوس حدث و لا حرج ف دلوقتى فى سؤالين الاخ غبور بيعمل عروض فى رمضان و هو دلوقتى عامل عرض على الفيرنا 2010 تخفيض 3 الاف جنيه تفتكروا هيعمل على 2011 تخفيض فى رمضان. ثانيا اشترى دلوقتى ولا استنى يمكن الاقى حاجة فى الرنج ده فى موديلات 2012 او حتى ازود شويه كل العربيات هتنزل موديلات جديدة كيا ريو 2012 و افيو 2012 و سيريون 2012 و ياريس2012 ياريت تفيدونى لانى مضغوط بجد و محتاج العربية جدا

**elpasha1** · 27-07-2011 09:42 PM

والله انا عندى نفس الاحساس
حاسس ان العربية دى اخرها 45 - 50 بالكتير لكن مش 72
فقلت استنى شوية لحد ما الاسعار تهدى شوية لان المستعمل كمان شايط

**Screenplays** · 27-07-2011 09:58 PM

اعمل موضوع في قسم المقارنات و شوف اراء الاعضاء بس ايه سبب كرهك الشديد للفيرنا ؟

و هو دلوقتى عامل عرض على الفيرنا 2010 تخفيض 3 الاف جنيه

متفكرش تشتري لان العربيات دي هتبقي مركونه بقالها كتير و خلاص هتخش علي سنتين ركنه

فتكروا هيعمل على 2011 تخفيض فى رمضان

غالبا بس اخر العرض انه هيرجعها لسعرها القديم و بكده يبقي معملش حاجه

ولا استنى يمكن الاقى حاجة فى الرنج ده فى موديلات 2012 او حتى ازود شويه كل العربيات هتنزل موديلات جديدة كيا ريو 2012 و افيو 2012 و سيريون 2012 و ياريس2012

العربيات دي كلها مش في نفس الفئه السعريه بتاعت الفيرنا

**malta** · 27-07-2011 10:08 PM

هى ممكن تكون عربية كويسة و بتأدى الغرض لكن انا بكره الاستغلال يعنى العربية دى ليا قرايبى شارينها بالظبط 7/2010 الهاف كانت ب 64 الف وكان كان عامل عليها عرض ب 62 الف و كل شوية يزود الف فى 750 الفيرنا الاوتوماتيك كانت ب72 الف دلوقتى بقت ب 78.5 ليه عايز حد يقولى تعرف ان العربية الفيرنا دى واقفه عليه ب 39 الف يعنى مكسبه فى العربية الواحدة لا يقل عن 30 الف جنيه عشان كدة عمال يجرى عشان يا خد توكيل اى حاجة تانية يجمعها فى مصر بعد مالفيرنا يتوقف انتاجها 2012 مش زى ما هو بيقول ويطلسء باه كاوتش نسر ردىء على بطارية تعبانة على خامات رديئة و الناس مغلوبة على امرها و بتشترى لان مفيش بديل

**Screenplays** · 27-07-2011 10:16 PM

لو حضرتك كاره الفيرنا عشان السعر او التوكيل يبقي مش هتركب عربيات في مصر لان كل العربيات اسعارها خزعبليه و كل التوكيلات حراميه فنعمل ايه ؟ ان شاء الله لما الامور تتعدل نبقي نطالب بالغاء الجمارك و لكن حاليا هو ده الحال فلو عايز تنتظر فتره تمام و لو مستعجل توكل علي الله و كده كده الاسعار مش هتنزل قريب اصلا

**HOSSAM99** · 27-07-2011 11:22 PM

أستاذ malta لو بتكره الفيرنا هات إلنترا مستعمله تكون موديل قريب و كيلو متر معقول
لو المستعمل مش مناسب هات اللوجان عربيه جميله علي فكره ... أسعار قطع الغيار كانت عاليه شويه لكن بدأت تنزل

**Screenplays** · 27-07-2011 11:40 PM

المشاركة الأصلية كتبت بواسطة HOSSAM99

أستاذ malta لو بتكره الفيرنا هات إلنترا مستعمله تكون موديل قريب و كيلو متر معقول
لو المستعمل مش مناسب هات اللوجان عربيه جميله علي فكره ... أسعار قطع الغيار كانت عاليه شويه لكن بدأت تنزل

كلام زي الفل

**Ashraf_Ibrahim** · 28-07-2011 01:47 AM

المشاركة الأصلية كتبت بواسطة Screenplays

متفكرش تشتري لان العربيات دي هتبقي مركونه بقالها كتير و خلاص هتخش علي سنتين ركنه

صديقي الفاضل
مفيش حاجة اسمها مركونة او ما شاب
فيرنا 2011 هي نفسها فيرنا 2010 وادا من لسان مدير المبيعات في قليوب
قلي هي هي العربية كل اللي هنعمله في العربيات الموجودة اننا هنغير الموديل بتاعها في الورق ونخليه 2011 بدلا من 2010 فمفيش اي فرق خاااااااااااااااااااااااا لص بين الاتنين مطلقا

*صديقي صاحب الموضوع
بصدق انا لو مكانك هفكر جديا في العربيات الصيني
قدامك 3 بدائل احسن من بعض وانا عن نفسي عتبرهم احسن من الفيرنا
ولو هرشحهم ليك هيكون ترتيبهم كالتالي:-
بريليانس FSV عربية رائعة جدا ووكيل ممتاز بكل المقاييس -المجموعة البفارية-
سبيرانزا M11 وبي واي دي F3 الاتنين كويسين جدا
يميز الاسبرانزا وكيلها ابو الفتوح ويعيب البي واي دي وكيلها شركة الأمل وكيل سيارات لادا
فكر في العربيات الصيني يا صديقي
مميزات واوبشنز مناسبه جدا للقيمة المدفوعة وخلي بالك دا مش لعيب فيها اطلاقا
ولكن دي سياسة البيع الجيدة انك توقف ما بين القيمة المدفوعة والاوبشن اللي هتحصل عليه
زي
Air bag
ABS
EBD
ازاز كهربا
سنتر لوك
فوانيس شبورة
كل دي اعدادات اساسية في العربيات الصيني ودا اقل حق ليك كمالك سيارة ان يبقا في عربيتك الحجات دي
ومواتير محترمة جدا وثبات اكثر من رائع واسمع انه يتفوق على الفيرنا كمان بكتير
فكر جديا ولما تستقر مش مشكلة انك تحجر Test drive للعربية اللي تستقر عليها وتسوقها بنفسك او شوف حد من ملاكها هنا على المنتدى واتفرج عليها وجها لوجه واركبها وشوف الدنيا فيها ايه
ولا اعتقد ان حد من اصدقاءنا هنا هيرفض مساعدة زي دي يقدمها ليك
وبالتوفيق ان شاء الله

*السيارات الصيني السابقة الذكر مانيوال فول اوبشن سعرها 70000 - 71000 جنيه فقط لا غير
الاوتوماتيك يزيد تقريبا 10000 جنيه
وربنا يدقملك اللي فيه الخير ان شاء الله

**Screenplays** · 28-07-2011 04:24 PM

صديقي الفاضل
مفيش حاجة اسمها مركونة او ما شاب
فيرنا 2011 هي نفسها فيرنا 2010 وادا من لسان مدير المبيعات في قليوب
قلي هي هي العربية كل اللي هنعمله في العربيات الموجودة اننا هنغير الموديل بتاعها في الورق ونخليه 2011 بدلا من 2010 فمفيش اي فرق خاااااااااااااااااااااااا لص بين الاتنين مطلقا

لا يا فندم فيرنا 2010 يعني خرجت من المصنع في اواخر 2009 او اي شهر في 2010 و ييجي حد يشتريها حاليا شوف هتبقي مركونه قد ايه و متنساش ان احنا داخلين علي شهر 8 2010 يعني شوف المده كام