سلسلة سلوكيات القيادة - الحلقة السابعة (القاء المهملات من الشباك)
السلام عليكم ورحمة الله وبركاته
في منظر وحش اوي بشوفه في الشارع وهو انك تبقي ماشي والي قدامك يقوم فاتح الزجاج ورامي كيس بلاستيك من الشباك
انا بصراحة شايف ان المنظر دة مفهوش اي تحضر والبلد اساسا مش مستحملة اننا نلقي بمخلفاتنا من العربيات كفاية الي مرمي في الشارع
انا شخصيا بتكسف اوسخ الشارع وبفضل اني اسيب الكيس في العربية لحد لما بروح وبطلع بيه او لو لقيت صندوق للمخلفات في الشارع بهدي جمبه وبرمي مخلفاتي
كلنا بسبب ضيق الوقت وضغوط الحياة بناكل في العربية سندويتش او كيس شيبسي او اي حاجة وطبيعي لازم يبقي في مخلفات واحيانا المخلفات دي بتبقي فيها زجاجة عصير مثلا او اي شئ لو اترمي ممكن يتسبب في ايذاء الغير ناهيك عن المنظر غير الحضاري
كمان لو معاك ابنك وشافك بتعمل كدة اعتقد من الصعب جدا انك تعلمه المحافظة علي نظافة المكان الي بيعيش فيه او تحاول تعلمه المحافظة علي نظافة الشارع
ياريت يا جماعة نحاول نغير ثقافتنا ونخليها عدم القاء المهملات في الشارع وخصوصا من شباك العربية
Best Practice
- القاء المخلفات في الأماكن المخصصة (صناديق جمع القمامة)
- عدم البصق من الشباك (عادة سيئة اخر حاجة)
- عدم القاء المناديل الورقية
- حث الغير علي المحافظة علي نظافة الشارع
- النظافة من الإيمان وعلي قدر ايمانك تكون نظافتك
- اماطة الأذي عن الطريق صدقة
والله المستعان
،
،
أقرأ ايضاً
http://www.nilemotors.net/Nile/23553...post3873686912
http://www.nilemotors.net/Nile/23494...post3873680644
http://www.nilemotors.net/Nile/23432...post3873673040
http://www.nilemotors.net/Nile/23395...post3873668353
http://www.nilemotors.net/Nile/23092...post3873631012
http://www.nilemotors.net/Nile/22676...post3873583122
