يا خبراء الصني ... العفشه فيها مشكله

**gravedigger** · 29-07-2011 05:20 AM

@fbiahmed

تعرف عفشجي كويس ؟

**FBIAhmed** · 30-07-2011 01:25 AM

الصراحه لأ بس اسئلك بكره اما اروح الشغل

**noon_eg** · 25-08-2011 06:49 AM

غالبا مش حتحتاج تغير علبه الدركسيون لانك عامل 115 الف وده مش كتير - الا اذا كنت خدت خبطه فى العلبه نفسها

وللعلم انا كان معايا صنى مو ديل 1999 عملت بيها 290 الف بدون ما اغير علبه الدركسيون وكانت كويسه جدا

الحل انك تروح التوكيل تخليهم يربطوا رجلاش علبه الدركسيون شويه والتخبيط حيروح تمام

فيه حاجه تانيه ممكن تسبب صوت وهى بارات الدركيسون لو انت ما غيرتهاش غيرها اصلى حتفرق معاك جدا

كمتن شيك على البطاحات وجلد التراب بتاعت المساعدين بالمره

تحياتى

**Youssef.Awad** · 26-08-2011 02:47 AM

المشاركة الأصلية كتبت بواسطة noon_eg

غالبا مش حتحتاج تغير علبه الدركسيون لانك عامل 115 الف وده مش كتير - الا اذا كنت خدت خبطه فى العلبه نفسها

وللعلم انا كان معايا صنى مو ديل 1999 عملت بيها 290 الف بدون ما اغير علبه الدركسيون وكانت كويسه جدا

الحل انك تروح التوكيل تخليهم يربطوا رجلاش علبه الدركسيون شويه والتخبيط حيروح تمام

فيه حاجه تانيه ممكن تسبب صوت وهى بارات الدركيسون لو انت ما غيرتهاش غيرها اصلى حتفرق معاك جدا

كمتن شيك على البطاحات وجلد التراب بتاعت المساعدين بالمره

تحياتى

كلام زى الفل بس اكيد هما كشفوا على كل الحاجات دى ولقوا علبة الدركسيون السبب

**gravedigger** · 27-08-2011 03:43 AM

والله يا أخ noon_eg انا لسه مغير بارات الدريكسيون في ال 110000 كم وفي التوكيل. وعلبة الدريكسيون مش مخبوطه.

بالنسبه لرجلاش علبة الريكسيون, ربطوه ولكن في برضه تخبيط لما تمشي مثلا فوق رمل عدى عليه حفار بجنزير (الجنزير بيعمل على الرمل مطبات صغيره بين كل واحد والتاني 3 سم تقريبا) لكن على الطريق الاسفلت المستوي الدنيا زي الفل.

اما جلد التراب لسه مغيرهفي ال 10000 كم اللي فاتوا.

اعتقد انك عامل 290000 في طرق مفتوحه لكن انا للاسف معظم مشاويري داخل القاهره ومطبات وحفر ونقر القاهره (منه لله اللي سايب الشوارع مخربئه كده).

اما التوكيل - انا يا اتعامل مع السبع وهم ناس محترمين, انت بتتعامل معاهم ولا مودرن موتورز ؟ لان انا اتعملت مع مودرن موتورز سنتين وهو مركز صيانه سئ للغايه.

وربنا يباركلك في عربيتك ومتغيرش علبة الدريكسيون ولا اي حاجه تانيه :)

وشكرا على ردودكم يا شباب

**Youssef.Awad** · 27-08-2011 10:36 AM

المشاركة الأصلية كتبت بواسطة noon_eg

الحقيقه ثقتى فى توكيل نيسان مهزوزه تماما

علشان تاخد خدمه صح عندهم لازم يتوفر شويه حاجات

1- ما يكونش عندك عيب صعب اكتشافه
2- تعرف حد جوه يكون كويس فيسهل الدنيا و بختصر الوقت والجهد
3- يحالفك جانب كبير من التوفيق

والله مش عارف اقولك ايه
بس الكلام ده مش كلامى وبس ده كلام اغلب اعضاء المنتدى
وهو ان توكيل السبع غير الباقى يعنى بلاش نعمم
وفعلا معاك فى حتة التوفيق دى لأنها قرف بصراحة
بس انا من 6-2010 و48000 كم اتعاملت مع 3 توكيلات ومتابع اخبار الباقيين وهم ابو غالى - يونايتد جروب - السبع ومودرن
وبحق ربنا السبع انضفهم
وغير الصيانة الدورية غيرت ضفيرة الكهرباء فى الضمان عند 40.000 كم وكنت صابر عليها لحد اما جابت اخرها وزهقت من عمايلها وارتفاع الrpm
كمان لسه مغير فردتين الكلاكس فى صيانة ال45.000كم فى الضمان
غيرت كاوتش تراب المساعدين الامامى ب300ج فى صيانة ال40 الف
ركبت فلتر التكييف فى الحملة المجانية فى 6-2011
غير كده مفيش اى تغيير فى العربية من ساعة الزيرو غير تغيير زيوت وفلاتر وسيور وبس
والعربية الحمد لله زى الفل
فاضلى عند 50 الف كم باذن الله تغيير الكاوتشات وتيل الفرامل الامامى بتاع الزيرو

**anasnora** · 01-10-2011 05:43 PM

ممكن يكون جلب المقصات عاوزة تتغير .. ولو طلع من جلب المقصات .. فى التوكيل مش بيغيروها .. ولما بيغيروا بيغيروا المقص كامل بالجلب بتعته ..

ياريت تروح لواحد عفشجى كويس .. لان حضرتك خرجت من الضمان .. خاليه يبصلك على العفشة والمقصات .. ولو الجلب بايظة حتغيرها
بس شوف الجلب الكبيرة ولا الصغيرة

الكبيرة ب75 جنيه والصغيرة ب50 تايوانى ..

ده رائى فى الموضوع لو طلع من جلب المقصات .. لان احيانا لو فيها مشكلة بتحس بالاعراض اللى حضرتك قولت عليها وانت ماشى

تحياتى وطمنا عليك

الكلام ده هوه المظبوط جلب المقصات وكمان مسمار ربط التيل

-

الموضوع: يا خبراء الصني ... العفشه فيها مشكله

LinkBack

أدوات الموضوع

عرض

-

-

-

المواضيع المتشابهه

الي خبراء العفشه الفاهمين اوي

خبراء في تربيط العفشه

مشكله حد يفيدنى فيها يا خبراء الابيزا

مشكله محتاج فيها رأيكم يا خبراء بروتون

إزاي أعرف إن العفشه فيها مشكله؟

الكلمات الدلالية لهذا الموضوع

المفضلات

المفضلات

ضوابط المشاركة