يا خبراء الصني ... العفشه فيها مشكله

**gravedigger** · 27-07-2011 11:51 PM

السلام عليكم,
عربيتي صني موديل 2006 سوبر صالون وعامله 115000 كم.

المشكله حسيت بيها من كام شهر كده وهي ان لما بمشي على ارض مكسره شويه او اعدي على مطب صغير احس ان في حاجه بتلق وبتعمل خبطه بحسها في الدريكسيون ولو الارض مكسره اوي بيبقى في صوت طقطقه (مش كبالن) وتخبيط.

للاسف مش عارف ايه اللي بيعمل كده, ومع اني لسه عامل صيانة ال115000 ومربط العفشه ولكن بعد ما مشيت بالعربيه لقيتها زي ما هي. المره اللي اتظبطت فيها شويه كان في 110000 المهندس قاللي هاقفلك رجلاش الديريكسيون بس بعد اقل من شهر رجعت تاني لنفس الطقطقه.

هل دي اعراض شيخوخة العفشه (مع اني بتعامل مع المطبات كويس) ولا دي علبة ديريكسيون ولا ايييييه

انا مستاء جدا من شعور الطقطقه والتخبيط طول ما انا ماش بالعربيه حاسس اني راكب 127 مخلعه.

لو حد عنده حل يبقى كتر الف خيره لأني ابتديت اتضايق من العربيه.

**goudamahdy** · 28-07-2011 01:20 AM

السلام عليكم ورحمة الله وبركاته
لو بتحس كده ان زي ما تكون فيه حاجة سايبة ف العجل القدامي وبترزع جامد مع المطبات ......
روح السبع يا باشا هم بيقرطو على صامولة الدريكسيون شوية بتلاقي الموضوع اظبط معاك ان شاء الله ......
عملولي كده في عربيتي واتظبطت بعديها الحمد لله ......
وما تعقدش نفسك كده يا رااااااجل .... سيبها على الله
وكل سنة وانت طيب

**Youssef.Awad** · 28-07-2011 02:43 AM

احتمال فعلا تربيط عمود الدركسيون او العلبة او المساعدين والله اعلم

**gravedigger** · 28-07-2011 04:05 AM

شكرا على الرد السريع يا رجاله.
انا بعمل الصيانات مع السبع هاكلمهم كده واشوف تربيط صامولة الديريكسيون والعمود والمجموعه كلها :))

**FBIAhmed** · 28-07-2011 04:08 AM

بص خليهم يبصوا على تيل الفرامل ممكن يكون متاكل و بيخبط في الطنابير و ركز و انت دايس فرامل جوه احته المكسره الصوت ده بيروح

**Ahmed.TV** · 28-07-2011 06:35 PM

ممكن يكون جلب المقصات عاوزة تتغير .. ولو طلع من جلب المقصات .. فى التوكيل مش بيغيروها .. ولما بيغيروا بيغيروا المقص كامل بالجلب بتعته ..

ياريت تروح لواحد عفشجى كويس .. لان حضرتك خرجت من الضمان .. خاليه يبصلك على العفشة والمقصات .. ولو الجلب بايظة حتغيرها
بس شوف الجلب الكبيرة ولا الصغيرة

الكبيرة ب75 جنيه والصغيرة ب50 تايوانى ..

ده رائى فى الموضوع لو طلع من جلب المقصات .. لان احيانا لو فيها مشكلة بتحس بالاعراض اللى حضرتك قولت عليها وانت ماشى

تحياتى وطمنا عليك

**FBIAhmed** · 29-07-2011 03:24 AM

المشاركة الأصلية كتبت بواسطة gravedigger

اشكركم جميعا على اهتمامكم ونصائحكم

@fbiahmed
مع الشوارع المكسره الصوت مش بيروح مع الفرامل. انا بحس بالخبط من الدريكسيون (العمود ... العلبه ... الخ) مش من العجل.

@ahmed.tv
انا عشت قصة الجلب دي في ال70000 وغيرت المقصات " مكنتش اعرف ان الجلب ممكن تتغير من غير المقص :( "
بالمناسبه هل تغيير الجلب لوحده عمليه مجديه ولا بعد شهرين الاقيها باظت وتنصح اعملها عند مين.

عموما انا كلمت السبع وهاروح الاسبوع الجاي ان شاء الله وهاقولكوا عملت ايه.

ومتشكر جدا على اهتمامك وردودكم.

لو خرجت من الضمان اي عفشجي شاطر هايفقسهالك و لو واحد بتاع زوايا كويس هايقولك الصوت ده من ايه

-

-

الموضوع: يا خبراء الصني ... العفشه فيها مشكله

LinkBack

أدوات الموضوع

عرض

-

-

المواضيع المتشابهه

الي خبراء العفشه الفاهمين اوي

خبراء في تربيط العفشه

مشكله حد يفيدنى فيها يا خبراء الابيزا

مشكله محتاج فيها رأيكم يا خبراء بروتون

إزاي أعرف إن العفشه فيها مشكله؟

الكلمات الدلالية لهذا الموضوع

المفضلات

المفضلات

ضوابط المشاركة