جولف 3 اسبور اتحاد اوروبي موديل 1997 اعلي موديل في الجولف 3

للبيع جولف 3 وارد المانيا موديل1997 اعلي موديل في الجولف 3 انا المالك الاول للسيارة فى المانيا ونزلتها مصر تربتك من 2006 مخزنة فى جمارك القاهرة تم دفع الجمارك وترخيص السيارة من شهرين الحالة العامة ممتازة مقارنة بسيارة الجولف الموجودة فى الاسواق السيارة مواصفات اوربى اسبور موتور 1.6sr انجيكشن حالته جيدا جدا عفشة ممتازه وصالون حاله نادره والسياره فعلا ليست بحاجه لاى مصايف ملحوظة (السياره غير مكيفة لانها اتحاد اوروبي ولكنها مجهزه للتكيف ) لون كحلى غامق تم عمل سريفيس كامل للسيارة منذ استلام السياره وفيها رخصة سنه و البيع بسبب السفر السعر بعد المعاينةالاتصال 0111313170

هى عربيات الاتحاد الاوروبى بتبقى مش مكيفة

حد يكلمنى عن المرسيدس الاتحاد الاوروبى ؟ ممكن أروح هناك واشتريها من غير تكيف واركبلها تكيف فى الحرفيين !!

مع الاعتذار لصاحب الموضوع يعنى دى كلمه "(السياره غير مكيفة لانها اتحاد اوروبي ولكنها مجهزه للتكيف )" الكلمه دى اعتقد والله اعلم ان بدأها التجار وبعد كده انتشرت ف السوق العربيه غير مكيفه لانها اتحاد أوروبى و كلمه ملهاش أى اساس من الصحه .. يعنى لو اتكلمنا على اللادا على اساس انها روسى وفى روسيا ماشى نقول كده عشان دايما جوها برد وتلج وحتى مواتير العربيات بتتعمل انها تسخن اوى عشان تتكيف مع الجو ..!! لكن مفيش حاجه اسمها مش مكيفه عشان اتحاد اوروبى هو فعلا فى عربيات كتير هناك بتنزل مش مكيقه لكن ده مش السبب !!

وشكرا ليك

اقتباس:

---

المشاركة الأصلية كتبت بواسطة mxz911

حد يكلمنى عن المرسيدس الاتحاد الاوروبى ؟ ممكن أروح هناك واشتريها من غير تكيف واركبلها تكيف فى الحرفيين !!

مع الاعتذار لصاحب الموضوع يعنى دى كلمه "(السياره غير مكيفة لانها اتحاد اوروبي ولكنها مجهزه للتكيف )" الكلمه دى اعتقد والله اعلم ان بدأها التجار وبعد كده انتشرت ف السوق العربيه غير مكيفه لانها اتحاد أوروبى و كلمه ملهاش أى اساس من الصحه .. يعنى لو اتكلمنا على اللادا على اساس انها روسى وفى روسيا ماشى نقول كده عشان دايما جوها برد وتلج وحتى مواتير العربيات بتتعمل انها تسخن اوى عشان تتكيف مع الجو ..!! لكن مفيش حاجه اسمها مش مكيفه عشان اتحاد اوروبى هو فعلا فى عربيات كتير هناك بتنزل مش مكيقه لكن ده مش السبب !!

وشكرا ليك

---

فعلا دة من احد الاسباب اللى بتخلى العربية غير مكيفة
لانها من برة وخصوصا اوروبا
ودة مش مقتصر على الجولف فقط
ولكن عربيات كتير موديلات قديمة
ومنهم البى ام e36
والدليل على كدة فى عربيات كتير معاقين بتنزل من غير تكييف
وربنا ييسرلك بيعها

ممكن صور

اقتباس:

---

المشاركة الأصلية كتبت بواسطة omar-saad

فعلا دة من احد الاسباب اللى بتخلى العربية غير مكيفة
لانها من برة وخصوصا اوروبا
ودة مش مقتصر على الجولف فقط
ولكن عربيات كتير موديلات قديمة
ومنهم البى ام e36
والدليل على كدة فى عربيات كتير معاقين بتنزل من غير تكييف
وربنا ييسرلك بيعها

---

ماشى انا موافقك فى الرأى يا باشا ان فى عربيات أوروبى غير مكيفه

لكن المصطلح نفسه اللى هوه ( هيه مش مكيفه عشان اتحاد اوروبى ) لا يدل على شئ غير ان الاتحاد الاوروبى بينزل عربيات غير مكيفه ..

ولكن ف الحقيقه هو بينزل الاتنين مكيف وغير مكيف زى دلوقتى مثلا ممكن تروح تشترى لوجان فاضيه من غير تكيف ولا باور أو فول اوبشن .. ف الاتحاد الاوروبى ملوش دعوه ومش هقول على الفاضيه من غير تكيف اتحاد اوروبى والتانيه اتحاد مغربى

اتمنى اكون وصلت اللى قصدى عليه

هى متخزنة فى الجمارك من 2006 الى 2011 ؟؟؟

اقتباس:

---

المشاركة الأصلية كتبت بواسطة mxz911

حد يكلمنى عن المرسيدس الاتحاد الاوروبى ؟ ممكن أروح هناك واشتريها من غير تكيف واركبلها تكيف فى الحرفيين !!

مع الاعتذار لصاحب الموضوع يعنى دى كلمه "(السياره غير مكيفة لانها اتحاد اوروبي ولكنها مجهزه للتكيف )" الكلمه دى اعتقد والله اعلم ان بدأها التجار وبعد كده انتشرت ف السوق العربيه غير مكيفه لانها اتحاد أوروبى و كلمه ملهاش أى اساس من الصحه .. يعنى لو اتكلمنا على اللادا على اساس انها روسى وفى روسيا ماشى نقول كده عشان دايما جوها برد وتلج وحتى مواتير العربيات بتتعمل انها تسخن اوى عشان تتكيف مع الجو ..!! لكن مفيش حاجه اسمها مش مكيفه عشان اتحاد اوروبى هو فعلا فى عربيات كتير هناك بتنزل مش مكيقه لكن ده مش السبب !!

وشكرا ليك

---

حضرتك يا استاذ انا قصدى انها جايه من المانيا من غير تكييف لانهم مش بحاجه لتكييف والسياره فعلا اتحاد اوروبي ومع اختى من الزيرو وهي اللي منزلها مصر تريبتك يعنى بتأخذ لوحات جمارك القاهر ووتتحرك بيها 6شهور في السنه وال6 شهور الثانيه بتتجرج في مخازن الجمارك ولو حضرتك بتركب جولف وعندك خلفيه ممكن تترجم كل حاجه من رقم الشاسية بتاعها زى مثلا اذا كانت (اتحاد اوروبي او ميكسيكى او برازيلي ) و موديل العربيه وسنه الصنع وغيره... وكل ده من رقم الشاسيه وانا لما قلت انها اتحاد اوروبي ده للعلم فقط واخيرا انا مش تاجر وماليش دعوه بالتجار انا راجل محاسب وشكرا لحضرتك ولك جزيل الشكر.......

اقتباس:

---

المشاركة الأصلية كتبت بواسطة amrrashed

هى متخزنة فى الجمارك من 2006 الى 2011 ؟؟؟

---

ايوه حضرتك السياره من 2006 الي 2011 مخزنه في الجمارك القاهره وانا دفعتلها جماركها والارضيات اللي كانت عليها وتم بحمد الله ترخيصها بعد تعب ومشقة كبيره

بعد اذنك السعر المطلوب كام
علشان لو السعر بعيد عليا يبقى اوفر عليا وعليك المشوار