عرض للطباعة
السلام عليكم
أنا كنت فى أسكندرية و لسة راجع فبركن فى الجراج و أفلت العربية و شوية سمعت صوت تكة جاية من تحت العربية ألئت أعدت أدور على مكان التكة معرفتش أشوف من الضلمة تحت العربية الئت أكتر أمت دخلت العربية و شغلتها و خت بيها لفة تانى و ركنتها فسمعت التكة ديه تانى حد يعرف ليه هل فى مشكلة عندى و ربنا يستر شكرا.
عادى جداااااااا كان عندى الصوت ده فى الماتريكس واضح جدا و تكااااات
بالذات لما تكون فى مشوار طويل شويه
و الافضل متبطلش العربية فورا اول ما توصل من مشوار طويل لكن تسيبها كام ثانيه و بعدين تبطل بس محدش بيعمل كدا و بردوا عادى متقلقش
ممكن ترد على فى الموضوع ده بما انك لسه صاحى
http://www.nilemotors.net/Nile/235591-a.html
دا صوت الزيت بينزل فى الكرتيرة على حد علمى وعادى هو فى كل العربيات
ده بيقى صوت الزيت السخن أوالشكمان متخدش في بالك
متقلقش يا باشا الصوت ده فى كل العربيات تقريبا خاصة اليابانى والكورى ولما سألت عرفت أنها علبة الشكمان بتطقطق... أن شاء الله خيير وربنا يباركلك فى عربيتك
ناس قبل كده اشتكت وناس ردت وقالت علبة الشكمان وخصوصا لما تكون العربيه لسه جديده
طبيعي جدا
شكرا جدا يا شباب ربنا يطمنكوا بس ده اول مرة يحصلى أنا كنت بروح مشاوير كتيرة بس ماكنش بيحصل الكلام ده.