كنت هموت و انا مروح النهاردة

**evram** · 28-07-2011 02:44 AM

نفق احمد بدوي انا مروح دخلت الشارع من اولوة في شي غريب اوي رتب ب غباء و واقفين معاهم سلاح و في حاجة غريبة انا قولت حد اتقتل عادي ولا بلطجية عادي بخش جوة لاقيت ناس كتير جاي عليا و بلطجية بترجعني و ماسكين سيوف اوعي تخش في ضرب نار متخشش متخشش ارجع ارجع ارجع بص قدامي لاقيت رصاصة طايرة من الشمال ليمين خبطط في الرصيف و ردت علي رفرف عربيتي حتي لسة معلمة في الرفرف امي كانت جنبي بقيت تصوت الي وريا شخص بارد سواق تاكسي مش عايز يرجع رجعت ورا بسرعة خبطلوة عربيتوة لولا م رجع و بقيت اخد غرز ب ضهري و امي تصرخ و حودت وشي و مكشيت عكسي و عديت دخلت من رمسيس ربع ساعة امي بتصرخ و خايفة اخويا شاف الرصاصة اغماء عليه و مبقتش عارف اعمل ايه بلج مبقاش فية امان و بقيت خلاص اعصابي باظت

**AboELsoud** · 28-07-2011 02:52 AM

يا خبر ابيض
حمد لله على السلامه
معلش يا باشا احنا حاليا بنشهد اسوء ظروف بتمر للبلد في تاريخها كله
حتى ايام الحرب مكنش فيه بلطجيه و كانت الناس نفسها تساعد الجيش بأي طريقه
ربنا يسترها علينا و تعدي الفنره دي على خير

**aminibrahim** · 28-07-2011 02:55 AM

الله يكون في عونك ---- واكيد الوالده و اخوك اتصدموا

الله يحرق قلبهم-- استهدي كده وحاول تنسي

**osama.m** · 28-07-2011 03:01 AM

كويس انك عرفت تتصرف و الحمد لله على سلامتك
ربنا يعديها علينا بخير

**evram** · 28-07-2011 03:13 AM

المشاركة الأصلية كتبت بواسطة osama.m

كويس انك عرفت تتصرف و الحمد لله على سلامتك
ربنا يعديها علينا بخير

الحمد لله و نشكر ربنا و الف شكر و بجد مش عارف اقول ايه اني عديت من الحته دي اشكرك يارب

المشاركة الأصلية كتبت بواسطة aminibrahim

الله يكون في عونك ---- واكيد الوالده و اخوك اتصدموا

اخويا اغماء عليه و امي بقيت تصرخخخخخخخخخخخخخ و انا في حالة زهول و الحمد لله اني عديت
الله يحرق قلبهم-- استهدي كده وحاول تنسي

انا نسيت بس امي مش ادرة

المشاركة الأصلية كتبت بواسطة aboelsoud

يا خبر ابيض
حمد لله على السلامه
معلش يا باشا احنا حاليا بنشهد اسوء ظروف بتمر للبلد في تاريخها كله
حتى ايام الحرب مكنش فيه بلطجيه و كانت الناس نفسها تساعد الجيش بأي طريقه
ربنا يسترها علينا و تعدي الفنره دي على خير

يارب تعدي بقي

**misoalex** · 28-07-2011 03:33 AM

هما مستقصدينك يا افرام ولا ايه

مره واحد متقطع حتت ومره رصاص هههههههههه

انهارده نفس الموقف حصل معايا بس ازاز بيتكسر وسيوف طلعت فى ثوانى وكانت السكه واقفه وانا لقيت غرزه رحت دايس بنزين وبعدت بسرعه وسبت العربيات ورا بقى مش عارف حصل ليهم ايه

البلد فعلا مبقاش فيها امان

**Amr Axel** · 28-07-2011 03:43 AM

الف حمد الله ع سلامتك يا ايفرام انت و الاسرة

معلش هنعمل ايه بقي الواحد بيمشي بيتلفت حواليه مش عارف التثبيتة هتجيله منين

و اهو اخر المصايب 400 واحد من البدو محاصرين ميناء نوبيع بالاسلحة التقيلة
عشان شحنة مخدرات اتحرزت و عايزين يفرجوا عنها

و غيره و غيره من المصايب اللي بتحصل كل يوم

**mrwho1982** · 28-07-2011 05:35 AM

كنت راكب مع سواق التاكسي النهارده وقاللي عليها فعلا

كان في ضرب نار جامد في المنطقة دي

الحمد لله ربك بيسترها

**evram** · 28-07-2011 07:38 AM

الحمد لله علي كل شيو اهم نسيوة و زهقو من الخوف الحمد لله دي تاني مرة تحصل المرة الي فاتت الرالجل الي متقطع دة انا بجد زهقت

-

الموضوع: كنت هموت و انا مروح النهاردة

LinkBack

أدوات الموضوع

عرض

-

-

-

-

-

-

المواضيع المتشابهه

كنت هموت

هموت علي جين 2

كنت هموت النهاردة على الدائرى

كنت هموت النهاردة بس ربنا ستر

كنت هموت النهاردة بسبب سواق ميكروباص حمار

الكلمات الدلالية لهذا الموضوع

المفضلات

المفضلات

ضوابط المشاركة