فكرة لحماية سيارتك من السرقة

**aymaneid** · 28-07-2011 04:00 AM

بعد ما رجعت مصر اكتشفت ان موضوع سرقة السيارات فى مصر بقة شئ عادى لدرجة ان لو لا قدر الله اتسرقت عربيتك ورحت القسم .... عشان تعمل محضر .... بيكون الرد هو اعطاءك رقم زى البنك بالظبط والعربية خلاص بقت فى خبر كان وعليك العوض ماحدش هيعملك حاجة ....

عشان كدة رحت لواحد صحبى ميكانيكى سيارات وى اتقابلت معاه وكان نقاشنا هو كيفية عمل حماية للسيارة بطريقة مختلفة عن موضوع الانذار مع الحفاظ على كهربة السيارة خاصة انها لسة فى الضمان .... وصراحة كان الحديث مثمر جدا ورحنا لواحد كهربائى ..... وشرحتلوا الموضوع وى انى محتاج اعمل زرار مخفى داخل السيارة مع فصل الكهرباء عنها بس فصل جزئى.

وصراحة الراجل فاجأنى بفكرة عجبتنى جدا وفعلا عملنا الموضوع ده ونجحنا بالفكرة دى

الفكرة هى كالاتى:

هو القيام بالدوس على الفرامل و فى نفس الوقت فتح باب السواق .... ومن هنا يتم فصل السيارة من كهرباء الانجيكشن واستحالة الدوارة مرة اخرة ( وده عشان لو حد اتهجم عليك واجبرك على فتح الباب والخروج من السيارة لسرقتها ) فسهل فى الوقت ده القيام بالضغط على دواسة الفرامل مع فتح الباب.
- لا يتم فصل السيارة من الكهرباء فى حالة فتح اى باب من الابواب الاخرى للسيارة
- استعادة استرجاع الكهرباء مرة اخرى للسيارة عن طريق عمل reset بالضغط على زرار مخفى داخل السيارة لا يعلموا الا انت فقط ثم اعطاء امر للكمبيوتر الخاص بالسيارة بادخال المفتاح داخل الـكونتاكت ثم الانتظار 3 ثوانى ثم اخراج المفتاح مرة اخرى ..... ثم ادخال المفتاح للمرة الثانية لتشغيل السيارة حتى تستعيد جميع وظائف السيارة من خلال الكمبيوتر الخاص بها .

الموضوع مش كبير بالعكس بياخد منك اقل من 10 ثوانى بس من الاخير هو حل محترم لعدم سرقة السيارة وعدم مقابلة اى شرطى داخل اى قسم منعا لحرقة الدم ..... واجبارك على التخلى عن فكرة الثورة المصرية

شكرا .... اتمنى ان اكون اضفت شئ محترم ليكم

اللى محتاج اى معلومة عن الموضوع ده يبعتلى وى انا هقولوا كل اللى محتاجوا وفين المكان والاسم والسعر

**osama.m** · 28-07-2011 04:14 AM

فكرة جامدة جدا و جديدة
لو ممكن تفاصيل اكتر

**hshehab** · 28-07-2011 11:05 AM

السلام عليكم و رحمة الله و بركاته
متابع باهتمام التفاصيل و المكونات و التكلفة و جزاك الله خيرا يارب

**Bassem Raafat** · 28-07-2011 05:04 PM

فكره حلوه ........ متابع .

**mido51eg** · 28-07-2011 05:23 PM

فكرة ممتازة وياريت تقول لي اذا كان فيه طريقة للعربيات الكربراتير ولا لأ. انا معايا فورد اسكورت 1300 كربراتير.

**zidaneelwaly** · 28-07-2011 07:50 PM

عاملتها فين دي عايزين نعملها

**Haitham10** · 28-07-2011 07:52 PM

المشاركة الأصلية كتبت بواسطة mido51eg

فكرة ممتازة وياريت تقول لي اذا كان فيه طريقة للعربيات الكربراتير ولا لأ. انا معايا فورد اسكورت 1300 كربراتير.

+++1

**M_Marwan** · 28-07-2011 08:31 PM

يا ريت شويه تفاصيل عن أسم الكهربائى ومكانه

**elnakshabandy** · 28-07-2011 11:05 PM

فكرة جامده جدا
ربنايكفينا شر السرقه

رمضان كريم

**aymaneid** · 29-07-2011 01:18 AM

الكهربائى موجود بعد محطة الدمرداش شارع ترعة الجبل ... بس الافضل الاتصال بالميكانيكى وده اسموا محمد كويدى رقم الموبيل 0108096111 ... عشان بيكون مسئول عن تسليم وتسلم العربية والكشف علي الكمبيوتر الخاص بسيارتك عشان يتاكد ان كلوا تمام وى مافيش اى مشكلة وطبعا ده مهم ليك عشان تمشى وانت مطمن
بالنسبة للقطع اللى بتحتاجها الكهربائى بيوفرهالك طبعا زى السويتش المخفى واسلاك الكهرباء ، الشيكرتون او هيت شرينك ، القصدير .
وى الموضوع بسيط لانوا مافيش قطع كتيرة ولا حاجة .... الموضوع فى الفكرة مش اكتر
لان الفكرة تتلخص فان بيوصل سويتش قبل الفيوز الخاص بالانجيكشن وانت بتعمل اعادة التشغيل يدويا بدل ما هى موجودة فى العربية اتوماتيكيا وى فى نفس الوقت بياخد وصلة من سويتش الموجود تحت دواسة الفرامل عشان والارضى بتوصل على سويتش بابك مع وضع diode فى سكة سويتش الباب عشان يمنع اخد نفس الامر لابواب السيارة الاخرى وفانون الصالون
طبعا ده كان هيكون احسن بالصور بس للاسف انا ما صورتش مراحل التركيب عشان الواحد كان بيتابع الموضوع خطوة خطوة عشان افهم القصة ماشية ازاى .....
وقت التركيب صراحة اخد حوالى ساعتان والفك والتركيب كان فى منتهة الدقة

فى حاجة مهمة جدا لازم برضوا تعرفوها .... فى حالة انك مش عاوز الموضوع ده وعاوز تلغية .... سهل جدا جدا
والكهربائى بنفسوا بيقولك تعمل ايه وتوصل ايه؟؟؟ من غير ما ترجعلوا تانى
وده جميل وغير مكلف وحتى او عاوز تركب عندوا انذار مافى مشكلة ولا يتعارض مع الفكرة اللى احنا قولنا عليها
بالعكس دى زيادة امان ليك وللسيارة
وى كمان التوكيل لا يمكن هيعرف التوصيلات انها بتكون ماشية مع دفيرة العربية بشكل محترم و مرتب...
انا كمان تليفونى 0184131872 فى حالة حد محتاج يسال اكتر