كنت هموووووووووت

**khaloooda** · 28-07-2011 05:48 AM

انا معايا اوبترا 2010
وانا راجع من السفر علي الطريق الزراعي
كنت ماسك الموبايل بدور علي حاجة ، عيني غفلت عن الطريق لمدة ثانيتين او تلاته تقريبا
فتحت
علي مشهد مش هنساه في حياتي
عربية نص نقل صاحبها مدخل بوزها في الحيطة وصندوق العربية في نص الطريق
كنت ساحب بالعربية
وفجاة فقت علي المنظر وكان بيني وبينها يا دوب كام متر
بدون وعي
كسرت الدريكسيون شمال علي الاخر
واذا بي افقد السيطرة تمااااااااااااما علي العربية
اللي بقت بتروح مني يمين وشمال الطريق
ومش عارف اتلم عليها
واللي جاي مقابل هو كمان خايف يخبط فيا وانا عمال اطوح يمين وشمال
كلبشت في الدريكسيون عالاخر برضه مفيش فايدة
جربت ادوس فرامل حسيت العربية هتتقلب
وطبعا الناس اللي حواليه شافت المنظر
والصويت واللي قال في سره الله يرحمه حاجات كده
حسيت فعلا ساعتها بالموت قريب اويييييييييي
للحظات مرت علي بالي حاجات كتير غلط عملتها
دماغي كانت مشوشة اوي ومع فقداني السيطرة علي العربية زاد احساسي بالخوف والرعب

واذا بلطف من ربنا وحده وبدون سبب وومن غير تدخل مني العربية تهدا شوية بشوية لحد ما تستوي علي الطريق
طبعا انا ركبي ساااااااااابت ومفيش علي لساني غير كلمة الحمد لله
كملت بالعافية سواقة وروحت نمت وانا مش قادر انسي المنظر او افكر حتي فيه
ومش مستوعب ان ربنا نجاني من الموقف ده
الحمد لله

انا بس عندي سؤال لاخوانا اصحاب الخبرة في المواقف دي
ايه احسن تصرف مع العربية في حالة زي دي والعربية عمالة تطوح
وهل تصرفي كان سليم ولا غلط
وشكرا

**AhMeD EzZ** · 28-07-2011 05:56 AM

حمدالله علي سلامتك
اظن ان انسب حل هو تسقيط غيارات عشان تهدي العربية لان ممكن الفرامل تخلي العربية تلعب اكتر

**Shamaa17** · 28-07-2011 05:56 AM

الحمد لله على سلامة حضرتك دى أهم حاجة

**aminibrahim** · 28-07-2011 07:20 AM

حمدالله علي السلامه

انا بنسي اي حاجه وانا سايق وبالزات الموبايل

وحاول تطلع حاجه لله انه نجاك

**evram** · 28-07-2011 07:42 AM

المشاركة الأصلية كتبت بواسطة shamaa17

الحمد لله على سلامة حضرتك دى أهم حاجة

+111111111111111111

**SkyBird** · 28-07-2011 07:44 AM

ايه اللي جراكم يا رجالة
هو المنتدى اتحسد و لا ايه؟

ايه احسن تصرف مع العربية في حالة زي دي والعربية عمالة تطوح

ممكن تسمع نصايح كثير ولكن ساعة الازمة تنسى كل شئ و لا تتذكر الا الموت
دايما قبل ما تسوق العربية سلم امرك لله و لا تعتمد على نفسك وعقلك طرفة عين وهو يحميك وينجيك من كل خطر زي ما نجاك في الموقف ده
لكن لو قعدت تدور ازاي تعتمد على نفسك يبقى مع نفسك

وحمد لله على السلامة

**shadygalal669** · 28-07-2011 08:49 AM

انا هرمي الموبيل ع الكنبه ورا طول ما انا سايق بعد كدا

**HOSSAM99** · 28-07-2011 09:55 AM

حمدا لله علي سلامة حضرت
خلي بالك المره الجايه الموبايل ممنوع أثناء القياده علشان هو خطر

و أهم حاجه تعملها في المواقف دي إن كل التركيز يبقي في السواقه و مفيش أصوات تشتت الواحد و هو سايق و كشف الطريق يعني نرمي بنظرنا كل ثانيتين ثلاثه علي الطريق من بعيد مش نتفرج علي الخطوط البيضه تحت رجلينا

لو قدر الله إن يكون فيه موقف مفاجئ يبقي منكلبش في الدركسيون و العربيه بتعوم ليه لأن العربيه لفت من وره و إحنا مكلبشين و عايزين نعدل العربيه فبنسيب و وتتعوج و نرجع نكلبش و نسيب
أهم حاجه تحاول تحافظ علي سرعتك ممنوع الفرامل توسطن و تسايس العربيه يمين و شمال عكس الحدفه اللي بتحدفها

و الغلط مش غلطك لوحدك غلط إن فيه حادثه و مدش لحق الحادثه و حط إشارات تنبيه كفايه
لكن غلط حضرتك 90 %
ربنا يستر طريقنا جميعا

**kar!m** · 28-07-2011 10:09 AM

حمدا لله على سلامتك .. و الله حصل معايا كذا موقف مشابه زمان أيام الجرى .. امنت ان ستر ربنا بس هو اللى بيمنع الحوادث.

**khaloooda** · 28-07-2011 04:26 PM

ربنا يخليكو يا جماعة
انا فعلت اتعلمت من الحادثة دي وان شاء الله مش هتتكرر

بي محدش جوابني علي سؤالي
في موقف زي ده لاااااااا قدر الله لو اتكرر ازاي اسيطر علي العربية وهي عمالة تتطوح بالشكل ده