مشكلة قرفاني في الجيتا اي حد عندة حل لو سمحتم؟

سلام عليكم
ازيكم يا جماعة كل سنة وانتوا طيبين
مش هطول عليكم ان شاء الله
انا عندي مشكلة قرفاني جدا وهي ان انا معايا جيتا 2009 خليجي اعلي فئة العربية ممتازة صراحة بس فيها مشكلة قاتلة العربية بتحك وواطية بطريقة فظيعة لدرجة انها بقت بتعوقني فعلا وبتعمل مواقف محرجة لدرجة اني بروح شغلي دلوقتي مواصلات عشان الطريف فية مطبات وما ينفعش تتاخد cross والمطبات بقت غريبة اليومين دول ولما يركب معايا ورا اتينين ولا تلاتة بتبقي ماشية تحك في الاكياس في الارض ههههه
يا جماعة انا مش عارف اعمل اية صراحة العربية باستثناء العيب دة تحفة بمعنب الكلمة فخامة ورفاهية وثبات خرافي وشياكة وكل الناس حسداني عليها وانا عجباني جدا باستثناء العيب دة
انا فكرت ابيعها واجيب جيب اكس تريل او ازود واجيب شيروكي ليمتيد بس مسخسرها
فرايكم اية انا هاتجنن

بص يا زعيم
زي ما بيقولوا الشيئ لزوم الشيئ
و ارتفاع الجيتا هو اللي مديها الثبات بتاعها
و اي لعب فيه هياثر علي الثبات بشكل مباشر

فللاسف لو ساكن او بتروح اماكن الطرق فيها مش حلوه ملكش حل الا انك تبدلها بعربيه عاليه
الا لو امكانياتك كويسه و تجيب حاجه عاليه مستعمله و تخلي الجيتا للمشاوير الكويسه

انا ركبت الجيتا والفنتازيا

الاتنين ثباتهم زي بعض

بس معرفش ليه الفرق ده

الفنتازيا لو محمل فيها عماره مش هتحك عكس الجيتا !!!

انا معايا الليون وعندى نفس مشكلتك دية وكرهت نفسى وان شاء الله هابيعها

أنا عربيتي الفانتازيا حملت فيها 5 أفراد ومليت الشنطة علي آخر أخرها بحاجات وزنها تقيل وعمرها ما حكت في مطبات.معرفش ليه الفرق بينها وبين الجيتا في الموضوع ده مع العلم العربيتين ثباتهم واحد

طب يا جماعة حد يشور عليا اعمل اية؟
انا زهقت وهاتجنن

اعرف واحد معاه نفس عربيتك وهى واطية فعلا بس مش قوى قوى زى وصف حضرتك ده اما عموما بيعها و هات الفانتزيا هتحافظ على نفس المواصفات و الفخامة و العربية مش واطية

اقتباس:

---

المشاركة الأصلية كتبت بواسطة dr_mim81

طب يا جماعة حد يشور عليا اعمل اية؟
انا زهقت وهاتجنن

---

أربع جنوط أصلى مقاس 16....و لو عايز تنهى الموضوع من أساسة كمان 2 مساعد أمامى....لأن العربية الخليجى نازلة جنوط 17 و مساعدين sport tunning يعنى واطيين و قاسيين علشان يعطوا هذا الثبات الخرافى.....

اقتباس:

---

المشاركة الأصلية كتبت بواسطة meggieboy

أربع جنوط أصلى مقاس 16....و لو عايز تنهى الموضوع من أساسة كمان 2 مساعد أمامى....لأن العربية الخليجى نازلة جنوط 17 و مساعدين sport tunning يعنى واطيين و قاسيين علشان يعطوا هذا الثبات الخرافى.....

---

يا سلام ...شكل حضرتك ببتتكلم صح وفاهم
هو غالبا فعلا كدة لان عربيتي خليجي وجنوط 17 فعلا ربنا يخليك بجد
بس انا كنت عايز اعف الحاجات دي لما اعملها مش هتاثر علي العربية وكمان مش هتاثر علي الثبات؟
وكنت عايز اعرف لية لما اعمل الحاجات دي تنهي المشكلة ؟كعلش اصل انا خبرتي في العربيات مش جامدة قوي؟
وهل فعلا الحاجات دي هتنهي المشكلة خالص ولا مجرد هتحسن فيها؟
واسف علي الاطالة

اقتباس:

---

المشاركة الأصلية كتبت بواسطة dr_mim81

يا سلام ...شكل حضرتك ببتتكلم صح وفاهم
هو غالبا فعلا كدة لان عربيتي خليجي وجنوط 17 فعلا ربنا يخليك بجد
بس انا كنت عايز اعف الحاجات دي لما اعملها مش هتاثر علي العربية وكمان مش هتاثر علي الثبات؟
وكنت عايز اعرف لية لما اعمل الحاجات دي تنهي المشكلة ؟كعلش اصل انا خبرتي في العربيات مش جامدة قوي؟
وهل فعلا الحاجات دي هتنهي المشكلة خالص ولا مجرد هتحسن فيها؟
واسف علي الاطالة

---

طبعا الجيتا بالطبيعة واطية علشان ده بيدلها ثبات على السرعة و فى المناورات....لكن الجنط ال17 مع المساعدين الرياضية بيزود الموضوع ده جدا...و بيخليك تحس بكل المطبات اللى موجودة فى الشارع لأن العفشة بتاعة سيارة حضرتك تعتبر قاسية....مصممة للطرق الناعمة و السريعة أكثر منها لسواقة داخل المدينة حيث إنها تعطى ثبات و تماسك خرافى على حساب الراحة داخل المدينة...و مننساش طبعا الشكل الرائع للجنوط.....

- كلما زاد قطر الجنط....كلما قل إرتفاع السيارة عن الأرض....
حضرتك عندك 3 إختيارات بالنسبة لجنوط سيارتك...
1- جنط 17 زى اللى معاك دلوقتى و ده أشيكهم على السيارة و أقلهم إرتفاعا و أكثرهم تماسكا و ثباتا على الأرض...
2-جنط 16 متوسط ما بين التماسك الجيد و الأرتفاع الجيد عن الأرض....يعنى قيادة أريح داخل المدينة مع المطبات...
3-جنط 15 أعلاهم عن الأرض...يعنى أريح جدا داخل المدينة و فى المطبات...يزيد من إرتفاع العربية عن الأرض و بكده بيقل إلى حد كبير الإحتكاك مع المطبات...لكن بيقلل شوية الثبات و التماسك على السرعات العالية....طبعا بنتكلم لو حضرتك بتعمل مناورات بالعربية على سرعات فوق ال100 كم مثلا.....


بالنسبة لمواصفات سيارتك بيبقى نازل معاها مساعدين قيادة رياضية و غير مريحيين بالنسبة لسواقة داخل المدينة لأنهم ببساطة واطيين ناحية الأرض و قاسيين...يعنى تقدر تقول بالبلدى ناشفيين...فأى مطب بتحس بيه جامد فى العربية و بيزودوا إلتصاق العربية أكتر بالأرض للمناورات على السرعات العالية و تقليل مسافة الفرملة....
أنصح كمان بتغييرهم بمساعدين عاديين...و ده كفيل بتزويد إرتفاع العربية عن الأرض و إعطاء راحة و نعومة أكثر على المطبات طبعا على حساب التماسك و الإتزان...لكن لا تقلك لن تشعر بالفرق فى الإتزان لأن الجيتا بالطبيعة متزنة جدا إلا لو حضرتك من هواة الجرى و المناورة بالسيارة....

-تغيير هذه الأشياء كفيل بمعالجة 80% على الأقل من المشكلة مع المحافظة على تصميم العربية و عدم العبث بها....لاحظ إن الجيتا بالطبيعى واطية...

هاقول ليك على طريقة جيدة بس مكلفة لو عندك استعداد
اول طريقة انك تغير المساعدين وتركب مساعدين هيدروليك وده هيديك الامكانية انك تتحكم فى ارتفاع وانخفاض السيرة عن طريق زر وطبعا الاوبشن ده موجود فى الستروييين والكثير من السيارات الامريكية بس عيبه انه مكلف شوية ولو فكرت فيه اختار مساعدين زيت

الحل الاخر ومش متاكد انه هاينفع معاك بس عايز واحد بتاع عفشة كويس وهو اقل تكلفه انك تضيف لقم للمساعد علشان ترفعه طبعا هيقل الثبات شوية بس مش هاتحس بيه الا على سرعات اعلى من 140 بس وهاينشف العربية شوية من ورا

رائي متلعبش فى العربيه وبيعها وهات الفانتازيا زى مقال احد الزملاء وده ميعبش العربيه وهيا كويسه جدا وكل حاجه بس هيا مصممه للجرى والسفر بكفاءه ممتازه الفانتازيا هتديلك نفس الشىء مع الارتفاع قليلا عن الارض وتحللك المشكله وتقريبا بنفس السعر
واخيراً واسف للأطاله

ما خاب من استخار ولا ندم من استشار

اقتباس:

---

المشاركة الأصلية كتبت بواسطة meggieboy

طبعا الجيتا بالطبيعة واطية علشان ده بيدلها ثبات على السرعة و فى المناورات....لكن الجنط ال17 مع المساعدين الرياضية بيزود الموضوع ده جدا...و بيخليك تحس بكل المطبات اللى موجودة فى الشارع لأن العفشة بتاعة سيارة حضرتك تعتبر قاسية....مصممة للطرق الناعمة و السريعة أكثر منها لسواقة داخل المدينة حيث إنها تعطى ثبات و تماسك خرافى على حساب الراحة داخل المدينة...و مننساش طبعا الشكل الرائع للجنوط.....

- كلما زاد قطر الجنط....كلما قل إرتفاع السيارة عن الأرض....
حضرتك عندك 3 إختيارات بالنسبة لجنوط سيارتك...
1- جنط 17 زى اللى معاك دلوقتى و ده أشيكهم على السيارة و أقلهم إرتفاعا و أكثرهم تماسكا و ثباتا على الأرض...
2-جنط 16 متوسط ما بين التماسك الجيد و الأرتفاع الجيد عن الأرض....يعنى قيادة أريح داخل المدينة مع المطبات...
3-جنط 15 أعلاهم عن الأرض...يعنى أريح جدا داخل المدينة و فى المطبات...يزيد من إرتفاع العربية عن الأرض و بكده بيقل إلى حد كبير الإحتكاك مع المطبات...لكن بيقلل شوية الثبات و التماسك على السرعات العالية....طبعا بنتكلم لو حضرتك بتعمل مناورات بالعربية على سرعات فوق ال100 كم مثلا.....


بالنسبة لمواصفات سيارتك بيبقى نازل معاها مساعدين قيادة رياضية و غير مريحيين بالنسبة لسواقة داخل المدينة لأنهم ببساطة واطيين ناحية الأرض و قاسيين...يعنى تقدر تقول بالبلدى ناشفيين...فأى مطب بتحس بيه جامد فى العربية و بيزودوا إلتصاق العربية أكتر بالأرض للمناورات على السرعات العالية و تقليل مسافة الفرملة....
أنصح كمان بتغييرهم بمساعدين عاديين...و ده كفيل بتزويد إرتفاع العربية عن الأرض و إعطاء راحة و نعومة أكثر على المطبات طبعا على حساب التماسك و الإتزان...لكن لا تقلك لن تشعر بالفرق فى الإتزان لأن الجيتا بالطبيعة متزنة جدا إلا لو حضرتك من هواة الجرى و المناورة بالسيارة....

-تغيير هذه الأشياء كفيل بمعالجة 80% على الأقل من المشكلة مع المحافظة على تصميم العربية و عدم العبث بها....لاحظ إن الجيتا بالطبيعى واطية...

---

انا متشكر ليك جدا بجد ربنا يكرمك ويبارك فيك
انا كنت فكرت اني اغير واجيب جيب يا شيروكي الجديدة او الاكس تريل واحتمال الاكس تريل فراي حضرتك اية؟
معلش انا عارف اني بتعبك معايا

اقتباس:

---

المشاركة الأصلية كتبت بواسطة raouf

هاقول ليك على طريقة جيدة بس مكلفة لو عندك استعداد
اول طريقة انك تغير المساعدين وتركب مساعدين هيدروليك وده هيديك الامكانية انك تتحكم فى ارتفاع وانخفاض السيرة عن طريق زر وطبعا الاوبشن ده موجود فى الستروييين والكثير من السيارات الامريكية بس عيبه انه مكلف شوية ولو فكرت فيه اختار مساعدين زيت

الحل الاخر ومش متاكد انه هاينفع معاك بس عايز واحد بتاع عفشة كويس وهو اقل تكلفه انك تضيف لقم للمساعد علشان ترفعه طبعا هيقل الثبات شوية بس مش هاتحس بيه الا على سرعات اعلى من 140 بس وهاينشف العربية شوية من ورا

---

الف شكر ربنا يبارك فيك
بعد اذن حضرتك المساعدين الهيروليك دول بيتكلفوا كام ودة مش بياثر علي حاجة في العربية زي الثبات مثلا

اقتباس:

---

المشاركة الأصلية كتبت بواسطة ebrahemlaw

رائي متلعبش فى العربيه وبيعها وهات الفانتازيا زى مقال احد الزملاء وده ميعبش العربيه وهيا كويسه جدا وكل حاجه بس هيا مصممه للجرى والسفر بكفاءه ممتازه الفانتازيا هتديلك نفس الشىء مع الارتفاع قليلا عن الارض وتحللك المشكله وتقريبا بنفس السعر
واخيراً واسف للأطاله

ما خاب من استخار ولا ندم من استشار

---

اسف علي الاطالة اية بس يا فندم دة حضرتك كتر خيرك ربنا يكرمك بجد
هو انا بفكر جديا اجيب جيب يا شيروكي ليمتيد او اكس تريل وان كنت اميل شوية للاكس تريل فراي حضرتك اية ؟
وانا اللي اسف علي الاطالة :)

اقتباس:

---

المشاركة الأصلية كتبت بواسطة dr_mim81

الف شكر ربنا يبارك فيك
بعد اذن حضرتك المساعدين الهيروليك دول بيتكلفوا كام ودة مش بياثر علي حاجة في العربية زي الثبات مثلا

---

هم هايتكلفوا واتوقع اكثر من10000 جنيه طبعا هاتديك ثبات اكثر لان المساعد ممكن تظبطه مانيوال او يكيف هو نفسه على حسب السرعة يعنى كل ماتزيد سرعتك تنخفض السيارة وعند الوقوف والسير بسرعات منخفضة بترتفع السيارة

طبعا السعر اللى >كرته هو سعر الهيدروليك كامل لسيارة مرسيدس الفئة اس ممكن تلاقى ارخص عندك اسال مونرو وكلمهم وشوف هل يوجد مايركب على الجيتا اولا ا>ا وجدت بسهولة ممكن تعرف الموديل وتجيب زيه استيراد من بورسعيد مثلا

اقتباس:

---

المشاركة الأصلية كتبت بواسطة raouf

هم هايتكلفوا واتوقع اكثر من10000 جنيه طبعا هاتديك ثبات اكثر لان المساعد ممكن تظبطه مانيوال او يكيف هو نفسه على حسب السرعة يعنى كل ماتزيد سرعتك تنخفض السيارة وعند الوقوف والسير بسرعات منخفضة بترتفع السيارة

طبعا السعر اللى >كرته هو سعر الهيدروليك كامل لسيارة مرسيدس الفئة اس ممكن تلاقى ارخص عندك اسال مونرو وكلمهم وشوف هل يوجد مايركب على الجيتا اولا ا>ا وجدت بسهولة ممكن تعرف الموديل وتجيب زيه استيراد من بورسعيد مثلا

---

الف شكر ربنا يبارك فيك
ودة مش هياثر في العربية اصل ناس كتير قوي قالوليلي بلاش تلعب في العربية دي خالص

نصيحه بلاش تلعب فى العربيه

هى العربيه معادله تاخدها كده بوضعها عجبتك خير معجبتكش دور على اللى يناسبك

بالنسبه للتغيير الجنوط فده ملوش ادنى علاقه بأرتفاع العربيه

ليه ؟

لأن فى النهايه قطر الكاوتش + الجنط واحد ( تزود فى ارتفاع الجنط فتقلل الكاوتش ) نسبه وتناسب

اما لو لعبت فى مقاسات القطر النهائى وزودته علشان تعلى العربيه هتلاقى قراية العدادات خرفت + عزم العربيه فى الطلعه هيبقى منيل بجانب التجميع البطئ

انا من رائيى المتواضع حضرتك تروح تشترى عالليات ودى حجات بتركب تحت الياى (السوست) بتاعت المساعدين ودى ترفعلك العربيه على الاقل 5سم وتقريبا كمان ان فى مقاسات منها عشان ترفع العربيه زى ما انت عايز وده عشان متغيرش الجنوط 17 الاصليه لانهم بيدو ثبات ده غير شياكتهم

بيعها وهات النيسان قشقاي الجديدة ب 160,000 ج عربية تحفة

يا جماعة انا كنت بعمل الصيانة العادية للعربية الجيتا بتاعتي من كام يوم عند هاني عصمت ومحمد سمير وهناك سالت عن موضوع الوطي الفظيع دة وانها خليجي فالواد الصنايعي قلي ن انا ممكن اغير المساعدين بمساعدين باسات لكن سالت المهندس اللي هناك وهو شكلة بيفهم جدا قالي انت تغير مساعدين العربية بمساعدين جيتا بس المصري ودة بيرفع العربية فقولتلهم ودة مش بياثر علي الثبات وان الواحد المفروض ميلعبش في العربية خالص قالولي لا مش بياثر خالص؟
فانتوا رايكم اية؟
وهل فعلا التغير دة هيفرق في العربية ويعليها ولا لا؟
واعمل انهي فيهم المساعدين الباسات ولا الجيتا المصري؟

اقتباس:

---

المشاركة الأصلية كتبت بواسطة Meggieboy

طبعا الجيتا بالطبيعة واطية علشان ده بيدلها ثبات على السرعة و فى المناورات....لكن الجنط ال17 مع المساعدين الرياضية بيزود الموضوع ده جدا...و بيخليك تحس بكل المطبات اللى موجودة فى الشارع لأن العفشة بتاعة سيارة حضرتك تعتبر قاسية....مصممة للطرق الناعمة و السريعة أكثر منها لسواقة داخل المدينة حيث إنها تعطى ثبات و تماسك خرافى على حساب الراحة داخل المدينة...و مننساش طبعا الشكل الرائع للجنوط.....

- كلما زاد قطر الجنط....كلما قل إرتفاع السيارة عن الأرض....
حضرتك عندك 3 إختيارات بالنسبة لجنوط سيارتك...
1- جنط 17 زى اللى معاك دلوقتى و ده أشيكهم على السيارة و أقلهم إرتفاعا و أكثرهم تماسكا و ثباتا على الأرض...
2-جنط 16 متوسط ما بين التماسك الجيد و الأرتفاع الجيد عن الأرض....يعنى قيادة أريح داخل المدينة مع المطبات...
3-جنط 15 أعلاهم عن الأرض...يعنى أريح جدا داخل المدينة و فى المطبات...يزيد من إرتفاع العربية عن الأرض و بكده بيقل إلى حد كبير الإحتكاك مع المطبات...لكن بيقلل شوية الثبات و التماسك على السرعات العالية....طبعا بنتكلم لو حضرتك بتعمل مناورات بالعربية على سرعات فوق ال100 كم مثلا.....


بالنسبة لمواصفات سيارتك بيبقى نازل معاها مساعدين قيادة رياضية و غير مريحيين بالنسبة لسواقة داخل المدينة لأنهم ببساطة واطيين ناحية الأرض و قاسيين...يعنى تقدر تقول بالبلدى ناشفيين...فأى مطب بتحس بيه جامد فى العربية و بيزودوا إلتصاق العربية أكتر بالأرض للمناورات على السرعات العالية و تقليل مسافة الفرملة....
أنصح كمان بتغييرهم بمساعدين عاديين...و ده كفيل بتزويد إرتفاع العربية عن الأرض و إعطاء راحة و نعومة أكثر على المطبات طبعا على حساب التماسك و الإتزان...لكن لا تقلك لن تشعر بالفرق فى الإتزان لأن الجيتا بالطبيعة متزنة جدا إلا لو حضرتك من هواة الجرى و المناورة بالسيارة....

-تغيير هذه الأشياء كفيل بمعالجة 80% على الأقل من المشكلة مع المحافظة على تصميم العربية و عدم العبث بها....لاحظ إن الجيتا بالطبيعى واطية...

---

انا آسف بس كلام حضرتك عن الجنوط و الإرتفاع خطأ

اقتباس:

---

المشاركة الأصلية كتبت بواسطة عصام غنايم

نصيحه بلاش تلعب فى العربيه

هى العربيه معادله تاخدها كده بوضعها عجبتك خير معجبتكش دور على اللى يناسبك

بالنسبه للتغيير الجنوط فده ملوش ادنى علاقه بأرتفاع العربيه

ليه ؟

لأن فى النهايه قطر الكاوتش + الجنط واحد ( تزود فى ارتفاع الجنط فتقلل الكاوتش ) نسبه وتناسب

اما لو لعبت فى مقاسات القطر النهائى وزودته علشان تعلى العربيه هتلاقى قراية العدادات خرفت + عزم العربيه فى الطلعه هيبقى منيل بجانب التجميع البطئ

---

+11111:ilikeit:

اقتباس:

---

المشاركة الأصلية كتبت بواسطة dr.amr

انا ركبت الجيتا والفنتازيا

الاتنين ثباتهم زي بعض

بس معرفش ليه الفرق ده

الفنتازيا لو محمل فيها عماره مش هتحك عكس الجيتا !!!

---

لأن فانتازيا اعلى عربيه في مصر بعد دراسه لكل علي الموجود دي السوق طبعا المصري مش الخليجي

أحسن حاجة تعمل زي العبد لله و تبيعها خالص بدون لعب في العربية. أنا لسه بايعها امبارح ب 140 أعلى فئة فرش جلد و ان شاء الله ناوي على 4x4 لأن طرق مصر دلوقتي زفت و كل اللي عاوز مطب لو قدام شقته مش في الشارع بيعمله و الله الموفق.
البديل ايه لسه تحت التقدير الكافي مع مراعاة ان النزول من ألماني لعربية تانية صعب جدا

انا معايا نفس عربيتك على قكرة و مش حاسس بالوطي اوي زي ما حضرتك واصف يعني هي واطية اه و بتحك في المطبات بس ده كان في الاول بعد كده لما بأخد المطب براحه او بالجنب مبتحكش تقريبا