النيسان صنى ب97000؟؟؟؟؟؟؟؟؟؟؟!!!

**goudamahdy** · 28-07-2011 01:10 PM

السلام عليكم ورحمة الله وبركاته

انا اشتريت مانيوال اي بي اس من اوتو ايجيبت مدينة نصر في 13-3 -2011 بــ 87000 وده كان السعر اللي ما اتغيرش من زمان من آخر موديل 2010 تقريبا .... الأوتوماتيك اي بي اس وقتها كانت زايدة عن بتاعتي ( المانيوال اي بي اس ) 5000 جنيه يعني سعرها كان 92000 بعدها حصل زلزال اليابان وكل الموديلات زادت 3000 ج. م. بمعني :
أول فئة مانيوال : 87000 بدلا من 84000
المانيوال اي بي اس 90000 بدلا من 87000
الاوتوماتيك اي بي اس 95000 بدلا من 92000

وتقريبا كانت الزيادات دي من بداية شهر 6-2011

دلوقتي بقى لما الاوتوماتيك اي بي اس تبقى بــــ 97000 تبقى زادت بس 2000 جنيه .... ولو كده فعلا يبقى اتوكل على الله وهات السوبر صالون ....

وكل الاسعار اللي انا باقولها لحضرتك دي من اوتو ايجيبت اللي هي تقريبا سعر موحد في كل مكان .

**Eng_Dina** · 28-07-2011 02:46 PM

واضح ان السحب على النيسات عالى .............. و هى للأمانة تستحق

انا لما روحت للمصرية عرضوا على حاجات كتير ...... و لكن والدى الله يخليه صمم على النيسان فبعتوا جبوهالى من فرع أسكندرية.

انا رأى توكل على الله و أشتريها دلوقتى عشان واضح أن سعرها مش مستقر و ممكن تغلى كمان و ربنا معاك

**Abdm** · 28-07-2011 04:18 PM

أنا سئلت فى أوتو أيجيبت وفعلا كل موديلات الصنى زادت 2000 جنية . بالآضافة كمان سئلت فى سمير ريان قال لى نفس الآسعار. وربنا يسترها معانا

**amtaha2** · 28-07-2011 04:28 PM

أنا حجزت عند المصريه بسعر 95000 ودفعت دفعت حجز 1000 جنيه والراجل أكدلى انى هستلم خلال الاسبوع الجاى وأكدلى السعر كمان وسألته طيب انتوا بتجيبوا منين قالى احنا بنجيب من مصنع نيسان نفسه قلتله يعنى مش بتجيبوا من الموزعين زى السبع وأوتو ايجبت قالى لأ طبعا احنا موزعين لنيسان نفسها أتمنى يكون صادق معايه وانوا يسلمنى يوم الاحد القادم

حد ليه خبره مع المصريه للسيارات وهل هم فعلا محترمين فى مواعيدهم وبيحترموا كلامهم ؟؟؟؟؟

**Youssef.Awad** · 28-07-2011 05:12 PM

اهو ده عيب التجار المصريين
جشع بلا نهاية وبلا حدود
مش كانت ب95000ج ومش عاجبة اهى زادت كمان يلا بقى قابل يالى عاوز تشترى نيسان واول ما ترخص وتفكر تتمنها تلاقى الكل خسف بيها الارض
لكى الله يا مصر !!!!!!!!!!!!!!!
يعنى دلوقت باقى الطرازات زادت برضه 2000ج ولا الاتوماتيك بس ؟
وفعلا كده الواحد يزود كمان 5 الاف ويجيبها سوبر صالون احسن بالجنوط والجلد والابنوس

**SonaSteel** · 28-07-2011 05:22 PM

المشاركة الأصلية كتبت بواسطة amtaha2

أنا حجزت عند المصريه بسعر 95000 ودفعت دفعت حجز 1000 جنيه والراجل أكدلى انى هستلم خلال الاسبوع الجاى وأكدلى السعر كمان وسألته طيب انتوا بتجيبوا منين قالى احنا بنجيب من مصنع نيسان نفسه قلتله يعنى مش بتجيبوا من الموزعين زى السبع وأوتو ايجبت قالى لأ طبعا احنا موزعين لنيسان نفسها أتمنى يكون صادق معايه وانوا يسلمنى يوم الاحد القادم

حد ليه خبره مع المصريه للسيارات وهل هم فعلا محترمين فى مواعيدهم وبيحترموا كلامهم ؟؟؟؟؟

بص علشان مقلقكش ... انت استني معاهم وان شاء الله تستلم في ميعادك
بس هما مش موزعين نيسان ... ده غير ان المصنع نفسه الانتاج فيه واقف دلوقتي لغاية مايرجعوا من الاجازة السنوية .
المهم لو استلمت ان شاء الله ... تشيك علي العربية وتستلمها بالنهار وتشوف لو مخبوطة او الدهان فيه حاجة .. وطبعا تشيك علي كتيب الضمان بتاع العربية والضمان وضمان الكاسيت والكاوتش و الكريك والاستبن وشنطة العده.

وربنا ييسرلك كل خير ان شاء الله

**Youssef.Awad** · 28-07-2011 05:30 PM

المشاركة الأصلية كتبت بواسطة goudamahdy

دلوقتي بقى لما الاوتوماتيك اي بي اس تبقى بــــ 97000 تبقى زادت بس 2000 جنيه .... ولو كده فعلا يبقى اتوكل على الله وهات السوبر صالون ....

وكل الاسعار اللي انا باقولها لحضرتك دي من اوتو ايجيبت اللي هي تقريبا سعر موحد في كل مكان .

فعلا كلام صحيح 100%

المشاركة الأصلية كتبت بواسطة Abdm

أنا سئلت فى أوتو أيجيبت وفعلا كل موديلات الصنى زادت 2000 جنية . بالآضافة كمان سئلت فى سمير ريان قال لى نفس الآسعار. وربنا يسترها معانا

فعلا الاسعار كلها موحدة فى كل مصر ودى ميزة فى عربيات نيسان كلها انها مش بتحرق الاسعار ولو حد ملاحظ مفيش اى معرض بيبيع الصنى او اى عربية اقل من تمنها الا بملاليم يعنى تلاقى 500ج ولا الف حتى والاكتر بنفس السعر بيديك اوبشن وكماليات هدية لزوم التسويق يعنى ودى ميزة بدل التوكيلات اللى بتلعب بالاسعار وتلاقيها برة ارخص ب5000 و10 الاف كمان