يا شباب الرجاء المشاركة
أنا أريد شراء ساجا أوتوماتك بس متردد
العربية عاملة أية معاكم
في مشاكل أو أعطال غريبة؟
اشتريت العربية متي؟ وعملت كام كيلو
قطع الغيار متوفرة؟
عرض للطباعة
يا شباب الرجاء المشاركة
أنا أريد شراء ساجا أوتوماتك بس متردد
العربية عاملة أية معاكم
في مشاكل أو أعطال غريبة؟
اشتريت العربية متي؟ وعملت كام كيلو
قطع الغيار متوفرة؟
العربيه مع أخويا بقالها سنه ونص ماشيه 35000 كيلو وبيشكر فيها جدااااا وفي توكيلها بس اللي معاه مانيوال .
متشكر جدا يا باسم
شباب ساجا ...فين مشاركتكم ؟
شكرا مقدما
ساجا سوده اتوماتيك عامل 19 الف كيلوا و بسم الله ما شاء الله موتور قوي ثبات روعه مقفل بيها العداد لسه امبارح علي طريق العلمين و انا راجع من مطروح و شكلها تحفه مظهرش معايا ولا عيب غير عيب واحد كان موجود في موديلات 2010 و مش كل العربيات ظهر فيها و كان عيب صناعه كانت مشكلة في علبة الدركسوين و اتغيرت كلها في الضمان و مدفعتش جنيه واحد اتوكل علي الله و اشتري و مش هتندم بجد و للمعلومات اكثر و للتواصل مع ملاك الساجا كلهم علي الانترنت احنا عاملين جروب نادي ملاك الساجا في مصر اتمني حضرتك تشرفنا فيه هيعجبك اوووي و هتعرف كل كبيره و صغيره عن العربيه فيه
اسم الجروب علي الفيس بوك
Proton Saga Egypt Club
اعمل سيرش بأسم الجروب و بعدين اشترك في الجروب
ادمن الجروب lopaid taher
متشكر جدا علي المشاركة
شباب ساجا ....انتو فييييييين؟:120146b
إحنا موجودين يانيدو بس محتارين مش عارفين إنت عاوز إيه بالظبط...
إسأل أسئله محددة وإحنا نجاوب عليك بالتفصيل الممل.....
لعلمك ... أتحداك وأراهنك لو ظهر حد هنا أو على صفحتنا عالفيس يقول كلمه واحدة بس وحشه عن الساجا...
الحمد الله العربية دى إختيار موفق لكل اللى إشتروها.... ولما تسال اكتر هتعرف
شكرا يا محمد علي سرعة الرد
أنا أربد شراء ساجا الاتوماتيك بس خائف ....
العربية لسة مش منتشرة علشان كده عايز مشاركتكم بكل موضوعية
العربية عاملة أية معاك ؟ في مشاكل ؟ أعطال غريبة؟
التوكيل وقطع الغيار...مش عايز أجيب العربية و أركنها علشان نقص في قطع الغيار
إستهلاك البنزين؟
لو رجع بيك الزمن كنت هتجيب العربية ؟
أنا وقفت واحد في الشارع النهارده .....كانت اجابتة ....أوعا تجيبها !
محتاج الرد بكل حيادية من فضلك
للاسف هتتعذب في مصر لو اشتريت عربية مش منتشرة
ايه يا جدعان الكلام ده هتعزب ف ايه بس اولا العربيه زيرو يعني علشان تبدأ تحط فيها قطع غيار مش اقل من 4 او 5 سنين ثانيا قطع الغيار مش كلها غاليه زي ما انتوا فاهمين فيه كمان عربيات تانيه زي الرينو لوجان قطع غيارها اغلي من الساجا غير ان الساجا قطع الغيار بتاعتها بدأت دلوقتي تنزل برا التوكيل و في محلات جابت ليها قطع غيار غير ان العربيه ليها بدائل كتير في قطع الغيار ممكن نجيبها من قطع غيار سيارات اخري اما بالنسبه للتوكيل فهو كويس مش وحش و مش بيضحك علي الناس زي توكيلات تانيه كتير اه في تأخير شويه في قطع الغيار بس بتيجي و بتركب في الضمان من غير ولا مليم لو العيب عيب صناعه انما لو عيب استخدام بيبقي حاجه تانيه ما الجين 2 اول ما نزلت الناس كانوا بيقولوا نفس الكلام و شوف دلوقتي الجين 2 منتشره ازاي و دلوقتي قطع غيارها في كل حته و في منها استيراد كتير
شكرا يا سبايدر
إيه يا شباب ما حدش عايز يشارك ؟
يا جماعة اية الصمت الرهيب دة
اجيب العربية ولا اية
الرجاء المساعدة
أريد شراء ساجا اوتوماتيك و متردد و عايز مساعدتكم بكل موضوعية
هل تقفيل العربية جيد؟ و الخامات الداخلية جيدة (التابلوة.....)
جودة التكيف ؟ سحب العربية مع التكيف؟
استهلاك البنزين؟
هل في أعطال للعربية قبل صيانة ال 5000؟ (مساعدين,عفشة ,اعطال كهرباء.....)
هل قطع الغيار متوفرة خارج التوكيل (القطع الاستهلاكية و الأساسية) ....مش عايز اركن العربية تحت البيت
التصليح خارج التوكيل؟
كفاءة التوكيل من حيث التعامل مع العميل و الإصلاح؟
رمضان كريم
السلام عليكم ورحمة الله وبركاته
بص يا معلم انا هاقولك على رأى وانت براحتك :)
العربيه بقالها معايا 8 شهور بفضل ماشيه كويس انا اشتريها عشان اكبر دماغى من الميكاينكيه والهم كان معايا اكسل شوفت فيها كل الحركات
المهم العربيه ثابته مفيش عيوب ظهرت بس هما فى التوكيل لو في اى حاجه بيغريهالك جوه الضمان عموما من الاخر بالنسبه ليه لو عايز عربيه ممتعبش قلبك كتير بس تصليحها يبقى فى التوكيل وتاخد كماليات كتير وعربيه عزمها كويس وثابته على الارض وتكيفيها كويس
توكل على الله
ديه تجربتى جايز مش هافيدك قوى لانى مبفهمش فى العربيات
متشكر جدا يا ضاحي على المشاركه و أكيد كانت مفيده
شكرا تاني
السلام عليكم
طب سعر السياره فى حدود كام
73K automatic
بص
لو هتتكلم علي الثبات والامان والكماليات يبقي الساجا هتكسب وباكتساح
انا شاريها بقالي تقريبا 10 شهور
ولما كنت بشتريها كنت بقارنها بالنيو اكسنت والساجا كسبت المقارنه عشان الاوبشن اللي فيها ووسعها من جوه كمان غير طبعا السعر
اما بقي لاستهلاك البنزين فهو مش استهلاك عربيه 1300
العربيه زي ما بتديلك اداء اي عربيه 1600 فا هي بتستهلك اسهلاك اي عربيه 1600 وده جوه البلد اما بره البلد فا استهلاكها معقول جدا واحسن من اي عربيه 1600 مع العلم انها بتديك نفس الاداء بردو
بغض النظر ان معايا فيرنا
بس بكل صدق
اقدر اقلك هاتها وانت مطمئن تماما بأن بكل جنيه هتدفعه هتاخد عربية بمعنى عربية !
ثبات على الطريق وموتور كويس جدا وقطع غيار معقولة لا هي غالية ولا هي رخيصة ووكيل كويس والناس بتشكر فيه وتكييف معقول وتسارع جيد جدا على موتور 1300
يمكن العيب اللي اان شايفه في الساجا ان التانك صغير شوية فانت بتحس انها بتستهلك بنزين كتير في حين انها مش بتستهلك بنزين كتير ولكن انت اللي هتمون كتير علشان التانك صغير شوية بس
انما غير كدة مبروك عليك العربية
اي خدمة يا سبيدر
احنا في كلامنا كل واحد بيدافع عن عربيته ولكن لحد النصيحة لوجه الله في شراء عربية جديدة لازم الواحد يقدم النصيحة كما ينبغي ان تكون فعلا
وخلينا نعترف ان الساجا احسن عربية في الفئة السعرية بتاعتها من حيث السعر مقابل القيمة !
متشكر جدا يا اشرف
يا ريت تكون كل الناس موضوعية زيك كدا
توكل على الله وان شاء الله مش هتندم ابدا
ياباشا رمضان كريم :Y_hi_3[1]:
انا معايا ساجا اوتو من 10/2010 عامل بيها 22000 كيلو
وبصراحه منصحكش بيها بنسبة 100 % وهقولك ليه ؟
نكون صرحا فى البدايه معظم التوكيلات فى مصر ضايعه وصعب قوى يبقى مركز خدمه ولا توكيل متعرفش توصله الا بالموبايل ولا ايه ده حتى تحس انه مش مستوى ... :rolleyes:
وبالنسبه لقطع الغيار فى ناس فى المنتدى ومع كامل احترامى ليهم كانو بيقولوا قطع غيارها بتتوفر بره وادى العناوين والتليفونات وبصراحه مكنتش بلاقى القطع اللى انا عايزها ... على سبيل المثال جسم المرايا اليمين عندى اتكسر و ب 400 تقريبا فى التوكيل انا مش متذكر قوى بس كمان مكنش موجود !!!!! ببساطه فوت علينا بكره ياسيد ....
وبالنسبه للمثال بتاع جين 2 لو قريت كم المشاكل اللى هيى عيوب صناعه او فينيش فى العربيه هتخاف !! ازاى كل التاريخ ده ولسه فى مشاكل بالكم ده واقصد بالكم انه عدد العربيات اللى فيها مشاكل مش عدد المشاكل فى كل عربيه علشان اكون منصف ... :fun_broken:
بالنسبه للساجا ... :penguin4:
1- تقيله فى البيع
2- قطع غيار لم تتوفر بصوره كافيه حتى الان ..
3- عيوب لازم تظهر فى كل عربيه مع اختلافها ومثلا معايا انا شخصيا ساعات نور الكابينه الداخلى بيعلق --- وكذا مره علق الزجاج الجانبى ومرضيش يتحرك ----- والتكييف لحد دلوقتى بيفصل لوحده ويشتغل تانى -----الدهااااان ضعيف جدا من لمسه يقشر ...
4- الصيانات اسعارها مش قليل .
5- استهلاك بنزين عاااالى كانها 1600 وده بصراحه اتقالى من اصحابى هنا من قبل ما اشترى فانا مش متضرر منه بس حبيت اقولك ، وسمعت كلام ناس كتير على وسائل وطرق تخفيض الاستهلاك لكن لا حل وقعدوا يقولولى بعد صيانه ال 1000 لا ال 5000 لا 10000 وادينى رايح اعمل صيانه ال 20000 يوم السبت 13/8/2011 ان شاء الله .. ومش حاطط امل فى موضوع البنزين ده لان ده تصميم العربيه .
6- مش منتشره رغم توقات الكثيرين منذ البدايه انها هتنتشر جدا لكن اللى ظهر معاها مثلا فى نفس الوقت بريليانس fsv وانتشرت عنها جدا بصراحه . وده يخليك تقلق ان تنتشر قطع غيارها بره التوكيل بصوره مرضيه فالوضوع فيه مخاطره يابرنس .
فى النهايه احب اقولك ان العربيه كميكانيكا كويسه مع الواحد ومشتكتش منها فى حدود سعرها لان الماليزيين اهتموا بميكانيكا العربيه على حساب الفينيش او الدهان او بعض المتيريال وسامحنى فى العربى البايظ بتاعى
ولو عايز اى معلومات انا تحت امرك ولو عايز تكلمنى بالتليفون ابعتلى رساله على الخاص
واقسم بالله وانا صايم انى مش تبع حمله ترويجيه لنوع تانى ولا بهتش ولا بفترى ولا بهول انا صادق فى كل حرف كتبته ..سلام
اه صحيح انا مش من الفلول ولا توفيق عكاشه :M_yes[1]:
ألف ألف ألف مليون مبروك على الاستلام
ربنا يديلك خيرها يا رب ويحميك من شرها
اللهم آمين
طب احكلنا ايه النظام وانطباعاتك وكل حاجة انا كمان عايز اجيب واحدة على اخر الشهر بعد محفيت ومش لاقى عربية عدلة لغاية 90000
الف مبروك
ربنا يديك خيرها ويبعد عنك شرها