-
الله يبارك فيكم جميعا وعقبال كل اللي عربيته مسروقة ترجع قريب يارب
انا سعيدة بمشاعركم وحاسة بصدق فيها
وانا دخلت مخصوص كتبت خبر رجوع العربية لسببين
الاول اني زي مشاركتوني زعلي على العربية تشاركوني فرحتي برجوعها
والتاني انكم تستفيدوا من الاحداث لعل وعسى يكون ربنا سخرني كسبب لرجوع عربية حد
والله القصة طويلة وكان فيها لف ودوران كتير وحلقات منفصلة مش عارفة اربطها ببعضها بس الحمد لله ايا كان ربنا بيسبب الاسباب ... هحكيلكم بالتفصيل
-
يوم الاربع الفات اتصل بيا واحد قالي انه من الشرطة وانهم لقوا العربية وموجودة في نقطة القطامية .. راح احمد ميدو ربنا يبارك له سألي في نقطة القطامية ملقاش نقطة اصلا وانها مهجورة وانتقلوا لقسم اول القاهرة الجديدة تقريبا او تالت مش فاكرة وراح سأل فيهم ملقاش حاجة .. الغريبة في الموضوع انه اتصل على رقمي والعربية باسم جوزي وطبعا سايب رقمه هو في المحضر .. فانا قلت ده نصاب وجاب رقمي من اعلانات النت
اتصل تاني وقلت له روحنا ومفيش حاجة .. قالي عايزة الحوار من الاخر هي مع الشرطة وهم عايزين فلوس ومش هنقولك فين الا لما ناخد حلاوتنا .. قلت له مفيش مانع بس تجيبلي رقم الشاسيه والموتور وامارة في العربية
قالي 3 دقايق وهرد عليكي ومردش 3 ايام :) .. روحت متجهه للقسم اللي البلاغ بتاعنا تبعه وحكيتلهم القصة ففي امين شرطة منهم اتولى الموضوع بنفسه وقعد 3 ايام ورد عليا امبارح وقالي انه طول ال3 ايام بيسأل في مرور الجمهورية كلها لحد موصلها هي في انهي مرور هو طلع بعيد لسه مقدرناش نروح والحمد لله من تدابير القدر تطلع في احدى نقط مرور محافظة المنيا اللي انا اصلا منها .. والحمد لله لينا معارف هناك راحوا النهاردة واتأكدوا من ارقام الشاسيه والموتور وبيقولوا مسكوها وهي ماشية من غير نمر ومش متبهدله والحمد لله
-
-
ياعنى اللى اتصل بيكم وقاعد يلف ويدور ويحور ويدوخكم كان من الشرطة ومش نصاب !!!
علشان الحلاوة !!!
الله يخربيت سنينهم السودا ... مش عاوزين ينضفوا ابدا
-
بص هو احتمال يكون شرطة بس لو شرطة جاب رقمي انا منين ؟ انا رقمي على اعلانات بسيطة في النت لاني في الاول كنت بنشر الاعلانات برقم جوزي
بس هو نفسه سألني ليه الاشارة جاية برقمك انتي
انا قلت احتمال عشان كنت بتابع في مديريات الامن على مستوى الجمهورية وبسيب لهم رقمي
واحتمال هو نصاب ومعندوش عربيات ولا يعرف لها طريق وكان سبب ان الامين التاني بتاع القسم يهتم ويبحث
انا مش عارفة احل لغز الراجل الاولاني
وعلى فكرة التاني مبلغنيش رسمي بردو قال هاتي فلوس بكوين تلاتة وقابليني قدام القسم وهقولك فين بس ده ميقدرش ينصب عليا ولا يكدب لان شخصيته معروفه
بس قولنا له نتأكد وحلاوتك محفوظة وادانا المعلومات ومكنش يقدر يعمل غير كدة لان اكيد هيخاف نبلغ عنه
-
اكيد امين شرطة وعثر في رقمك من اي محضر او اي ورق ﻻن الواحد لما يدور كثير بينسى ساب رقمه لحد وﻻ ﻻ
لﻷسف الشديد الداخلية والشرطة مش حتنظف ابدااااا
حاميها حراميها
-
بجد حسبي الله ونعم الوكيل في اللي بيحصل ده
احنا فين بالضبط وايه القذارة اللي في الشرطه دي
بعد كل ده مفيش فايده فيهم
-
مبروك الرجوع الحمد الله ..
-
ألف مبروووووك
و ربنا فرحت لك
-
Content Relevant URLs by
vBSEO 3.6.0 PL2