الحمد لله.........النهاردة جددت رخصة عربيتي ...........وبالمناسبة دي انا ححكي انا عملت اية بالضبط عشان اللي في نفس ظروفي ميتعبش كتير
اولا: انا اشتريت عربة فيات128 موديل 90(طبعا مستعملة) من كام يوم وطبعا بعد مادفعت تمنها للشخص اللي اشتريتها منة اداني 3اوراق مههمة جدا هي:
1-رخصةالعربية باسم مالكها.
2-شهادة مخالفات(خد بالك ان مدتها 15يوم).
3-عقد مسجل في الشهر العقاري.
وطبعا قبل الورق دة كان مديني العقد الابتدائي اللي اشتريت بية العربية منه وصورة بطاقتة وكان معاة توكيل من حد كان شاري منة العربيبة...........نسيت اقول ان العربية كانت مرور فيصل وانا كنت عايز انقلها المرور بتاعي مصر الجديدة.
ثانيا: بداية جولتي في المرور................طبعا انا مكنتش عارف حاجة خالص وكنت رايح وحاطط ايدي علي قلبي بس الحمد لله سالت ظابط مرور كان واقف ودلني بصراحة بكل احترام وتواضع(بالمناسبة انا مرور مصر الجديدة) والخطوات بدات كالتالي:
1-اشتريت نموذج فحص وتجديد من الخزينة بمبلغ24 جنية.
2-وانا جوة المرور سالت علي موضوع التامين ولقيت شركة جوة المرور وامنت سنة عشان مكانش معايا فلوس بمبلغ111جنية.
3-ركزوا اوي في الخطوة دي عشان مهمة :جبت العربية وسالت علي مكان الفحص لقيتة جنب المرور واللي عارف المنطقة فهو خلف جامع جمال الدين الافغاني.......والفحص كان كالاتي ناديت واحد من عند كشك المرور عشان ياخد بصمة الشاسية والموتور(ودول بيبقوا كتير اوي)ويكتبها في الورق اللي اشتريتة الخطوة الاولي وبعدين رحت لمهندس جوة المرور عشان فحص السيارة و(طبعا هتلاغية باي فلوس) وبعد ما يمضيلك في نفس الورق تاخد طفاية الحريق وتختم الورقة بتاعتها اللي جت مع الورق اللي اشتريتة الخطوة الاولي من كشك المرور وهو حيطبع عليها رقم الشاسية......................وبعدين ناديت علي واحد من اللي بيفكوا النمر عشان يفك نمر العربية (بس خليك حافظ شكلة عشان هيجي معاك تاني يركبلك النمر الجديدة)
4-خدت النمر القديمة والورق اللي اتمضي واتختم واشتريت دوسية نقل ملكية ب5جنية
6-رحت عند واحد عرضحالجي قاعد قدام المرور فخد الورق مني ونظمة وكتبة وحط في كل الاوراق اللي معايا(ورقا لفحص والتجديد-التامين-صورة بطاقتي-العقد المسجل-توكيل العربية القديم-رخصة العربية القديمةشهادة المخالفات)ودبسهم وملي باقي ملف نقل الملكية وخد20جنية(ممكن الخطوة دي تعملها لوحدك لو انت فاهم الورق هيتملثي ازاي بس انا عملت كدة عشان عايز اريح دماغي)
7-طلعت المرور ولقيت شباك فاضي(فية واحدة موظفة دلني عليها العرضحالجي)وقامت واخدة الورق مني والنمر القديمة وراجعتهم وبعدين اديتني ايصال بمبلغ330 (عرفت انهم الضريبة وشوية حاجات تانية مش عارف اية)واشتريت معاهم طابع شرطةب3جنية.
8-دفعت المبلغ في الخزينة ورجعت لها............فقالت لي استريح لحد الورق يتراجع في الكمبيوتر وبعدين هينادوا عليك
9-فعلا استنيت حوالي نص ساعة وبعدين نادوا عليا وادوني الرخصة فنزلت جبت بيها النمر الجديدة.
10-اخر خطوة خدت النمر الجديدة وطلعت بيهم للراجل اللي فكهم لي عشان يركبهم.
والحمدلله خلصت الرخصة علي خير.