انا معايا ميجان 2005 سحب العربيه بيقل بشكل ملحوظ اوى وانا مشغل التكيف بحس ان العربيه مخنوقه هل دا عادى ولا ممكن يكون عندى مشكله مع العلم انى دى اول عربيه ليا ومسقتش غيرها فمش عارف احدد اذا كان ده الطبيعى ولا فى مشكله
عرض للطباعة
انا معايا ميجان 2005 سحب العربيه بيقل بشكل ملحوظ اوى وانا مشغل التكيف بحس ان العربيه مخنوقه هل دا عادى ولا ممكن يكون عندى مشكله مع العلم انى دى اول عربيه ليا ومسقتش غيرها فمش عارف احدد اذا كان ده الطبيعى ولا فى مشكله
نفس المشكلة لما بشغل المكيف ومعايا ناس فى العربية بحس انى سايق ترلة
جرب ياباشا تغير بوجيهات و فلاتر ممكن تكون المشكله منهم لاني انا اعرف ان الميجان مش بتتاثر بالتكيف اوي
تحت امرك وان شاء الله خير
أول ما جبت الميجان كانت برده تقيلة في السحب,
فغيرت 4 حاجات كالاتي
1 :- بوجيــــــــهات - جبت 3 شــــــمعة ngk
2 :- فلتر هـــــــواء جديد - فرق جامد
3 :- فلتر بنزيــــــن جديد
4 :- زيـــــــــت موتور غيرته
5 :- و نضفت البوابة "Throttle"
ومن عندي زودت طــول البوجيهات بالفــلـــر - من 0.7 إلى 0.9
فعلا ً بقت تسحب و أصبحت أشد مع ناس مواتير ,
و الله الموفق,
التكييف فعلا بيأثر جدا على السحب وده فى رأيى واحد من أهم عيوب الميجان (طبعا الكلام على بداية التحرك و السرعات المنخفضة فقط يعنى تقريبا النقلات الأول والتانى)
عندي سؤال صغير، يعنى ايه "زودت طــول البوجيهات بالفــلـــر - من 0.7 إلى 0.9" و ازاي ممكن اعمل كده؟ و هل ده ممكن يعمل اي تاثير سلبى على الموتور على المدى البعيد؟
و كمان انا البوجيهات بتعتى رينو اصلى، هل ال ngk اكثر كفاءة من الرينو الاصلى؟
و شكرا للاهتمام