اختلف مع الجميع فى موضوع البنزين

**solycar** · 06-05-2008 11:05 PM

المشاركة الأصلية كتبت بواسطة Ahmed A.Maksoud

بمناسبة زيادة أسعار السلع كرد فعل لزيادة أسعار البنزين

حد عنده علم سعر طن الحديد وصل كام ؟

7250 جم للطن و أحنا لسة فى أول يوم

أظن كده اللى كان بيحاول يدور علي شقة ينسى ( اقصد من الطبقة المطحونة جداً لأن دلوقتى فى 3 طبقات 1- المطحونين جداً 2- المطحونين 3- الباشاوات )

كل دة ملوش علاقة بالبنزين
لو تلاحظ ارتفاع الاسعار موجود من البداية
لكن دلوقتى هيكون عندنا سبب(بس بردو الغلاء كان موجود من الاول)

**Chicco** · 06-05-2008 11:10 PM

solycar باشا ....المشكلة ببساطة إن ما دام البنزين غلي كل حاجة حتغلى.... أضعاف مضاعفة ....و على الكل
يعني مش بس على اللي راكبين عربيات ....كل الناس
و أكبر فئة حتعاني هي الفئة المطحونة اللي مش حتقدر تلاحق على زيادات الأسعار المتوقعة في الغذاء و المواصلات و أساسيات الحياه

انا قلت ان هيحصل جشع و استغلال
و لازم يبقى فى دور رقابى من الحكومة

رقابة حكومة إيه يا باشا ....هي الحكومة فاضية للناس اللي بتركب الميكروباصات و مش لاقيين ياكلوا ...قلبك أبيض
و لما أنا أو سعادتك نرفض ندفع و السواق يرمينا بره العربية حنعمل إيه أوعي تقولي تشتكي في القسم

**solycar** · 06-05-2008 11:11 PM

الفكرة يا جماعة هى فى السيطرة على الغلاء النلتج عن الاستغلال من كبار التجار و رجال الاعمال و المحتكرين

و متنسوش ان العلاوة دى اصلا نزلت للمساعدة على مواجهة الغلاء الذى حدث سابقا
مش عشان تساعد فى الغلاء اللى هيحصل

**abdelaziz-waleed** · 06-05-2008 11:13 PM

يا استاذي البنزين بيستفاد منه الغني والفقير
يعني دلوقتي هو برده الغني بيستفاد بالدعم بتاع البنزين والفقير قل عليه الدعم اللي بياخده يعني ما عملوش حاجة
طب ماشي يا سيدي هنفترض ان مش مشكلة البنزين يزيد اهو برده هاتكون عارف انت هاتدفع قد ايه زيادة وخلاص مش مشكلة العملية محسوبة

نيجي بقى للمصيبة الكبيرررررررررررررة اوووووووووووووي
الفقير اللي ما معهوش عربية يغلو عليه السولار ليه
اولا هايتعرض لجشع سواقين الميكروباصات اللي هايغلو الاجرة اكثر بكتيييير من فرق سعر لتر السولار يعني لو هو في ال 20 لتر هايدفع 8 جنيه زيادة. هاياخدهم من الركاب 20 جنيه يعني الفقير اتحمل اكتر من اللي هايتحمله مالك السيارة
ثانيا كل اسعار اي حاجة في البلد هاتزيد بسبب النقل يعني برده هاتيجي على دماغ الفقير لأن القادر مش هاتفرق معاه
وحاجات كتيييييييييييييييير
يبقى مين اللي دفع العلاوة للتاني الحكومة ولا الناس وفي الاخر يقولك لا مسامس لا مساس بمعدومي الدخل زي ما يكونوا جربانين خايفين يمسوهم لا يتعدو لأ مسوهم وصلحولهم حياتهم حرام عليكواااااااااااااااااااا ااا
بصراحة اللي عملته الحكومة متوقع وده معناه ان الحكومة لا يهمها الشعب ولا رد فعل الشعب
هو احنا لسة شوفنا حاجة. طول ما احنا سلبيين كدة لسة هاناخد على دماغنا كمان وكمان

**solycar** · 06-05-2008 11:14 PM

المشاركة الأصلية كتبت بواسطة Chicco

solycar باشا ....المشكلة ببساطة إن ما دام البنزين غلي كل حاجة حتغلى.... أضعاف مضاعفة ....و على الكل
يعني مش بس على اللي راكبين عربيات ....كل الناس
و أكبر فئة حتعاني هي الفئة المطحونة اللي مش حتقدر تلاحق على زيادات الأسعار المتوقعة في الغذاء و المواصلات و أساسيات الحياه

رقابة حكومة إيه يا باشا ....هي الحكومة فاضية للناس اللي بتركب الميكروباصات و مش لاقيين ياكلوا ...قلبك أبيض
و لما أنا أو سعادتك نرفض ندفع و السواق يرمينا بره العربية حنعمل إيه أوعي تقولي تشتكي في القسم

مين قال ان الاسعار لازم تزيد ,,,,,,,,,,,,,, يعنى هتزيد بسبب ايه ؟؟؟؟؟؟؟؟؟؟؟؟؟؟؟؟

و لو الحكومة مش فاضية ل كدة هتفضى ل اية

**Ahmed Selim** · 06-05-2008 11:16 PM

المشاركة الأصلية كتبت بواسطة solycar

كل دة ملوش علاقة بالبنزين
لو تلاحظ ارتفاع الاسعار موجود من البداية
لكن دلوقتى هيكون عندنا سبب(بس بردو الغلاء كان موجود من الاول)

لأ ليه علاقة طبعاً

حضرتك عارف مصانع الحديد بتشتغل بأيه ؟ بالسولار

ده غير الغاز الطبيعى اللى بيتصدر لأسرائيل بأقل من السعر العالمى للغاز

يبقى دى مش حاجة تخنق ؟

و لما تكون العلاوة 30% يقابلها زيادة 31% فى أسعار الوقود اللى بيتنقل بيه كل السلع ؟

يبقى دى مش حاجة تخنق ؟

كان ممكن يبقى فى زيادة بس مش بالنسبة دى ومش فى الوقت ده
يعنى البنزين ال 90 يوم ما غلى غلى من 90 قرش لجنيه يعنى 10% مش 31%

حسبنا الله ونعم الوكيل

**solycar** · 06-05-2008 11:21 PM

المشاركة الأصلية كتبت بواسطة Ahmed A.Maksoud

لأ ليه علاقة طبعاً

حضرتك عارف مصانع الحديد بتشتغل بأيه ؟ بالسولار

ده غير الغاز الطبيعى اللى بيتصدر لأسرائيل بأقل من السعر العالمى للغاز

يبقى دى مش حاجة تخنق ؟

و لما تكون العلاوة 30% يقابلها زيادة 31% فى أسعار الوقود اللى بيتنقل بيه كل السلع ؟

يبقى دى مش حاجة تخنق ؟

كان ممكن يبقى فى زيادة بس مش بالنسبة دى ومش فى الوقت ده
يعنى البنزين ال 90 يوم ما غلى غلى من 90 قرش لجنيه يعنى 10% مش 31%

حسبنا الله ونعم الوكيل

كلامك مضبوط 100%
و هو دة اللى بحاول اوصلهولكوا ان الزيادة دى طبيعى تبقى فى البنزين
لكن الموضوع تم بدون دراسة وتسرع

**Noha.M** · 06-05-2008 11:22 PM

المشاركة الأصلية كتبت بواسطة solycar

خلى بالك
انا قلت ان هيحصل جشع و استغلال
و لازم يبقى فى دور رقابى من الحكومة
و مننا كمان
يعنى منبقاش سلبييين
مسلان الجرة الميكروباص 1ج
لما يطلب 1.5 ج نرفض و نتمسك بحقنا

و على فكرة هو عندة حاجة كدة اسمها سرفيس لتحديد الاجرة على اسس كدة مش وقتة اقولها بس بيحسبولوا مكسب =دخل لية

Ezay bs! Maho el as3ar 3'elyet 3aleh howa kaman ! Da malosh 3ilaka bel gasha3 la2eno beymawen 3'aly 7ata el solar

**Chicco** · 06-05-2008 11:24 PM

المشاركة الأصلية كتبت بواسطة solycar

الفكرة يا جماعة هى فى السيطرة على الغلاء النلتج عن الاستغلال من كبار التجار و رجال الاعمال و المحتكرين

و متنسوش ان العلاوة دى اصلا نزلت للمساعدة على مواجهة الغلاء الذى حدث سابقا
مش عشان تساعد فى الغلاء اللى هيحصل

حلو مين بقى اللي حيسيطر على الجشع و الاحتكار ....الحكومة الألكترونية و لا رجال أعمال الحزب الوطني
الفئة اللي حتاخد العلاوة حتدفع أكتر منها مع الزيادات اللي حتحصل يعني العلاوة الشؤم حتزود الطين بله
بقية الناس اللي ما أستفدتش منها على إختلاف مستوياتهم من الفقر المدقع و إنت طالع .....خدوا إيه ؟!

مين قال ان الاسعار لازم تزيد ,,,,,,,,,,,,,, يعنى هتزيد بسبب ايه ؟؟؟؟؟؟؟؟؟؟؟؟؟؟؟؟

و لو الحكومة مش فاضية ل كدة هتفضى ل اية

الأسعار حتزيد طبعا ....ديه ابتدت تزيد فعلا ..بص على أخبار إضراب سواقين السرفيس عشان يزودوا الأجرة
هو حضرتك عندك كم سنة ...مش قصدي حاجة و الله بس لو كنت كبير شوية حتفتكر إلسنريوهات اللي بتحصل كل مرة البنزين فيها بيزيد
الحكومة مش فاضية للحاجات ديه طبعا و مش حاقدر أقول أكتر من كده