الله ينور عليكم يا رجاله
المفروض كفايه عليك كده
وقتك خلص
A.Yakout
يا اخ احمد 2
انا وانت والكل مسلمين
بس كل واحد وعنده برنامج لإصلاح البلد
المشكلة ان العلمانيين يشنوا حملات غريبة ضد الاسلاميين ويتهموهم انهم ركبوا الثورة وانهم ما كانش لهم دور قبل الثورة وانهم همهم مصلحتهم وان مالهمش حجم في الشارع
ومظاهرة ما شاركش فيها الاخوان قعدتم تهللوا وتقولوا آدي الملايين من غير الإخوان علشان الكل يعرف اننا مش محتاجينهم
رغم إن عدم مشاركة الإخوان هو نوع من الاختلاف في التوجه والفكر ويجب احترامه
والاخوان يقولولكم مش هننفرد بالدستور ومش هنشارك باغلبية في المجلس ومش هنرشح حد للرئاسة
اتهمتوهم بانهم بيتعالوا عليكم وانهم مالهمش أصلا وزن
ولو دخلوا كل الدوائر هتقولوا الاخوان عايزين يسيطروا وانهم اكثر ناس منظمين
ما رشحوش حد للرئاسة قلتم بيكدبوا
اترشح ابو الفتوح قلتم لو صحيح عند كلمتكم افصلوه
اتفصل بكل ادب واحترام وكلنا نحترمه داخل الجماعة وخارجها
قلتم شفتم إزاي الاخوان غدروا بابو الفتوح وإزاي ما اتحملوش الاختلاف في الرأي
نزلوا المظاهرات معاكم قلتم الاخوان خافوا لشعبيتهم تنهار فشاركونا
مظاهرات امتنعوا عنها قلتم الإخوان خانوا الثورة
الصراحة وبكل حيادية أنا شايف إن الموضوع مش موضوع اختلاف في الرأي ولكن هو فشل من البعض يحاول أن يداريه بخلق نزاع مع العدو الخطأ
يا ساااااااااااادة الإسلاميين مصريين زيهم زييكم شئتم أم أبيتم
ليهم أهداف ومبادئ ومفاهيم تتفقون معهم في بعضها وتختلفون في البعض
لو مش قادرين تحترموا قوة الإسلاميين وتحترموا وجودهم وتضحياتهم يبقى ما تلوموش غير نفسكم
لأن خلاص كفاية لغاية كده
وطالما انتم في كل الحالات هتتهجموا علينا يبقى خلينا ننزل الميدان وكل واحد يعرف شعبيته وتأييد الشعب ليه قد إيه
والشعب له الحق الوحيد إنه يحكم وهو اللي يقول مين اللي يمثله
اللي يضع قانون للعبة يبقى يلعب بروح رياضية وعلى الأقل يحترم القانون اللي وضعه ويكفي إن لما وضعه لم يأخذ رأي الأطراف الأخرى
يا ريت بقى الكل يفهم إن الإسلاميين جماعة مش شماعة
واللي عايز يدلو بدلوه واللي عايز يفيد البلد فالمجال قدامه مفتوح وعمر الإسلاميين ما كانوا عقبة قدامه
يتفضل يورينا جدعنته ويقدم خدماته ويكسب قلوب وعقول الجماهير ويضحي
وساعتها الناس هتأيده
تحياتي للجميع
وهوه انت زعلان ليه من نصره الاسلام
و انت عارف يعني ايه ننصر الاسلام
اولا الاسلام دين قوي ولا يحتاج الينا لننصره فالذي يحتاج ان ننصره هي انفسنا فمتى نصرنا انفسنا صار الاسلام قويا عزيزا
ثانيا الاسلام هو دين الله فى الارض ودين الفطرة التى فطر الناس عليها
فطاعه الله نصره للاسلام
العمل الجاد نصره للاسلام
التربيه السليمه نصره للاسلام
العلم نصره للاسلام
الوحده نصره للاسلام
الاخلاق الحميده نصره للاسلام
عرفت بقى يعني ايه الكلام اللى انت بتقوله وعرفت يعني ايه ننصر الاسلام
محدش جاب سيره 6 بريل دي
ثانيا لو هما اللي نزلو اليافطه يبقي لي وقاحتهم و كل شويه كلامهم لا احنا اللي بنمثل الشعب حتشوفو بكره الشعب بجد اظن انكم شفتم ما فيه الكفايه من العدد اليله دي
و هيه يعني اليافطه اللي اترفعت خلاص دي اللي حتشوه التحرير ؟؟؟!!
نصره دينك الاسلام اللي واضح انك متعرفش عنو حاجه
( أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ يُرِيدُونَ أَنْ يَتَحَاكَمُوا إِلَى الطَّاغُوتِ وَقَدْ أُمِرُوا أَنْ يَكْفُرُوا بِهِ وَيُرِيدُ الشَّيْطَانُ أَنْ يُضِلَّهُمْ ضَلالاً بَعِيداً) النساء/60.
قال تعالى : ( فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ) النساء/59 .
النصّ على أنّه يجب على المسلمين الحكم بما أنزل الله ولو كان المتحاكمون إليهم غير مسلمين كما قال عز وجل : ( وإن حكمت فاحكم بينهم بالقسط ) آية 42
الأمر بالحكم بما أنزل الله كما في قوله تعالى : ( وأن احكم بينهم بما أنزل الله ) آية 49
النصّ على أنّ من لم يحكم بما أنزل الله فهو كافر وظالم وفاسق كما في قوله تعالى : ( ومن لم يحكم بما أنزل الله فأولئك هم الكافرون ) آية 44 وقوله : ( ومن لم يحكم بما أنزل الله فأولئك هم الظالمون ) آية 45 وقوله : ( ومن لم يحكم بما أنزل الله فأولئك هم الفاسقون ) آية 47
التحذير من التحاكم إلى غير ما أنزل الله كما في قوله عز وجل : ( ولا تتبع أهواءهم ) آية 49
التحذير من التنازل عن شيء من الشريعة مهما قلّ كما في قوله تعالى : ( واحذرهم أن يفتنوك عن بعض ما أنزل الله إليك ) آية 49
ـتحريم ابتغاء حكم الجاهلية كما جاء ذلك بصيغة الاستفهام الإنكاري في قوله عز وجل : ( أفحكم الجاهلية يبغون ) آية 50
النصّ على أنه لا أحد أحسن من الله في الحكم كما قال عز وجلّ : ( ومن أحسن من الله حكما لقوم يوقنون ) آية 50
عاوز ايات تاني قولي اجيبلك