الموضوع: تكييف من السعوديه

المشاركة الأصلية كتبت بواسطة m_marwan

فى شركات شحن بتقوم بنقله

أنا سمعت ان تكلفة نقل المكيف من الباب للباب في شركات الشحن شامل كل حاجة حوالي 500 ريال للمكيف الجديد و حوالي 400 ريال المستعمل

ممكن تتصل بأي شركة شحن تسأل

المشاركة الأصلية كتبت بواسطة أحمد كمال

غير صحيح 110 ازاي ؟؟؟؟؟؟؟

فعلا كل الكهربا في السعودية 110 فولت فيز تو نيوترال ، و220 لو وصلت فيز تو فيز
ما عدا مكة المكرمة هي اللي 220 فيز تو نيوترال و 380 فيز تو فيز زي مصر

اخى الفاضل حياك الله
انا عايش فى السعودية من 11 سنة وقتلت هذا الموضوع بحثا والخلاصة (انسى هذا الموضوع تماما)
كل المكيفات (60 هيرتز بس ) ومصر لازم 50 هيرتز
ده كلام نهائى
ما شوفتش فى السعودية مكيف 50-60 ابدا ولو انت لقيت شئ زى كدة ياريت تدلنى عليه

المشاركة الأصلية كتبت بواسطة yaserbasha2000

العكس هو الصحيح اغلب المكونات الالكترونيه بتشغل 50~60 اما المواتير و المحولات فغلط انك تشغلها علي غير التردد المصممه له

علشان كده اغلب الباور سبلاي دلوقتي بيكون الكتروني علشان يشتغل 50 ~ 60

اذا كانت اصلا بتقبل الشغل على 50 ~ 60 يبقى ازاى متشتغلش الا لو مصممة على تردد واحد منهم فقط هتحتاج كونفرتر علشان تقدر تشغل ........... دى المواتير

اما المحولات فغلط انك تقول تشتغل على التردد المصممة له لان المحول ما هو الا وسيلة تحويل طاقة هتدخله طاقة بجهد معين هيطلعلك طاقة اخرى بالجهد اللى انت عايزه و الصح انك تقول انها مصممة تشتغل على جهد معين و حمل معين

تحياتى

المشاركة الأصلية كتبت بواسطة maka

اذا كانت اصلا بتقبل الشغل على 50 ~ 60 يبقى ازاى متشتغلش الا لو مصممة على تردد واحد منهم فقط هتحتاج كونفرتر علشان تقدر تشغل ........... دى المواتير

اما المحولات فغلط انك تقول تشتغل على التردد المصممة له لان المحول ما هو الا وسيلة تحويل طاقة هتدخله طاقة بجهد معين هيطلعلك طاقة اخرى بالجهد اللى انت عايزه و الصح انك تقول انها مصممة تشتغل على جهد معين و حمل معين

تحياتى

كده حضرتك وصلت لمربط الفرس بالنسبة للنقطة الاولى.
المكيفات القديمة كانت بتنزل 50 ~ 60 انما حاليا لو لفيت السوق السعودي كله مش حتلاقي غير 60 هرتز فقط

بالنسبة للنقطة التانية في تحفظ بسيط وهو ان تحويل الفولت في الترانسفورمر بيعتمد على المجال المغناطيسي ، والتردد عامل أساسي في تغير شدة المجال المغناطيسي كالتالي:

The transformer equation
E = 4.44(f)(B)(N)(a) where E is the voltage in the winding either primary or secondary, f is the frequency, B is the flux density in the core, N are the number of turns on the winding, and a is the cross area of the core. At higher frequencies the number of winding turns N is reduced. This formula follows from the Faraday formula, E = N dθ/dt and θ = B(a).

المشاركة الأصلية كتبت بواسطة maka

اذا كانت اصلا بتقبل الشغل على 50 ~ 60 يبقى ازاى متشتغلش الا لو مصممة على تردد واحد منهم فقط هتحتاج كونفرتر علشان تقدر تشغل ........... دى المواتير

اما المحولات فغلط انك تقول تشتغل على التردد المصممة له لان المحول ما هو الا وسيلة تحويل طاقة هتدخله طاقة بجهد معين هيطلعلك طاقة اخرى بالجهد اللى انت عايزه و الصح انك تقول انها مصممة تشتغل على جهد معين و حمل معين

تحياتى

طبعا المواتير مفيش فيها خلاف انها لازم تشتغل علي التردد المصممه له بالنسبه للمحولات انا فاهم انها بتحول جهد بس لكن المجال المغناطيسي بيعتمد علي التردد و في حاله استخدامه في غير التردد المصمم له losses هتزيد ودي هتترجم لسخونيه زياده في الترانسفورمر و غالبا تسمع زنه من الترانسفورمر وطبعا مع الوقت ده مش مظبوط خصوصا في المحولات ذات الامبير العالي

انا طبعا بوصّف علي التشغيل الامن و الطبيعي للجهاز