السلام عليكم ورحمة الله وبركاته
سؤال بسيط عن - المطعم اليابانى - والمطعم الصينى اللى فى القاهرة ؟؟
1- العنوان ؟
2- انواع المأكولات اللى بيقدمها مثلا زى اية نعرفة ؟
3- الاسعار اخبارها اية ؟
يعنى لو عشوة هناك كدة تعملها كام :)) اول مرة بقى افكر فكدة
واهم سؤال ::: ولو انه محرج شوية هههه::::: فى هناك معالق :B4_384: وللا هندننا نجرى ورا الرزاية فى الطبق بالعكازين :fun_broken:
هل فى حد من الاعضاء الكرام جربهم ؟؟ وايهم احسن فيهم ؟؟
من أسبوع طلع في دماغي أنا و واحد صاحبي اننا نجرب مطعم ياباني و ناكل سوشي
من زمان و انا عايز أجرب السوشي و المدام مش راضية و بتقولي ده سمك نيء
و لما لاقيت واحد صاحبي دماغة زي دماغي و عايز يجرب رحنا مطعم ياباني في المعادي..جنب فرايدايز المعادي علي الكورنيش اسمه vision
اول معلومة عرفتها ان السوشي ده appetizer يعني فاتح شهية مش وجبه اساسية
طلبنا كل أنواع السوشي عشان ناخد فكرة و هو عبارة قطعة ماكولات بحرية نيئة ملزوقة في شوية رز
جربنا جمبري-كابوريا- سلمون- اسماك معرفش نوعها-اخطبوط-تعبان بحر
عايز اقولك ان طعمه وحش جدا...حتة سمك ني علي رز بس احنا طبعا خلصنا الاكل كله عشان كنا دافعين فيه 100 جنيه للفرد
بس الحق يتقال الحاجة الوحيدة الي طعمها كان حلو جدا هو ثعبان البحر و السبب انه مشوي يعني ده السوشي الوحيد اللي مش ني
لو عايز نصيحتي خد وجبة سمك او فراخ او لحوم علي الطريقة اليابانية و زود جنبها قطعتين سوشي تعبان البحر اسمها eel
التكلفة للوجبة حوالي 50-80 للوجبة + شوربة وسلاطة يعني حوالي 100 جنيه للفرد و المطعم شكله راقي جدا و ديكوره كله ياباني و ينفع لو عايز تعزم ناس عزومة محترمة
هتلاقي عصيان و شوكة و سكينة و في معلقة مع الشوربة
دي صور انواع السوشي و اول صورة هي صورة تعبان البحر الي طعمها عجبني
http://1.bp.blogspot.com/-tpeWBzi4q0.../s1600/Eel.jpg
جمبري
http://www.sushiencyclopedia.com/pho...rimp_sushi.jpg
اخطبوط
http://us.123rf.com/400wm/400/400/mj...hi-octopus.jpg
سلمون
http://4.bp.blogspot.com/-ca5GE8iYxq...lmon+sushi.jpg
طب سؤال بسيط كدة فاكس سوشى
بس هى نية لية مش نص سوى حتى :؟؟؟؟
بس الطباق دية شكلها صغيرة قوى
بس حلال وللا بيستخدموا كحوليات فى الاكلات دية؟؟؟
في اكتر من مكان و خصوصاً الصيني... الياباني مش منتشر قوي زي الصيني على حد علمي
يعني في مثلاً (مكاني) في الدقي و المهندسين, (موري سوشي) شارع لبنان, (فيوجن) على النيل,
في واحد في الزمالك مش متذكر اسمه بصراحة... كل دووول يعتبروا من افضل المطاعم الصيني و الياباني
اسعارهم تعتبر اعلى من العادي, بس مش عالية قوي يعني... ممكن الفرد 80 جنيه مثلاً كمتوسط
بس تجربة تستحق انك تقوم بيها لو اول مرة و خصوصاً انها هتكون بمثابة تغييير جذري في الروتين اليومي للأكل :))
هو السوشي لازم يبقي ني باستثناء تعبان البحر اللي كان مشوياقتباس:
المشاركة الأصلية كتبت بواسطة abdalah_hashem
و زي ما قلت لك صعب قوي علينا كمصريين نستطعم سمك ني و اكيد مش هايعجبك عشان كده اطلب وجبة أحسن و زود سوشي تعبان البحر جنبها
الاطباق في الصور صغيرة لان قطعة السوشي مش وجبة دي مجرد فاتح شهية مع الوجبة الاساسية
و أنا ما سألتش علي حكاية الكحوليات بس ده مطعم في مصر استحالة يكون بيحط كحول في الأكل..ممكن في اليابان يكون في وصفات بيدخل فيها كحول
اخونا العزيز
انا ممكن ادلك على المطاعم الصيني في واحد في مصر الجديده قبل المحكمه وفي واحد في شارع شهاب وفي واحد في التحرير بس ده مطعم كوري
المطبخ الصيني والكوري قريبين من بعض بس انا بحب الصيني اكتر
بالنسبه للمعالق فيه طبعا معالق بس انصحك تتعلم تاكل بالعصايتين - اسمهم شوبستك_
الأكل الصيني أغلبه مسلوق صحي بس مش بتاع العيانين وممكن تلاقي كل انواع الخضار فيه
وطالما انت في مصر مش في الصين يبقى كل ةانت مطمن ومش هقولك ليه عشان انا لو قلتلك على اكلهم في الصين ممكن متدخلش المطعم من اساسه
اي استفسار انا تحت امرك
شكرا يا باشااقتباس:
اخونا العزيز
انا ممكن ادلك على المطاعم الصيني في واحد في مصر الجديده قبل المحكمه وفي واحد في شارع شهاب وفي واحد في التحرير بس ده مطعم كوري
المطبخ الصيني والكوري قريبين من بعض بس انا بحب الصيني اكتر
بالنسبه للمعالق فيه طبعا معالق بس انصحك تتعلم تاكل بالعصايتين - اسمهم شوبستك_
الأكل الصيني أغلبه مسلوق صحي بس مش بتاع العيانين وممكن تلاقي كل انواع الخضار فيه
وطالما انت في مصر مش في الصين يبقى كل ةانت مطمن ومش هقولك ليه عشان انا لو قلتلك على اكلهم في الصين ممكن متدخلش المطعم من اساسه
اي استفسار انا تحت امرك
طيب واية احسن اكلات من وجهة نظرك فى الصينى دوة اية ؟؟ ومتوسط الاسعار للفرد كام ؟
بس فى واحد بجد بجد خطيييييييييييييير بس مش فاكر اسمو بس هوا فى سيتى ستارز جمب ماك وبتزا هت وكنتاكى
هو فيه حاجة بس يا جماعة
انا كنت قرأت في مرة ان السوشي حرام
ليييييييييييييييه
لان السوشي بيدخل في اعداده نوع مميز من الخل اسمه خل الارز
وهو نوع من الخل مستورد خصيصا من اليابان ودول جنوب شرق اسيا
وخل الرز ده بيدخل في تركيبه الكحول
وطبعا كلنا عارفين الحديث الشريف " ما اسكر كثيره فقليله حرام "
طبعا انا الخبر ده زعلني جداااااااا
لاني كان نفسي اجرب السوشي من زمان ويوم ما قررت اجربه لقيت المعلومة دي فتراجعت فورا
اما عن انهم يكونوا بيستخدموا في مطاعم مص نوع تاني من الخل مفيهوش كحول
معتقدش
اولا لان خل الرز ده حاجة اساسية في اعداد السوشي
ثانيا ان اغلب مطاعم السوشي في مصر ان لم يكن كلها الشيفات اللي فيها يابانيين او صينيين او من جنوب شرق اسيا
ثالثا ان كاتب الموضوع اللي قريته ده كان بيقول انه سأل في اكتر من مطعم سوشي لما لقي ان خل الرز مكتوب عليه ان من مكوناته الكحول ،، وعرف ده طبعا بعد ما شال الاستيكر اللي ملزوق علي العبوة اللي بتتباع عندنا في مصر
ليجد استيكر بتاع بلاده
ده اللي مكتوب عليه كحول
المهم الراجل بيقول انه سأل مطاعم سوشي كتير لقي ان كلهم بيستخدموا نفس الخل المستورد خصيصا من اليابان
ولما سألهم عن موضوع الكحول كلهم حاولوا يهربوا ورفضوا انه يشوف عبوة الخل اللي بيستخدموها
ده اللي انا اعرفه وحبيت اقوله للامانة
الحكاية مش مستهالة نعصي ربنا عشان غدوة
وياريت لو حد عنده معلومة غير دي يقولنا
وانا لو طلع مش حرام اعمل حسابي معاك انت وصاحبك
ني ني يا عم
يعني هو اللي احنا بناكله من الشارع ده مش الني ارحم منه
هل هذا هو الساكىاقتباس:
المشاركة الأصلية كتبت بواسطة khaloooda
لو هو فانه كما قلت حضرتك حرام ومسكر
ولو فاكرين فيلم the last samurai اما توم كروز كان اسير وبيشربه لتخفيف الالم
لو حد عايز صينى تيك اواى
سيتى ستار الدور الرابع
ويجرب الدجاج sour and sweet chicken
أنا ما كنتش أعرف معلومة خل الأرز الي فيه كحول
لما بادخل اي مطعم في مصر مش بيجي في دماغي خالص حكاية ان اسأل في الحاجات دي بعكس لما أكون بره مصر باسأل كويس انا باكل ايه
لو الكلام ده حقيقي يبقي طبعا السوشي حرام
أول مرة اسمع عن موضوع الخل اللي فيه كحول ده, و أول مرة اسمع ان السوشي عموماً حراام !!!!!!!!!!!
انا ماكلتش ساكي ولا مرة قبل كده, بس هل على مستوى مصر الكلام ده صحيح و في كحوليات في الأكل !!؟؟؟
انا بردو هسأل اكتر من شخص و اتأكد و اقولكم... انا اعرف ناس بتاكل سوشي كل اسبوع او اتنين
و بقالهم سنيين كده, و ده من باب التغيير و كسر الملل و الروتين بتاع الاكل اليومي المصري مش اكتر !!
يا ريت تسأل و تقولنا و يا ريت يكون المصدر حد بيشتغل في المطاعم دياقتباس:
المشاركة الأصلية كتبت بواسطة ghazy12
أنا كنت ناوي أقنع المدام تجربه بس مش هاعمل كده غير لما اتأكد من حكاية الكحول
يا جماعه في فرق رهيب ما بين الأكل الصيني والأكل الياباني
والسوشي ده ياباني في المقام الأول
بصراحه لو إنت عاوز تاكل أكل صيني بس أقرب للذوق المصري يبقى روح مطعم بكين وهو ليه كذا فرع
متوسط اللي هاتدفعه هليكون في حدود 80 أو 90 جنيه
عنده فراخ وبط وسمك ولحم كمان، وعنده سبرنج رولز هايله بصراحه
لكن نصيحه لو هاتاكل أكل صيني بره مصر لازم تعرف بالظبط هاتاكل إيه. عشان الصينيين دول بياكلوا أي حاجه من أول الحشرات إلى المواشي.
حتى الفراخ بيطبخوها بمنقارها ورجلها كمان!!! بس الكلام ده بره مصر لكن في مصر كل وانت مطمئن خاصة لو بتاكل في محل في الشارع مش في فندق:)
Rice vinegar comes in several varieties. The simplest is made from fermented rice and is often nearly colorless in appearance. The second type is made from sake, and is a variant on the “wine” vinegar we are familiar with in the US. When rice vinegar is made from sake it is often called seasoned rice vinegar and will exhibit a stronger taste. It’s also a common ingredient in sushi.