الموضوع: افكار لحماية موتور سيارتك

اكيد كل واحد فينا نفسوا يطول عمر موتور سيارته ... على قد ما يقدر و باقل تكلفة ممكنة .... احسن ما ييجى يوم يلاقى نفسوا ادام عمرة لموتور سيارته ويفاجا ان فى تاكل فى مختلف اجزاء الموتور ... وى هنا هيكون مضطر انوا يدفع عشان ينقذ الموتور

ولكن تعالى نتكلم بصراحة ... حتى لو دفعت الاف عشان تعمل عمرة و جبت كل القطع الاصلية ... فى سؤال مهم جدا هل موتور سيارتك رجع زى الاول ولا قدرته قلت عن الاول ؟؟؟؟ اكيد قلت وهنا هتلاقى نفسك ادام سؤال تانى هل كفاءة الموتور قلت بنسبة كام؟؟؟؟ وسعتها هتكون مفاجاة لما تعرف ان 20 إلى 25 من كفاءة موتورك راحت وانت واقف ادام نفسك مش قادر تعمل حاجة

طب ما تييجى نعمل شوية حاجات باسعار زهيدة جدا وى فى نفس الوقت تحافظ وطول من عمر موتورك

1- لازم فى كل مرة بتغيير زيت الموتور تكتب التواريخ وامتى هتغير الزيت
2- اختار زيت محترم زى موبيل واحد او xHP او كالتكس برضوامش وحش سواء 3000 او 10000
3- ما تصتخرشى فى انك تغير الزيت فى مواعيدوا ...يعنى ما طولشى فى استخدام الزيت اكتر من المواصفات المنصوص عليها فى موتورك
4- حاجة مهمة جدا ... ما تفرحشى ان الزيت ما غيرشى لونوا جوة الموتور ده بالعكس ده كدة معناه انوا معملشى الوظيفة الاساسية بتاعتوا من حماية وتقليل التاكل بين اجزاء الموتور .... ( لو عاوز تعرف ان الزيت كويس ولا لا من وجود لزوجة ولا لا فى الزيت )
5 - تغيير الفلتر فى 3 مرة بتغيير زيت الموتور وى ياريت تختار نوع فلتر محترم حتى لو غالى لانوا مسئول عن تنقية الشوائب الموجودة فى الزيت وعدم وجودها بين البساتم والغرف منعا للاحتكاك والانسداد
6- استعمل مياه حمراء او زرقاء لتبريد موتور سيارتك وجيب الاصلى الموجود فى الشراكن المجهزة فى البنزينة
احسن من المخلط والمضروب بالبودرة الملونة ...
النصائح المفضلة مع كل اللى تم ذكره
- تنظيف الموترو بمواد خاصة لاخراج جميع الشوائب منوا ... ده موجود فى كار كير
- تنظيف دورة التبريد من الصدا بموضع مواد مانعة للصدا وموجود برضوا فى البنزيتات وعند كار كير
- ............ فى حاجة جميلة طالعة دلوقتى علبة زيت اسمها EZI دى وظيفتها عمل طبقة شمعية لحماية اجزاء الموتور من التاكل مع تقليل الاحتكاك مما يساعد على رفع قدرة الموتور إلى 4 هورس بور .
يتم وضعها مع زيت الموترو ايا كان نوع الزيت ... وتكويت طبقة الحماية تستمر لمدة 20 الف كيلو
كمان يمنع الدخنة الناتجة من غرف الاحترق وى فى حالة نقصان الزيت لاى سبب ما داخل الموتور تقدر تمشى لحد ما تزود الزيت دون القلق من حدوث اى مشكلة فى الموتور
كمان بيساعد على تطويل عمر البطارية والدينامو والمارش والكونتاكت

ملحوطة فى نفس القصة دى لزيت البور
التكلفة كلها حوالى 115 جنية

لو حد محتاج اى معلومة للاضافة انا منتظر الاسئلة عشان انا جربت الموضوع ده وحسيت بتغيير فى اداء السيارة
ولسة بختبر موضوع استهلاك الوقوت ... لانوا المفروض يقلل الاستهلاك بنسة 3 %

شكرا .......وارجو من الله عز وجل انى اضفت شئ محترم واستفادة للسادة الاعضاء