اولا انا بشكر كل افراد واعضاء قسم رينو وتحديدا اللوجان والذين كانو من اسباب اتخاذى قرار شراء اللوجان
المهم بدون الدخول فى التفاصيل الفرعيه انا اشتريت اللوجان موديل 2012 من شهر تقريبا وماشيه معايه زى الفل ماعداه شى كان غريب شويه فى العفشه مش فاهمه وهو صوت خبطات مع مطبات عين القطه ومش دائمه
المهم اول ما كملت الاف كيلو قلت اروح الصيانه
فتحت البرشور اللى كان معايا اللى استلمته فى التوكيل علشان اجيب نمره الصيانه
لقيت مركز اسمه ( ------ ) فى فيصل مطبوع مع مراكز الخدمه
ماصدقتش
كلمت خدمه العملاء اسأل لقيت فعلا فى مركز بالاسم ده لسه معتمد ومفتوح جديد
المهم ادونى نمره تلفونه وكلمتهم يوم الاحد السابق وحجزت على الاربعاء الساعه 10 ونصف
ورحتلهم
بصراحه اتخضيت انه ورشه وعامل زى ورشه ميكانيكه على كبير شويه
المهم رحت للمسئول وشرحته العيب
راح نده فنى كشف على العفشه واكتشف انها كانت سايبه وربطها
وبعدين قلى اتفضل الموضوع انته ولو فيه اى حاجه كلمنى او تيجى فورا
وفعلا الموضوع اتحل
اللى عجبنى انهم ميكانيكين فاهمين وكل حاجه بتم قدام عينيك مش زى المراكز الثانيه اللى العربيه بتخش جوه ومش عارف ايه اللى بيحصل فيها
ده غير توافر قطع غيار الصيانات الدوريه وبعض قطع الغيار الاخرى
يعنى لما سائلته على اللباده اللى بتزود عزل الحراره فى الدوسات قالى مش عندى بس اى قطع غيار للصيانه الدوريه موجوده والقطع الاخرى الرئيسيه زى المساعدين والفوانيس .... الخ
وطبعا مافيش فلوس ولا رسوم دفعتها غير بقشيش لواحد مسحلى العربيه
بصراحه مش عارف لو حطيت عنوانه ونمره تلفونه يبقى اعلان ولا ايه مع العلم انه مركز معتمد من رينو