-
ارجو المساعدة الضرورية
السلام عليكم
انا لسة راجع من عند المكانيكى حالا وقلت لازم اخد المساعدة من اخواتى هنا
المهم والدى جاى من دمياط النهاردة بالعربية (لانوس 99 اوتو ) على الطريق الدولى ووصل بالعافية لان العربية مكتومة وماشية على 40 كيلو بالعافية مهما دوست بنزين الحمد لله وصل
واول ماوصل دخل على مكانيكى قابلة عند مدخل ش 45 شكلهم لسة فاتحين جديد
بعد مابص وكشف قال دى الرشاشات مسدودة وعاوزة تتنضف هى وطرمبة البنزين
خلعهم ونضفهم وكان معايا بوجيهات جديدة ركبهم بالمرة
جة يدور المارش مابيدورش واحنا لسة جايبين مارش جديد من اسبوعين
قالك دة ترس مش فاكر اسمة هو كبير اللى بيدورة المارش قال دة متاكل ومتغيرش
حل المارش لقى ترس المارش هو اللى مكسور
راح اشترى ترسين للمارش صغيرين ب 100 جنية
اما الترس الكبير دة قالى هقلبهولك ووفر تمنة
وهو بيحل لقى كرسى الفتيس الاتوماتيك مكسور راح جاب واحد ب 150 استعمال مش عارف دة تمنة فى السوق ولا لا وانا مكنتش عامل حسابة ودخلنا فمشكلة انى مش عاوزة
المهم ركبة وقالى احاسبة علية بكرة
بعد ماركب كل دة وخد مصنعية 150 بعد مانزلت 20
وجة يدور مابتدورش مفيش كهربا واصلة اصلا
قعد يحاول اتارى الواد التانى موصل البطارية غلط وموصل اتنين ارضى
المهم بقت تجيب كونتاكت ومفيش مارش ويقينا 2 بعد منتصف الليل
وبيلمس بالمفك تدور يعنى المارش مبيلقطش
جرب العربية مشيت حلو بس فى حاجة فى الكهربا الشبابيك مش شغالة الاماميين كهربا فقط
اضطريت اروح واغطيها كدة والصبح اروح اجيبة يدورها ونروح لكهربائى
واخيرا بعد مابطلت تحت البيت لقيت بخار جامد طالع من الكابوت وبعدين صوت فرقعة من عند فلتر الهواء ومياة كتير نزلت ع الارض
حسبى الله ونعم الوكيل
انا هنام حزين ع العربية ومش عارف اعمل اية
تنصحونى باية والباك عيبة اية كلة شغال ما عدا الشبابيك
-
ياشباب محدش عبرنى لية العربية بايتة والشباك مفتوح
اية الحل وسبب انفجار الماية ونزولها ع الارض اية ؟؟
-
انا انفجار المية حصل معايا قبل كده كنت فى مشوار ووقفت بالعربية فجاة لقيت بخار كتيرر جدااااااااااااا وبفتح الكبوت لقيت المية فى الارض والدنيا خربانه
طلع ............* فى المشكلة دة وصرفت فلوس كتير وفى الاخر ربنا رزقنى بواحد وانا بكلم بتاع قطع الغيار غلى المشكلة قالى الحكاية بسيطة هى ان الجلبة الداخلية بتاعت غطا الابرة اتقطعت من جوه هات غطا اربة قولتله جبت 10 قالى لالا هات استراد ومن وقتها ولله الحمد المشكله اختفت
ان شاء الله خير وانصحك انك ماتعتمد على ميكانيكى واحد انت هتغرم اه بس هتتعلم
برجاء مراعاه الالفاظ المستخدمة
مشرف عام الكورى و الماليزى
-
الف شكر ليك ياباشا وهجيب غطا جديد واشوف بس ياريت تقولى جبتة بكام
-
دلوقتى فاضل مشكلتين
الباكين القدمانى كهربا ومش شغالين من ساعتها
والمارش مبيلقطش
ياخبراء الدايو انقذونى
يا استاذ ممدوح فينك
-
هو تقريبا كدة مفيش حاجة شغالة لا تكيف ولا شباك ولا عدادات
انا بكلم نفسى يا جدعان ولا اية
-
ياباشا للاسف مفهمش اوى فى العربيات عشان افيدك
بس الفهمه من الموضوع دا انك هتطلع من مشكله هتدخل مشكله فوديها التوكيل وخلاص
-
الحقيقة انا مليش فى حوارات الكهرباء دى بس الواضح ان عندك عك كتيرفى كهرباء العربية و لازم تروح لكهربائى نضيف و امين يراجع على الدنيا عندك
و موضوع الانفجار و البخار دة ملوش علاقة بالكهرباء
MMamdouh
-
روح لكهربائي تاني وكويس وتكون عارفه وهو هايظبط الدنيا
-
اعصابك يا ريس وكل حاجة هتتحل ان شاء الله
روح لكهربائي كويس
Content Relevant URLs by
vBSEO 3.6.0 PL2