صاحبي ابيزاوي جديد ومحتاج مساعدتكم

**Haitham10** · 29-07-2011 06:56 AM

السلام عليكم

ليا صاحبي ويعتبر اخويا اشتري ابيزا 94

كان فيها شوية تظبيط محتاجه شغل في العفشه
وكمان هل الموديل ده فيه باور ؟ لان الدريكسيون تقيل جدا جدا بلا مبالغة ومضايقه جدا

ياريت بعد اذنكم الرد واللي يعرف حد شاطر وفي الحنين يعمل عنده الشغل ده عفشه او ميكانيكا يفيدنا
وكمان فيها حاجات غريبه في الكهربا بتحصل خصوصا لما يوصل ام بي ثري الولاعة
النور بيقلب اغاني ويرست

انا قلتله حلك عندي عشان عارف الشباب الجامد بتوع الابيزا هنا في المنتدى متكسفونيش قدامه

ويفضل لو الاماكن في الهرم او قريبه

**misoalex** · 29-07-2011 08:14 AM

الموديل ده مفهوش باور
الا لو كان مركبلها اسكاترا باور واعتقد قليل جدا اللى عاملين كده

ومدام بتقول فيه شغل فى العفشه لازم الدركسيون يبقى تقيل
اعتقد حتحتاج اسكاترا كامله ببضات الطرف افضل تجيبهها استيراد

والاحسن تروح لبتاع زوايا يكشفلك على الغعفشه فى الكامل وحيكتبلك ورقه بالحاجات اللى عاوزه تتغير

ممكن لو فيها رزاله اعرف سعرها كام دلوقتى

**Haitham10** · 29-07-2011 10:30 AM

حج ميسو متشكر علي ردك ياجميل

هو اشتري العربيه دي من السوق ب 32

ظپط§ط¨ط±ظٹظƒط§ - ط³ظٹط§طھ ط£ط¨ظٹط²ط§ 33,500 ط¬ظ†ظٹظ‡

**eng.m7md.ali** · 29-07-2011 04:36 PM

الحاجة بتاعت الابيزا مرمية كتيييييير اوي في الحرفيين لو عايز حد ثقة واسعاره كويسة قولي

**misoalex** · 29-07-2011 05:32 PM

المشاركة الأصلية كتبت بواسطة haitham10

حج ميسو متشكر علي ردك ياجميل

هو اشتري العربيه دي من السوق ب 32

ظپط§ط¨ط±ظٹظƒط§ - ط³ظٹط§طھ ط£ط¨ظٹط²ط§ 33,500 ط¬ظ†ظٹظ‡

ربنا يباركله فيها بس كده غاليه اوى اوى

لان السعر ده لعربيه 94 يبقى لازم تكون مكيفه ومفهاش ولا الهوا او عاوزه اى مصروف وعلى كلامك فيها شغل فى العفشه

بس مدام اشترى وعاجباه يبقى ربنا يباركله فيها هى من بره شكلها نضيف والتابلوه برضه نضيف

**Haitham10** · 30-07-2011 04:24 AM

هي فيها تكييف فعلا
وازاز امامي كهربا
فعشان كدة بقول باور
هي من بره نضيفه اوي فعلا
والصالون يمكن عشان العربيه قديمه برضه متبهدل شوية بس هو بيفكر يخليه كله جلد احمر في اسود ويركبلها فرش

عفشتها سليمة بس متفككه يعني مساعدين سلام مقصات سلام كبالن سلام

عموما هو نفسه حاسس انها غاليه بس قالي انا شفت الاسعار الاقل وفرق سما وارض دة لو مكانتش رشه جوه

**SYD** · 31-07-2011 03:07 PM

فعلا الموديل مافهوش تكييف ولا باور ولا مرايات

التكييف متركب

ربنا يبارك فيها هي فعلا شكلها من برة نظيف

لو عايز بتاع عفشة في الهرم عندك شعبان العفشجي في شارع زغلول (اخر شارع زغلول) وممكن ابعتلك تليفونه علي الخاص

ولو عايز بتاع استيراد من الأخر عندك ايمن جمعة علي المريوطية وممكن ابعتلك تليفونه ولو عايز كمان نروحله سوا انا رايحله في حدود يومين كدة

ولو عايز بتاع زوايا دكتور عندك صفوت جرجس في المنيل وبردو ممكن نروحلوا سوا كمان يومين ولو عايز تليفونه اكتبهولك علي الخاص

ولو عايز ميكانيكي ابيزا دكتور عندك محمد رمضان علي المريوطية وممكن اكتبلك تليفونه او نروحلوا سوا كمان يومين

ولو عايز كهربائي ابيزا بردو ممكن نروحلوا سوا كمان يومين

وممكن نظبط الدنيا كلها علي الخاص لو حابب

والله المستعان
،
،