والدي في العناية المركزة ومحتاج مساعدة في معرفة جراح جيد لعملية قلب مفتوح

بسم الله الرحمن الرحيم

أخباركم إيه يا جماعة .. للأسف الوالد إتعرض من 4 أيام لوعكة صحية شديدة ومحجوز في العناية من ساعتها بعد إصابته بجلطة في القلب وهو مركب 3 دعامات من 2006 وعامل قسطرتين قبل كدة، وعملنا إمبارح قسطرة الطبيب قال إنه فيه نسبة إنسداد عالية في الشرايين ومفيش حل غير في عملية قلب مفتوح وبشكل سريع حتي لا تحدث أي مفاجأت علي حد قوله.

للأسف أنا معرفش أي جراح كويس في هذا المجال ومليش سابق خبرة أو معرفة بموقف مشابه، ومحتاج أتحرك في الموضوع بشكل سريع.

يا ريت لو حد يعرف أسماء كويسة يدلني عليها .. أو يفيدني بمعلومات زي:

هل العملية فعلاَ مبقتش معقدة زي زمان ونسبة نجاحها عالية؟
مين أسماء كويسة للموضوع؟
تكلفة العملية بتبقي في حدود قد إيه؟
هل انا اللي بشترط علي الجراح المستشفي أو هو بيتعامل مع مستشفيات معينة وبحاسب الاتنين مع بعض ولا كل حاجة علي حدا؟
هل أقدر أتواصل مع الجراح يوم الجمعة أو السبت؟ الموضوع بياخد وقت قد أيه لترتيب الجراحة عشان تتعمل؟

وعايز أتأكد من معلومة الطبيب قالهالي .. هل فعلاَ لو المريض تعرض لتوقف سابق في القلب قبل العملية ده بينزل بنسبة نجاح العملية لنسب متدنية جداَ؟

وأشكركم جميعاَ وعافانا الله جميعاَ من المرض يا رب

يارب يشفيلك والدك و يقومه بألف سلامة يارب

اللهم أشفي والدك
للأسف كان نفسي أجاوب علي طلبك ...
إن شاء الله الوالد يقوم بالسلامه

ألف سلامة على الوالد يا محمود و إن شاء الله يقوم بالسلامة

حاول تراسل Dr.Ahmed على الخاص أو د.أحمد عبد الرحمن....إن شاء الله الأتنين مش بيتأخروا عن المساعدة.

الف الف سلامة
العملية تتكلف حوالى 50 الف جنية وممكن اقل الاطباء

د\ طارق حلمى
د\ مجدى جمعة
د\حسن الصاوى

ربنا يشفى والدك و يقوم بألف سلامة
فى دكتور كويس فى مستشفى السلام بالمهندسين فى جراحة القلب
بس انا بصراحة مش فاكر اسمه بالكامل
هو اسمه ...... بشرى تقريباً
إن شاء الله والدك يقوم بالسلامة

اقتباس:

---

المشاركة الأصلية كتبت بواسطة mido90

الف الف سلامة
العملية تتكلف حوالى 50 الف جنية وممكن اقل الاطباء

د\ طارق حلمى
د\ مجدى جمعة
د\حسن الصاوى

---

+111111

اللى اعرفهم هما طارق حلمى و مجدى جمعه ممتازين
و مجدى جمعة بالذات شغال مع مجدى يعقوب على طول و انسان محترم جدا جدا جدا

و ربنا هو الشافى و كلهم اسباب

أسأل الله العظيم رب العرش العظيم أن يشفيه شفاءا لا يغادر سقما ..

اللهم رب الناس , مذهب البأس , اشف انت الشافى لا شفاء إلا شفاؤك , شفاءا لا يغادر سقما .

اولا الف سلامه للوالد
يفضل الاتفاق مع الجراح والمستشفي في نفس الوقت
لو الامكانيات تسمح يبقي دار الفؤاد
العمليه تجسنت نتائجها كتير عن الاول
توقف القلب سابقا يخفض من نسبه نجاح اي جراحه بس مش بنسبه كبيره
دور كويس
الموضوع مش عاجل زي نا انت متخيل مادام الحاله مستقره ومفيش مشاكل كاختلال انتظام ضربات القلب
وبالتوفيق

ألف سلامة
د/ حسن الصاوي فعلاً دكتور ممتاز قام بعملية سابقة للوالدة

والله كان نفسي اساعد لكني لا امللك له الا الدعاء ربنا يشفيه يارب ويهون عليه

اقتباس:

---

المشاركة الأصلية كتبت بواسطة rosebox

+111111

اللى اعرفهم هما طارق حلمى و مجدى جمعه ممتازين
و مجدى جمعة بالذات شغال مع مجدى يعقوب على طول و انسان محترم جدا جدا جدا

و ربنا هو الشافى و كلهم اسباب

---

دة أختيار ممتاز و الأحسن لو وصلت لدكتور مجدى يعقوب نفسة ....
طبعآ دة هيكون أفضل كتير ....

دعائى له بالشفاء

الف سلامة يا موتو و ان شاء الله يقوم الوالد بخير

اقتباس:

---

المشاركة الأصلية كتبت بواسطة m3_dolphen

أسأل الله العظيم رب العرش العظيم أن يشفيه شفاءا لا يغادر سقما ..

اللهم رب الناس , مذهب البأس , اشف انت الشافى لا شفاء إلا شفاؤك , شفاءا لا يغادر سقما .

---

آمين

أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه

ألف سلامه للوالد يا باشا .

أنا والدى عمل عمليه القلب المفتوح سنة 2007 ، وكنت ساعتها قلقان زيك كده بالظبط والحمد لله قام بالسلامه وأول لما شافنى شتمنى كالعاده : ))

والدى عملها فى معهد ناصر ، واللى قام بيها كان الدكتور محمد الفقى ، وبالنسبه للتكاليف مش حقدر أفيدك لأن التأمين الصحى ساعتها دفع نسبه كبيره من التكاليف ، وعنوان الدكتور محمد الفقى 79 شارع رمسيس ، تليفون : 25755171 وتقريبا ليه عياده تانيه فى مصر الجديده .

الموضوع مش مقلق إن شاء الله ، بس لازم تتحرك من دلوقتى علشان عامل الوقت مهم .

وكمان عندك أغلب مستشفيات القوات المسلحه بتبقى قمه فى الخبره والنظام والنظافه .

وبالتوفيق ، وربنا يقومه بالسلامه إن شاء الله .

الف سلامة علي الوالد يا موتو
وان شاء الله يقوم بالسلامة تاني

بسم الله الرحمن الرحيم

أخباركم إيه يا جماعة .. للأسف الوالد إتعرض من 4 أيام لوعكة صحية شديدة ومحجوز في العناية من ساعتها بعد إصابته بجلطة في القلب وهو مركب 3 دعامات من 2006 وعامل قسطرتين قبل كدة، وعملنا إمبارح قسطرة الطبيب قال إنه فيه نسبة إنسداد عالية في الشرايين ومفيش حل غير في عملية قلب مفتوح وبشكل سريع حتي لا تحدث أي مفاجأت علي حد قوله.

للأسف أنا معرفش أي جراح كويس في هذا المجال ومليش سابق خبرة أو معرفة بموقف مشابه، ومحتاج أتحرك في الموضوع بشكل سريع.

يا ريت لو حد يعرف أسماء كويسة يدلني عليها .. أو يفيدني بمعلومات زي:

هل العملية فعلاَ مبقتش معقدة زي زمان ونسبة نجاحها عالية؟
مين أسماء كويسة للموضوع؟
تكلفة العملية بتبقي في حدود قد إيه؟
هل انا اللي بشترط علي الجراح المستشفي أو هو بيتعامل مع مستشفيات معينة وبحاسب الاتنين مع بعض ولا كل حاجة علي حدا؟
هل أقدر أتواصل مع الجراح يوم الجمعة أو السبت؟ الموضوع بياخد وقت قد أيه لترتيب الجراحة عشان تتعمل؟

وعايز أتأكد من معلومة الطبيب قالهالي .. هل فعلاَ لو المريض تعرض لتوقف سابق في القلب قبل العملية ده بينزل بنسبة نجاح العملية لنسب متدنية جداَ؟

وأشكركم جميعاَ وعافانا الله جميعاَ من المرض يا رب

اولاً : شفا الله والدك وعافاه

اقتباس:

---

المشاركة الأصلية كتبت بواسطة bassem raafat

ألف سلامه للوالد يا باشا .

أنا والدى عمل عمليه القلب المفتوح سنة 2007 ، وكنت ساعتها قلقان زيك كده بالظبط والحمد لله قام بالسلامه وأول لما شافنى شتمنى كالعاده : ))

والدى عملها فى معهد ناصر ، واللى قام بيها كان الدكتور محمد الفقى ، وبالنسبه للتكاليف مش حقدر أفيدك لأن التأمين الصحى ساعتها دفع نسبه كبيره من التكاليف ، وعنوان الدكتور محمد الفقى 79 شارع رمسيس ، تليفون : 25755171 وتقريبا ليه عياده تانيه فى مصر الجديده .

الموضوع مش مقلق إن شاء الله ، بس لازم تتحرك من دلوقتى علشان عامل الوقت مهم .

وكمان عندك أغلب مستشفيات القوات المسلحه بتبقى قمه فى الخبره والنظام والنظافه .

وبالتوفيق ، وربنا يقومه بالسلامه إن شاء الله .

---

ثانياً: نفس اللى حصل بالظبط معايه وانا كنت داخل اقوله على دكتور محمد الفقى ( ربنا يباركله )
وعيادته اللى فى مصر الجديده موجوده فى ميدان صلاح الدين قريب جداً من ميدان الاسماعيليه

ألف سلامة للوالد " ربنا يشفيه ويطمنكم عليه يا رب

شفاه الله وعافاه .......

ياريت تبدأ بمراسلة الدكاترة المكتوبة بياناتها في الموضوع من أجل الإسراع في البدء في الإجراءات ...........

الف سلامة لوالد حضرتك ويقوم بألف سلامة ان شاء الله ...

اللهم رب الناس اذهب البأس .. اشفه لا شفاء الا شفاءك .. شفاء لا يغادر سقما.

والدى كان عاملها عند دكتور طارق حلمى .. و هو ممتاز و انسان محترم جدا.

أسأل الله العظيم رب العرش العظيم أن يشفيه شفاءا لا يغادر سقما ..

اللهم رب الناس , مذهب البأس , اشف انت الشافى لا شفاء إلا شفاؤك , شفاءا لا يغادر سقما .

الف سلامة لوالدك يا موتورايزر..... د. عادل امام من اهم دكاترة القلب فى مصر و لو عايز عنوان عيادته ممكن اجيبهولك

ربنا يشفية ان شاء الله يا محمود ويقوم بالسلامة
ربنا ياجرة فى ما ابتلاة ويخلفة خيرا منة

الف سلامة علي بابا يا موتورايزر وان شاء الله يقوم بالسلامة, اللهم رب الناس , مذهب البأس , اشف انت الشافى لا شفاء إلا شفاؤك , شفاءا لا يغادر سقما .

ألف سلامة على الوالد الكريم

ربنا يعجل له الشفا ويأجره على مرضه


أنا منذ سنوات عديدة تعاملت مع دكتور لم أقابل مثله في العلم والحزم والطيبة اسمه على ما أتذكر الدكتور ( أحمد الكدواني ) كان في مستشفى 6 أكتوبر

لو حضرتك قدرت تعدي على المستشفى وتسأل عليه أو لو روحت مستشفى الدمرداش وسألت عنه دكتور هناك حولنا ليه اسمه دكتور العشري وأنصحك ما تخليش الدكتور العشري يعالجه لأن تجربتي معاه مش كويسه - لكن هو ممكن يدلك على مكان الدكتور أحمد


تحياتي لك

اقتباس:

---

المشاركة الأصلية كتبت بواسطة m3_dolphen

أسأل الله العظيم رب العرش العظيم أن يشفيه شفاءا لا يغادر سقما ..

اللهم رب الناس , مذهب البأس , اشف انت الشافى لا شفاء إلا شفاؤك , شفاءا لا يغادر سقما .

---

أمين
أمين
أمين
أمين
أمين

شفاه الله وعفاه

والله لو أعرف كنت ساعدتك

سامحنا اخى الكريم

الف سلامه على الوالد
والله كل اللى اعرفهم تخصص قسطرة الوحيد اللى اعرفه قلب مفتوح دكتور طاهر و مش فى مصر
هو فى مستشفى ايه

http://www.nilemotors.net/Nile/236290-a.html

الله يشفي والدك ويطمنك عليه اسئل الله العظيم رب العرش الكريم ان يشفيه شفاءا لا يغادر سقما

أسأل الله العظيم رب العرش العظيم أن يشفى والدك ان شاء الله شفاء لا يغادر سقما