الموضوع: سوال للادارة والاعضاء ؟

ربنا يسهل الحال وهبعت للاستاذ كريم الموضوع ومعايا رقم واحد بتاع ستائر كبس كمان وبيفصل للانواع اللى مش جاهزة عنده فى خلال يومين تلاتة.

المشاركة الأصلية كتبت بواسطة karim_monir

مشكو على مجهودك يا استاذ ايمن
لكن في شركة واخدة حق الاعلان الحصريي على المنتدى
وبالاتفاق معانا الغت نظام العروض مقابل اعلان تماما مع الاماكن اللي يمكن التلاعب في اسعارها
يعني بخلاف التوكيلات والشركات الكبيرة
اي مكان يقدر يرفع سعر المنتج ويوقلك عملتلك خصم وهمي
خاصة ان في مجال الكماليات ده امكانية كبيرة للتلاعب
وكان في شركة زمان بتعلن في المنتدى وهي شركة مشهور جدا في مجال الكماليات
ولما حسينا بتلاعبهم وكانو عاملين اعلان وخصومات
لغينا الاعلان ورجعنالهم فلوسهم
تحياتي لمجهودك

مشكور استاذ كريم على ردك الوافى

وللتوضيح بس هو ولا محل فيهم قاللى او عرضت عليه اعمله اعلان بل بالعكس اخدت منه اسعار اللى عارضها على باب المحل للجميع وقلتله لو حجم شغلك مع المنتدى كبير واراء الاعضاء تمام يبقى ممكن صاحب المنتدى يقابلك وتعملنا خصومات باستيكر على العربية باسم المنتدى.

طيب وهل لو ذكرت اسماء او ارقام تيلفونات محل من المحلات ديه هتبقى تحت بند الاعلان ليهم برده ولا لا مع العلم ان ارقام تيلفوناتهم مكتوبة على المحلات من برة.

الفكرة كلها استاذ كريم ان فى ناس كتير الفترة اللى فاتت كانت بتسال على الستائر الكبس مثلا ومين يعملهم ويتكلفوا كام.

ومحل الكماليات ده عامل عروض على باب المحل باسعار غريبة واقل من السوق بكتير.

ولو فى اى شبهة فى الموضوع ليا يبقى اتمنى لو الاستاذ كريم وافق على كتابة ارقام تيلفونات او اسماء ان محدش يذكرنى بالاسم او ان واحد من منتدى نايل موتورز ادانى رقمك.

مشكور لردك

المشاركة الأصلية كتبت بواسطة karim_monir

عشان تبعد عن الشبهة
اكتب اسم المحل فقط
والمنطقة زي التوفيقة لكن ماتكتبش رقم تليفونات اطلاقا
لان ده علان مباشر ليهم

مشكور استاذ كريم.

المحلات :

-محمد ابراهيم وافتكر معظم الناس عارفينه وعامل عروض على
شامبو لغسيل العربية ممتاز وجربته
سبراى لتلميع الكاوتش وجربته وممتاز وهو مش فوم وبيديك نفس لمعة الكاوتش والعربية فى المعرض

وعنده حاجات تانية كتييييييير

- الشبح وده محل بيبع ستائر كبس وبيفصل وده لو داخل من شارع السينما هتلاقيه على اول ناصية فى التقاطع.

-محل درويش بطاح وده قبل الشبح علطول وتقريبا اكبر محل فى التوفيقية وعامل عروض على حاجات كتير (اسبراى-فوانيس-سبويلر-مرايات-الخ)

تسلم على المعلومات هذه