ما هي الحرارة الطبيعية للعربية الأوبل
وما اسباب زيادة الحرارة عن المعدل الطبيعي ؟
عرض للطباعة
ما هي الحرارة الطبيعية للعربية الأوبل
وما اسباب زيادة الحرارة عن المعدل الطبيعي ؟
أولا سلام عليكم
ثانيا موضوع الحراة للعربيات الأول كثرت فيه الأقاوييل .
الفكترا ليه درجة والأسترا ليها درجة والكورسا كمان ليها درجة .
أنا هكلمك عن الأسترا علشان هى معايا .... شوف فى الشتا المفروض إن مؤشر الحرارة ميعديش الربع أبدا لو دورة الميه عندك مضبوطة وحتى لو العربية سخنة وماشية مسافة طويلة وفى الزحمة كمان .
أما بقى فى الصيف اللى هو مشكلة المشاكل ...... فلو عربيتك مضبوطة والريداتير سليم ودورة الميه والثرموستات ومروحة الريداير بتشغل صح على السرعتين وكل ده مهم جدا ...... فهتلاقى فى عز الصيف والزحمة ومع تشغيل التكيف الموشر بيكون بعد الربع بشوية .... وعمره ما يوصل لحد النص ...... ولو وصل للنص يبقى فى مشكلة عندك مهما كانت صغيرة .
الحراة فى لعربية مؤشر مهم جدا جدا جدا ..... يعنى على طول عينك عليه زى البنزين علشان متسببش بأى شئ وحش لا قدر الله .
فنصيحة اهتم بيها ..... ويا رب أكون أفدتك فى موضوع الحرارة بالنسبة للعربية الأسترا .
وننتظر الشباب فى الفيكترا ..... وملوكها هنا كتييييييييييييييييييييير ....... بس ملوك الأسترا أكتر وأكتر ( caboo , emad , astra lover وأنا ) .... مش بقولك كتيييييييييييييير .
ولو فكلامى شئ غلط صححولى يا شباب
المفروض الحراره ثابته تحت النص بشرطه سواء صيف او شتاء بتكيف أو بدون و داخل البلد او على طريق سريع
ده مش فى الأوبل و لا فى الألمانى كله
ممكن فى الكورى و اليابانى و الصينى عشان ده مؤشر متوسطات مش مؤشر فعلى
الحرارة الطبيعية للفيكترا 2000 سى سى
بدون تكييف - شتاء ------------ 90
بدون تكييف صيفاً ------------- لغاية 94 عادى
بالتكييف صيفاً --------------- لغاية 98 عادى
اكتر من كده يبقى مشكله فى الدايره
أكيد الأرقام دى يا طنون
فى ال 2000 سى سى
اه
متأكد منها
طيب تمام
انا عندى فى الفكترا 1400 مابتزيدش عن 80 -75 فى عز الحر
ما شاء الله
بس ده يخلى العربية غول بنزين
هو الكلام ده جوه البلد لانى لسة ماسفرتش بيها بس عمرها ما جت على 90 وانا جوه البلد ممكن اقصى حاجة 85 والمروحة تشتغل والحرارة تنزل شوية
اه نسيت ياطنانى هى العربية بتسخن برضة لان انا كان معايا تمبرا الاول كانت سوخنيتها اقل من الاوبل والاوبل اللى معايا بتسخن اكتر لدرجة لو حطيت ماية على الفرن الماية بتغلى بس الحرارة عندى فى المؤشر زى ما قولتلك بس العربية بتبقى مولعة فى الحر فهل ده طبيعى بالنسبة للبنزين العربية كويسة فى البنزين واقتصادية بالنسبة للتمبرا اللى كانت معايا
أعتقد ان رينج 85-75 قليل شويه على الاوبل ..وبعدين جوه البلد أقصى حاجه 85 يعنى على طريق مفتوح هاتقل أكتر !
مش عارف اتهيئلى كده فى حاجه مش مظبوطه فى الأرقام دى
بالفكاكه يعنى المؤشر عندك 80 و90 و100 ولما تعدى وتيجى لنص المسافه بعد الرقم بتبقى 5 و....كذا ولو معديه بحته صغيره 1 او2 و....كذا
وهكذا .........انا بعرفها كده ولو حد عندو طريقه اوضح مايبخلش بيها علينا ...........
http://www.nilemotors.net/Nile/234445-a.html
خدوا اللينك دة
الأزرق ---- بارده
اول شرطه --------- 80 او 90
تانى شرطه -------- 95
تالت شرطه قبل الأحمر --------- 100
الحمرا ------------------ 110
الاحمر لغاية 130 كمان يا طنانى
130 صعب قوى
ايوه ده اللى عندنا ما بين ال 90 و ال مية شرطتين