نفسي اعرف الناس متغاظه ليه

**ahmed2y** · 29-07-2011 03:20 PM

المشاركة الأصلية كتبت بواسطة wael17

أقولك انا الناس متغاظة ليه

منذ التنحي في 11 فبراير في مجموعة من الثوار شايفة انها تقدر تمشي البلد علي مزاجها من خلال لعبة التظاهر و الاعتصام في التحرير و بسبب صوتها العالي رغم انها لا تمثل اي ثقل في الشارع نجحت في اعطاء انطباع ان هناك جزا كبير من الشعب يؤيد تصرفاتها و المشكلة ان الشعب بقاله شهور قاعد يتفرج علي المجموعة دي و هي بتهتف الشعب يريد.... و طبعا حاجة تحرق الدم لما تشوف ناس بتتكلم باسمك و تقول اللي هي عايزة لاهداف معينة و لمحاولة تصعيد تيارات و احزاب لا تلقي اي قبول في الشارع

و بعد ان هتفت هذه المجموعة الشعب يريد اسقاط المشير و حاولت استدراج الشعب و الجيش للصدام في معركة العباسية الشهيرة

منذ هذا اليوم الشعب قرر اناه ينزل يقول للمجموعة دي هو عايز ايه بالظبط

و كلنا شايفيين الهتاف في الميدان ايه دلوقتي

اسلامية اسلامية

الف تحية للمشير من قلب ميدان التحرير

الجيش و الشعب ايد واحدة

عرفت حضرتك في ناس متغاظة ليه
ولا عزاء ل 6 ابريل

هو حضرتك شايف الى حصل فى العباسية كدة فعلا

وبالنسبة لاسلامية اسلامية هى مصر كانت اية قبل كدة

**wael17** · 29-07-2011 03:24 PM

المشاركة الأصلية كتبت بواسطة m.zaher

بس ان شاء الله يحصل توحد تحت رايه واحده و ده اللى بنتمناه

لما اكتر من 90% من الشعب يتفق علي رأي واحد انا باعتبر ده توحد...اصرار قلة ليس لها وزن علي الخروج علي هذا الاتفاق لا يعني انه لا يوجد توحد
لا يوجد بلد في العالم يمكن ان يتفق 100% من افراد شعبه علي رأي واحد
اهمية النهاردة انه اظهر حقيقة من يحاول ان يظهر بصورة أكبر من حجمه
النهاردة ظهرت هوية مصر و راي الشعب اللي كلنا كنا عارفينه بس كان في ناس بتكابر و تستغل الانترنت و الاعلام للترويج لافكار الا يؤيدها الشعب

**AmAhmed** · 29-07-2011 03:27 PM

Islamophobia-إسلاموفوبيا
ط¥ط³ظ„ط§ظ…ظˆظپظˆط¨ظٹط§ - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©

Islamophobia - Wikipedia, the free encyclopedia

المشكلة الكبرى ان تصريحات الاسلاموفوبيا تيجي من مسلمين

**wael17** · 29-07-2011 03:30 PM

المشاركة الأصلية كتبت بواسطة ahmed2y

هو حضرتك شايف الى حصل فى العباسية كدة فعلا

اللي حصل في العباسية ان مجموعة من الشباب قررت ان تتكلم بالنيابة عن الشعب و تهتف الشعب يريد اسقاط المشير علي الرغم من خطورة مثل هذا التصرف من جر الجيش و والشعب للمواجهة
و اليوم ثبت ما كنا نقوله ان الشعب لا يريد اسقاط المشير في الفترة الحالية

المشاركة الأصلية كتبت بواسطة ahmed2y

وبالنسبة لاسلامية اسلامية هى مصر كانت اية قبل كدة

لا اعرف مصر قبل كدة كانت ايه بس اللي اعرفه ان الدولة الاسلامية لا يتم منع مذيعاتها المحجبات من الظهور علي شاشة التليفزيون

**aly_hosny** · 29-07-2011 03:56 PM

مين ال متغاظ ؟؟؟
انا قلقان
بس مش متغاظ

**ahmed2y** · 29-07-2011 04:16 PM

المشاركة الأصلية كتبت بواسطة wael17

خطيب التحرير: الجيش خط أحمر لأنه حمى الثورة وهو الدرع الحامى للبلاد.. والمادة الثانية من الدستور مثل جبل المقطم لن يستطيع أحد زحزحته.. وليس من حق أى فصيل أن يقرر مصير مصر بمفرده

انا الكلام عن المادة الثانية من الدستور دى لما بسمعها وبسمع الى بيتكلمو عاليها وبيدفعو عنها بتجنن عارفين بتحنن لية لا قبل الاستفتاء زميل لينا فى الشغل جاب كشف تو قيعات والحقو يا جماعة عاوزيين يغيرو المادة الثانية من الدستور وعاوزين مصر دولة عالمانية الملحدين احنا ولازم نمضى ونجمع توقيعات لايقاف هذة المهزلة

بينى وبينكو انا قومت ماضى فى الكشف وكاتب رقم بطاقتى واديها يا عم ويارب تقبل منا وانصر الاسلام

بعد كدة الواحد بقى يقرا ويشوف ويتابع يا جماعة هو فين العاوزين يلغو المادة دول يا جماعة وكل عام وانتم يخير

بس هى لبانة بتستخدم وقت الزوم

**Ghosts** · 29-07-2011 04:36 PM

المشاركة الأصلية كتبت بواسطة ahmed2y

بعد كدة الواحد بقى يقرا ويشوف ويتابع يا جماعة هو فين العاوزين يلغو المادة دول يا جماعة وكل عام وانتم يخير

بس هى لبانة بتستخدم وقت الزوم

ياريت توضح كلامك أكتر ....

**abou_ruqi** · 29-07-2011 05:38 PM

انا شايف ان استعراض القوة اللي حصل النهاردة من الشعب المؤيد لاسلامية الدولة سيجعل التيار العلماني يعيد حساباته ومقصدش انه حيتراجع او يلم نفسه انما اتوقع انه حيغير استراتيجيته بعد فشل الطريقة المتبعة حاليا واعتقد الطريقة الجديدة ستكون اكثر دهاءا
وعليه كان افضل للتيار الاسلامي السكون تماما في المرحلة الحالية وجر العلمانيين للانتخابات اللي نتيجتها معروفة مثل نتيجة الاستفتاء ويتم القضاء على فكرة اتاتورك المصري بالموت المفاجئ

اما موضوع ان الجيش يحمي العلمانية ويرفض الدولة الاسلامية هذه مصر وليست تركيا يا سادة والجيش فيه متدينين بنفس نسبتهم في الشعب نفسه يعني اغلبية اخرى