الموضوع: خاطرة عن جمعة اليوم 29

المشاركة الأصلية كتبت بواسطة skybird

فعلا عرفنا حجم السلفيين
انا كنت فاكر ان ميادين المحافظات كلها هتتملي بالمتظاهرين وخصوصا الصعيد
لكن تجمعوا كلهم من كل المحافظات اليوم في ميدانين فقط القاهرة والاسكندرية وعشرات في السويس
المفروض يعيدوا حساباتهم تاني لان كده اخرهم مقعدين في مجلس الشعب

العملية نسبة وتناسب .. بما ان 3 مليون احتشدو اخرهم مقعدين ... تفتكر بالتالي ال 5000 ليبرالي ممكن ياخدو كام مقعد؟

المشاركة الأصلية كتبت بواسطة mazagngi2010

الأواني الفارغه تحدث ضجه أكثر من الأواني الممتلئه وكذلك البشرلايـحـدث ضـجـه إلا ذوو الــعــقـول الــفـارغــه

مظاهرات دائمة ومستمرة في التحرير - اغلاق للمجمع - بوق اعلامي فظيع - مظاهرات استفزازية للمجلس العسكري - احداث العباسية - قناة السويس - المنطقة الشمالية العسكرية - وثيقة فوق دستورية - .........................

دي افعال الليبراليين - اه رئيك في الضجة؟؟

احكم انت بقى على مقدار فراغهم

المشاركة الأصلية كتبت بواسطة ghazy12

ديننا مش كده على فكرة, و لا ده اسلوبنا, و لا عمر الاسلام كان محتاج يثبت شئ لحد او يفرد عضلاته على حد,
او يعرف شخص او جماعة او تيار حجمة مهما كان, و لا اننا نكون متربصين, و لا اننا نتكبر و نتعالى على حد !!!!!

و للأسف الشديد, المنافقون في كل مكان و خصوصاً اللي بينافقوا الدين... و بقينا بنعكر نقاء الاسلام بنفسنا !!!

الاسلوب ده بيكره الناس في الاسلام و المسلمين اكتر, و انت كده مش بتفيد دينك ولا بتجاهد في سبيل الله مثلاً !!!

الكلام عن الدين و الاسلام بقى فيه استهتار بشكل غير طبيعي, و بقت الناس كمان بتستهتر بيه بسببنا للأسف...

انا عن نفسي مش عارف هدفك ايه من الموضوع بالظبط !!!!!! و لكن ماتحطش دينك في جدال مهين ابدااا...

ربنا يهدينا جميعاً...

مع إحترامي لوجهة نظر حضرتك، بس الإسلام في وقت معين بيحتاج من اتباعه فرض العضلات عشان ما يظهرش إنه ضعيف أو إن أتباعه نايمين "وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم"، هدفي من الموضوع الآتي: فيه ناس مسمية نفسها النخبة وكانت بتضغط على المجلس العسكري باسم الشعب المصري لتغيير نتيجة الاستفتاء وتأسيسهم لدستور على مزاجهم، بالتالي كان لا بد من الضغط أيضا على المجلس العسكري لتأكيد أن الشعب راضي عن نتيجة الاستفتاء وهايمشي على الخريطة اللي اختارها. مشكلة النخبة إنهم فاكرين إنهم بالفضائيات هايقدروا يعملوا كل اللي عايزينه، في نفس الوقت فاكرين إنهم ليهم تأثير، بالتالي كان لا بد من تعريفهم بحجمهم الطبيعي.
بالمناسبة أنا لا أقصد ابدا الإساءة إلى الإسلام والمسلمين بل العكس. وربنا شاهد