كل واحد عرف حجمه الطبيعي
عرض للطباعة
كل واحد عرف حجمه الطبيعي
ربنا يسهل
اقتباس:
كل واحد عرف حجمه الطبيعي
فعلا هو دا هدف الجمعة 29 يوليو :)))) وقد نجح .. تهانينا
ربنا ينصر الحق ويقتص للشهداء والمظلومين ويطهر البلاد من الفساد والسرقة والخيانة
ويولى من لدنه عبادا صالحين يسعون لقضاء حاجات الناس وإقرار العدل ابتغاءا لوجه الله دون رياء وتكبر
ولا يجعلنا نغتر كما فى الآية الكريمة "ويوم حنين إذ أعجبتكم كثرتكم فلم تغن عنكم شيئا وضاقت عليكم الأرض بما رحبت ثم وليتم مدبرين ثم أنزل الله سكينته إلى قوله غفور رحيم "
واتمنى أن يكون العدل والحق والامانة هم الأكبر حجما بالتنفيذ وليس بالاعلام والشعارات
وسنرى معا نتائج هذه الجمعة المباركة على القصاص والمحاكمات وعدالتها وسرعة الاجراءات ورد المظالم والأموال المسروقة
ربنا يهدى
ربنا يهديك انت يا اللى فى بالى
السؤال ايه رأي الرجل العادي في هذه الجمعة
رأيه في اسلامية الدولة ( دولة تطبق الدين مع حفظ حق الاقلية المسيحية وليست دولة دينية )
رأيه في قرار عدم الاعتصام بعد المظاهرة
راية في حملة تنظيف الميدان بعد نهاية المظاهرة ( المصدر: بوابة الاهرام من على twitter)
رأيه في مساندة الجيش والمشير
أرجع واقول أنها أول مليونية بالأرقام منذ تنحي مبارك
أسف هي مكانتش جمعة فرد العضلات عشان نقول كل واحد عرف حجمه
الله أكبر
الله أكبر
فعلا عرفنا حجم السلفيين
انا كنت فاكر ان ميادين المحافظات كلها هتتملي بالمتظاهرين وخصوصا الصعيد
لكن تجمعوا كلهم من كل المحافظات اليوم في ميدانين فقط القاهرة والاسكندرية وعشرات في السويس
المفروض يعيدوا حساباتهم تاني لان كده اخرهم مقعدين في مجلس الشعب
انا مش فاهمة حاجة
هى دى كانت جمعة ايه بالظبط
معلش كان عندى عزومة ومتابعتش اللى حصل انهاردة
ممكن حد يفهمنى
حجم من غير مخ
هيا مش بالحجم يا ريس
احنا مش داخلين خناقة
حجم أيه و وزن أيه كل واحد حر يعبر عن رأيه
انا شايف ان الإعلام و التويتر و العلمانيين و الملقبين بالنخبة نجحو في توصيل الناس للإسلاموفوبيا المتكاملة
سترك يا رب
الجمعة دي جمعة وكل لبيب بالإشارة يفهم.
بالمناسبة التيارالإسلامي لو عايز ينزل 10 مليون هاينزلهم. والموضوع مش فرد عضلات، أصل كان فيه ناس عاملة نفسها النخبة وكانت بتحاول تفرض رأيها وتضغط على المجلس العسكري والتيار الإسلامي كان بيراقب الموقف، بالتالي المجلس العسكري لو عايز ضغوط بجد يبقى من التيار الإسلامي الأكثر شعبية والأكثر تنظيما والأكثر ديموقراطية والأكثر وضوحا وثباتا على المبدأ والأكثر قبولا في الشارع المصري. بالتالي اللي مسميين نفسهم النخبة عرفوا حجمهم، والمجلس العسكري عرف الشعب عايز إيه وبالتالي لو فيه ضغوط هايرضخ لضغوط مين؟؟؟.
الأواني الفارغه تحدث ضجه أكثر من الأواني الممتلئه وكذلك البشرلايـحـدث ضـجـه إلا ذوو الــعــقـول الــفـارغــه
اكبر ضربة للملقبين خطأ بالنخبه ............ اسلامية باذن الله :)
مش كده كمان .................. للاسف الحركات والاحزاب السياسية زي ستة ابريل بجد كل يوم بتثبتلي ان مفيش فرق بينهم وبين ديكتاتورية امن الدولة ولوطني
لما باجي اتناقش مع اي حد من التيارات الاسلامية وبختلف معاه مش بسمع زعيق ولا نرفزة .............
اصل الانسان اللي على حق مش هيحتاج يتنرفز .............
هو مش صوتك العالي دليل على ضعف موقفك ههههههههههههههههههههه
ديننا مش كده على فكرة, و لا ده اسلوبنا, و لا عمر الاسلام كان محتاج يثبت شئ لحد او يفرد عضلاته على حد,
او يعرف شخص او جماعة او تيار حجمة مهما كان, و لا اننا نكون متربصين, و لا اننا نتكبر و نتعالى على حد !!!!!
و للأسف الشديد, المنافقون في كل مكان و خصوصاً اللي بينافقوا الدين... و بقينا بنعكر نقاء الاسلام بنفسنا !!!
الاسلوب ده بيكره الناس في الاسلام و المسلمين اكتر, و انت كده مش بتفيد دينك ولا بتجاهد في سبيل الله مثلاً !!!
الكلام عن الدين و الاسلام بقى فيه استهتار بشكل غير طبيعي, و بقت الناس كمان بتستهتر بيه بسببنا للأسف...
انا عن نفسي مش عارف هدفك ايه من الموضوع بالظبط !!!!!! و لكن ماتحطش دينك في جدال مهين ابدااا...
ربنا يهدينا جميعاً...
الى الاخ بتاع الاواني و الحلل الفارغة .. يعنى ناس بتنادي بتأكيد هوية الدولة .. و تأكيد الالتزام بنتيجة استفتاء الشعب .. تبقى فارغة ازاي ؟!!
بمناسبة الاعلام والنخبة الجهلانية وتصريحتها حتي الان علي مليونية امس
ارهابين
متطرفين
جهلة
خونة
منافقين
شوية جهلة ملموين من الزوايا والمساجد مضحوك عليهم
دول ولاد . . . اتعفف عن كتابتها
----------------
المفترض دة مبيشقش الصف وكلام جميل ومحترم
ورؤية ثاقبة !!!
!! وان الناس تنزل تقول هوية وارادة شعبية بقت الكخة العيب الكلام الي ملهوش لزمة !!!!
عشان لو دة الاسلوب والكلام الي بيعجب
ننزل من بكرة ونقول الميدان مليان مليان من غير احزاب ولا بتنجان ونرفض بناء اي منصة لحد غير الدعوة السلفية مثلا ونطلع في الاعلام نقول دة سعودي ودة ايراني ودة اصلة بياخد تمويل ودة بيأثر علي الجهلة ودول الارهبي والمتخلفين والمتطرفين . . !!!!
لأن واضح ان معاير التفكير مقلوبة عند ناس كتير !!
العملية نسبة وتناسب .. بما ان 3 مليون احتشدو اخرهم مقعدين ... تفتكر بالتالي ال 5000 ليبرالي ممكن ياخدو كام مقعد؟
مظاهرات دائمة ومستمرة في التحرير - اغلاق للمجمع - بوق اعلامي فظيع - مظاهرات استفزازية للمجلس العسكري - احداث العباسية - قناة السويس - المنطقة الشمالية العسكرية - وثيقة فوق دستورية - .........................
دي افعال الليبراليين - اه رئيك في الضجة؟؟
احكم انت بقى على مقدار فراغهم
ربنا يسترها عليك يامصر
مع إحترامي لوجهة نظر حضرتك، بس الإسلام في وقت معين بيحتاج من اتباعه فرض العضلات عشان ما يظهرش إنه ضعيف أو إن أتباعه نايمين "وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم"، هدفي من الموضوع الآتي: فيه ناس مسمية نفسها النخبة وكانت بتضغط على المجلس العسكري باسم الشعب المصري لتغيير نتيجة الاستفتاء وتأسيسهم لدستور على مزاجهم، بالتالي كان لا بد من الضغط أيضا على المجلس العسكري لتأكيد أن الشعب راضي عن نتيجة الاستفتاء وهايمشي على الخريطة اللي اختارها. مشكلة النخبة إنهم فاكرين إنهم بالفضائيات هايقدروا يعملوا كل اللي عايزينه، في نفس الوقت فاكرين إنهم ليهم تأثير، بالتالي كان لا بد من تعريفهم بحجمهم الطبيعي.
بالمناسبة أنا لا أقصد ابدا الإساءة إلى الإسلام والمسلمين بل العكس. وربنا شاهد
والله الأعرفة إن كل واحد حر يقول الهو عايزه ........ ديمقراطية
بفرض ان 31 قوة سياسية انسحبت
الميدان كان مليان لاخره
اذن كام عدد المناصرين لل 31 قوة سياسية ........... 1% من الميدان
وجودهم زي عدمه
كفاية رأي الناس في الشارع في الجمعة ديه ....... الناس عندها احساس بالفرحة غير عادي وناس عادية غير منتمية لاي تيار ديني .... لا اخوان ولا سلفيين ولا غيرة ( مجرد مسلمين سنة عاديين)
لدرجة ان واحد كان بيشبهها بيوم عرفة
وبعدين القوى الاسلامية هي من دعت لجمعه الهوية الاسلامية وضد المبادئ الفوق دستورية
القوى الاخرى لما لقت انها هاتظهر على حقيقتها .... قالت طيب تعالى نسميها جمعة أي حاجة في اي حتة وأهي زحمة ومحدش عارف مين مع مين
لكن القوى الاسلامية ظهرت اكتر في المشهد
فالصدمة كانت شديدة .... وبدأ النواح والعويل على كل القنوات والصحف البيسيطر عليها القوى الغير اسلامية