اعتذار رسمي من جروب Road Hammers Riders للعضو دياب

**tafa17** · 29-07-2011 03:15 PM

حدث خطأ غير مقصود علي الفيس بوك واتفهم غلط وكان الاخ دياب تدخل وكتب مشاركة وزعل
وده نص الرد اللي انا كتبته في المشاركة لعله يتراجع عن كلامه

(ايه يا جماعة الكلام الغريب ده ، الجروب ده اصله لتجميع اعضاء قسم الدراجات النارية بمنتدي نايل موتورز وشريف اقترح الفكرة دي بعد المقابلة مع اعضاء نايل موتورز ، وكل اعضاء نايل موتورز وعلي رأسهم العميد ( دياب ) ليهم الفضل علي الاقل ان الواحد فهم واخد واستفاد من خبراتهم ومعلوماتهم فهم اصحاب الفضل بعد الله عز وجل ولولا وجود رجالة نايل موتورز ماكنش الجروب ده اشتهر ولا العدد ده زاد فيه ، واحمد سيسكو ناقل الموضوع ده من جروب تاني ومايقصدش بيه حد بعينه و دياب وجوده في اي جروب حتي لو مش بيشارك كفاية وجود اسمه معانا في المنتدي ده في حد ذاته شرف لينا وشرف للجروب وبعتذر عن اي سوء فهم حصل واساء لأحد)

احنا آسفين يا ريس

**nktis** · 29-07-2011 08:53 PM

انا اسف اولا لتدخلي يا ا.مصطفي
وانا عموما لا اعرف الموضوع من قريب او من بعيد بس اللي عجبني ولازلت تزداد في نظري اعجابا الا وهي سياسه الاعتذار او مجاهدتك في ان محدش يشيل في نفسه اي شيء منك حتي ولو كان صغير وميستاهلش وان شاء الله ا.دياب انسان راقي وجنتل ومخه كبير وهيتفهم هذا اللبس ده غير اننا داخلين علي ايام مفترجه ومينفعش حد يشيل من حد....وكل سنه واعضاء البايكرز ونايل موتورز بالف صحه وخير...

**Melego323** · 29-07-2011 10:18 PM

إحنا آسفين يا ريس
حاسس إنى من الفلول

**yascro** · 29-07-2011 10:23 PM

حصل خير والف شكر لذوقك واصلك

**yascro** · 29-07-2011 10:28 PM

بس ممكن طلب عشان تفهم وجه نظرى ممكن تجيب
البوست
وتجيب الرد بتاعى يا تافا

**yascro** · 30-07-2011 02:51 AM

يا جماعه ياريت الناس اللي مشتريكه في الجروب تشاركنا في events حتي لو مش هايجو معانا بس نبقي عارفين مش بس هما مشتريكين في الجروب ومبيعملوش اي حاجه هو الموضوع مش ذيادة عدد و خلاص في الجروب

دا نص البوست اللى انا زعلت منه

**midoehab2006** · 30-07-2011 03:06 AM

تصدق يا
</B>yascro

ان أدمن biker boys طردني من الجروب بتاعه عشان انا معييش بايك

لأ وايه كمان بطريقة أسلوبها وحش جدا

قال : الي معهوش بايك وعايز يتعلم ... يقول .. وفي مفاجاة
رحت انا رادد
" المهم طلع انو بيعرف الناس الي معهاش بايكس ويروح طاردهم"

شفت بقا !!!!

**midoehab2006** · 30-07-2011 03:07 AM

وكمان جروب Road Hammers Riders لما حكيتلهم عن الموقف باني كتبت بوست
لقيت البوست ممسوح بعد ساعه

!!!!!!!!!!

رحت اخد بعضي وطالع من الجروب بالمرة

**tamertamer** · 30-07-2011 03:34 AM

من الطبيعى انة يتشال لان ببساطة احنا ملناش دعوة بجروبات تنية احنا لينا دعوة بنفسنا فقط
حط بوست عن تطوير الجروب تفعيل الجروب حجات كدة عمر محد هيشيلة لاكن نحكى مواقف عن جروبات تنية مش ظريف ومش محبب

**tafa17** · 30-07-2011 04:18 AM

المشاركة الأصلية كتبت بواسطة yascro

حصل خير والف شكر لذوقك واصلك

ده اقل واجب مع شخصية محترمة زي حضرتك

المشاركة الأصلية كتبت بواسطة yascro

يا جماعه ياريت الناس اللي مشتريكه في الجروب تشاركنا في events حتي لو مش هايجو معانا بس نبقي عارفين مش بس هما مشتريكين في الجروب ومبيعملوش اي حاجه هو الموضوع مش ذيادة عدد و خلاص في الجروب

دا نص البوست اللى انا زعلت منه

حقك عليا