الموضوع: و كما قلتها يوم 27 مايو , اليوم اقولها

هو مين اللى اتفق مع مين ... انا نزلت التحرير ومتفقتش مع حد على حاجة ... هو مطلوب منى انى اسأل القوى السياسية هانزل اهتف فى التحرير بإيه ؟

بص يااستاذ تامر اولا انا مش بحب اكتب فى الاجتماعى كتير
اولا انا ضد ما حدث اليوم
ولكن برده الجماعات الاسلامية معزورة الشعب المصرى ل اكتر من 30 سنه ساكت ويرضى بالفتات
ومن حوالى 6 سنين بدات تظهر بعض الحركات السياسية وبدات تاخد الخبرة السياسية وكانوا قليلين جداا
وللاسف الجماعات الاسلامية الى 28 يناير كانت ضد اى تغيير.
والان وبعد ان انزاح النظام السابق حصل الصدام بين تيارين
تيار السلفين الذين لا زالو يروا عدم الخروج على الحاكم وهو الان المجلس العسكرى ويرضوا بالوضع القائم وهو افضل بكثير من السابق بالنسبة لهم
والتيار الاخر وهو التيار المثقف السياسى وهم طبعا اقلية (مش فى مصر بس ولكن حتى فى الدول المتقدمة جدا)
التيار المثقف يرى ان هناك المزيد لم يقدم بعد وانه يجب الضغط على المجلس العسكرى واجبارة على تنفيذ باقى الطلبات المشروعة
وانا عايز اسال سؤال ازاى اعامل المجلس العسكرى او بمعنى ادق مين اللى شغال عند التانى
التيار السلفى يرى ان الحاكم العسكرى هوا السيد وانه لايجب الخروج عليه واذا كانت هناك طلبات تطلب على استحياء
اما التيارات السياسية الاخرى فترى ان المجلس العسكرى خادم للشعب او شغال عنده وانا لما بكون صاحب عمل وعندى موظف كسلان لازم اهدده مرة واتنين ولازم اهدده انى هرفده عشان يصحى ويفوق حتى لو مكنش فى نيتى اعمل كده بس لازم التهديد ده والا هيفضل كسلان
وانا ارى ان الاختلاف من هنا من طريقة نظر كل منهم الى المجلس العسكرى

مع أحترامى يا باشمهندس تامر :) كل اللى حصل كان متوقع

بس بما إنك نزلت النهاردة وكنت شاهد عيان وأنا واحدة من الزملاء اللى بيثقوا فى أمانتك فى نقل الأحداث

يا ريت تحكى لنا عن مطالب الجمعة 29 يوليو وما ركزت عليه من تحقيق لأهداف الثورة وتحقيق العدل والقصاص لدماء الشهداء

واجراء المحاكمات بنزاهة وتطهير البلاد من الفساد ورد الأموال المسروقة وتعويض المضارين وما إلى ذلك من تحقيق للعدل وإحقاق للحق

وكله بشرع الله بالفعل والتنفيذ والمتابعة الواعية :) مستنينك تحكى لنا مليونية الجمعة دى ركزت على أى مطالب من مطالب الثورة ...

البيان الذي صدر من الميدان يؤكد علي هذه المطالب و لم يختلف عنها
المشكلة في الهتافات الدينية .. الناس هتفت لشهور مدنية مدنية بكل ما يحوي هذا الشعار من مخالفات شرعية و محدش اشتكي و لا فتح بقه ..و اول ما اتقال اسلامية .. الدنيا قامت .. امال لو مكنش المسلمين حوالي 94% كان ايه اللي حصل

اسلامية الدولة و تحكيم الشرعية ليست مطلب .. هي واقع يتوجب تحقيقه باجتماع جميع المسلمين علي اختلاف انتماءاتهم