زنة عكرت مزاجى :(

**just4fun** · 30-07-2011 12:19 AM

ازيكم يا شباب ,
انهاردة وانا ماشى جو البلد و مشغل التكييف لبست فى نقرة العربية اتهبدت و سمعت صوت دبة جامدة المهم نزلت اشوف لو حصل حاجة سمعت صوت زنة جاى من ناحية الفردة اليمين فتحت الكبوت موصلتش لحاجة طفيت التكييف الصوت راح و شغلتة تانى الصوت رجع , بجد انا متضايق اوى و مش عارف اعمل اية اية سبب الصوت ده و اشغل التكييف تانى ولا لا؟؟ يا ريت تفيدونى

**Ahmed.TV** · 30-07-2011 12:43 AM

ان شاء الله خير متقلقش .. ممكن يكون صوت الكمبرسيور بتاع التكيف .. واللى خالاك تسمعه .. لانك مش مركز معاه زمان .. وبسبب الخبطة ركزت شويتين

وشغل التكيف عادى ..

ياعم بناخد نقر وهبدات من دى .. والحمد لله ربنا ساترها

متقلقش خير

وتابع راى الاعضاء بردوا .. وان شاء الله خير

**FBIAhmed** · 30-07-2011 01:21 AM

باشا ممكن يكون الشداد بتاع سير التكيف هوى شويه من الخبطه و السير رخى او البليه بتاعت الشداد بص اطلع بيها على السبع و في سماعه كده زي بتاعه الدكتور اخرها حديده هايعرفوا منها مكان الزنه فين و هاتتحل و تحديد المشكله بيوصل لحل المشكله متقلقش

**WalidAdel** · 30-07-2011 03:53 AM

زي ماقال لحضرتك كده الاستاذ احمد مصطفي بالظبط تلاقيك بس لما ركزت اوي علشان الخبطه لاقيتها لكن الزنه دي عاديه مع كمبروسر التكييف
عيش ياباشا و استمتع بالعربيه مش هبده هيا اللي هاتخاليك تقلق انت مش راكب توك توك هندي و ماتسمعش كلام حد

**mff_629** · 30-07-2011 04:32 PM

متابع باهتمام

**WalidAdel** · 30-07-2011 04:48 PM

المشاركة الأصلية كتبت بواسطة just4fun

مش محتاجة تركيز اوى دا حتة وانا واقف باشوف فية اية واحد كان معدى قالى اية ده بطل العربية و دورها تانى تلاقى حاجة فى الكهربة , الصوت وانا ماشى بالعربية ممكن ميكونش باين لاكن و هية واقفة وانا برة العربية بسمعة بوضوح

منا عارف اللي حضرتك بتتكلم عليه ده و كمان ممكن اقولك كذا صوت انت مش واحخد بالك منهم دلوقتي بس بعدين هتاخد بالك منهم
في صوت ظريف بقي وانت بتشغل التكييف و فاتح الباب اللقطه بتاعة الكمبروسر دي هاتحس بيها او هاتسمعها بس افتح الباب وانت بتشغله
اول ماتسمعها هاتحس انها مش طبيعيه بس هيا كده متاخدش في بالك عادي و الزنه دي بتاعة كهربة الكمبروسر عادي بردوا
انا حاليا بسمع عندي صوت المروحه بتاعة التكييف بقي مش طبيعي شكلها كده ناويه تتحرق انا مستني لما تتحرق و بعدين هاغيرها كده يعني

**Youssef.Awad** · 30-07-2011 05:02 PM

ما تقلقش اوى وخير ان شاء الله
ولو المشكلة زادت اوى مضطر تروح لأقرب توكيل
انا ملاحظ بقالى كام يوم صوت (فووووووو) وانا باشبع الغيار التانى والتالت ومشغل التكييف من بعد ال2500 rpm ولحد 3500 قبل ما انقل ومطنش