أستاذ أحمد أنا كنت ناوي أعمل المشوار ده يوم الأحد بس للأسف علشان حصل ظروف لسه منزلتش !!!!!
يعني أنهي الأحسن طريق صلاح سالم ولا كوبري 6 أكتوبر ؟
أستاذ أحمد أنا كنت ناوي أعمل المشوار ده يوم الأحد بس للأسف علشان حصل ظروف لسه منزلتش !!!!!
يعني أنهي الأحسن طريق صلاح سالم ولا كوبري 6 أكتوبر ؟
صلاح سالم اقرب
صلاح سالم اقرب طبعا ومادام دخلت فى اوقات رمضان ابدا مشوارك الساعة 10 الصبح مثلا هتلاقى الدنيا تمام قوى
خد التاكسي الابيض في اسود مش التاكسي الابيض ابو عداد
اتقاول معاه
اظن المقاولة هاتبقي اقل من مبلغ 70 اساسا
هو لو سمع 40 او 50 جنيه هايفرح و يركبك
انا كنت بروح من نص الهرم لحد سيتي ستارز بـ 25 جنيه و من الدائري كمان بس الكلام ده من سنتين
و ماظنش البنزين غلي اوي كده في سنتين عشان تدفع 70 او اكتر
السواقين بيستعبطوا
بس انصحك خد الطريق السالك الطويل و ماتخدش الطريق القصير الزحمة
الدائري ثم نزلة البحر الاعظم احسن و اسرع من صلاح سالم او كوبري اكتوبر
لو هاتاخد الدائري يبقي ابعد عن اوقات خروج الموظفين يعني بلاش تاخد الدائري بداية من الساعة 2 في رمضان
بس عموما الميعاد ده زحمة في كل الشوارع الا اذا كانوا البهوات بتوع المرور هايحنوا علينا و ينزلوا يشوفوا شغلهم
يا جماعة الراجل هيركب تاكسى ،،، يعنى الوصف ده هيكون ممتاز لو بعربيته الملاكى
انما سواق التاكسى هيمشيه على مزاجه
صح التاكسى هيمشى على مزاجه ... ياخد التاكسى الابيض فى اسود و يتقاول على المشوار من الاول و كله هيبقى فله :)
شكراً لكم بجد يا جماعه
يعني يا جماعة لو طريق صلاح سالم خط السير يكون أيه ؟ عشان ما يقعدش يقوللي حندخل مش عارف من فين عشان نهرب من الزحمة و بعدين يدخل في زحمة أزحم من اللي كنا فيها والأفلام ديه اللي كانت بتحصل معايا في المهندسين كل يوم :s
يا ريت تقولولي خط السير بتاع صلاح سالم من سيتي ستارز إلى ميدان الجيزة عشان أقوله عليه أول ما أركب عشان مش بحب السواقين تشتغلني :S
باشا ... لو اتقاولت معاه من الاول يمشى من اى حته تريحه و انت ملكش دعوه
لأن فعلا مثلا انا عمرى ما بمشى من الملك الصالح .. باخد مجرى العيون و بخرم من المنيل على ميدان الجيزه ... القصد ... الطرق و التخريمات كتير ... متوجعش دماغك و اتفق على التوصيله بكام من الاول و سيبه يعمل اللى هو عايزه