الموضوع: مقارنة تاريخية بين7 عربيات

ملحوظة النترا 2012

جيتا: مش عاجبني سحبها وحاسس ان شكلها بقي معتاد أكتر من اللازم. طبعا السحب مش لطيف ومافيش منها تقفيل ألماني (أسمع ان اللي ف مصر تقفيل مكسيكي بس ماقدرش أأكد المعلومة دي.. بس أأكدلك ان مافيش جيتا متقفلة ف ألمانيا)
بي ام 316: سعر اعادة بيع ضعيف جدا وقطع غيار غالية فا لازم تتأكد انك راكنلها كيس دنانير علي جنب تصرف منه عليها. وبوجه عام البي ام ضاعت في مصر بعد ما راحت من أبو الفتوح (رأي شخصي). وحاجة تالتة.. ماتجيبش عربية بالسعر دا مستعمل
باسات: نفس الكلام علي المستعمل من ناحية ومن ناحية تانية مش شايف ناس كتير بتجيبها لسبب غير معلوم. من عيوبها ان ظهر مشكلة في الفتيس قبل كدة وماعرفش في مو2008 كانو حلوها ولا لأ بس هي كانت محلولة بشكل كامل في 2010 (بعد ما الناس فقدت الثقة فيها أساسا) كمان فيها تربو عشان الموتور يستحمل وزن العربية دا كله (1.6 بيدي 102 حصان أو 1.6 FSI بيدي 115 علي الجسم دا كله !! والله حرام عليهم)
سيفيك: ممكن أقول عليها عربية "أوزعة"... ارتفاعها قليل جدا عن الأرض والأغرب ان ارتفاع السقف كمان قليل لدرجة تحسسك ان العربية صغيرة رغم انها عريضة. كمان (زي العربيات السبور) العفشة ناشفة.

ندخل بقي في الحاجات الصح
فانتازيا: علي الرغم من نجاح اخواتها الكبار A4 و A5 ماعرفش حاسس ان الفانتازيا مش عاملة نفس النجاح ودا تقريبا راجع لأنها نفس الشكل مع تغييرات بسيطة. بالنسبة للعيوب مش لاقي حاجة تتعاب فيها الا نفس العيب في الأوكتافيا بوج عام ان الطلعة بطيئة شوية وبتجري بعد نص التاني.. وغلسة شوية في طلوع الكباري خصوصا لو زحمة واضطريت تقف في النص. ميزة زيادة ان السكودا بوجه عام حتلاقي اللي يفهم فيها فا مش محتاج تروح التوكيل علي كل فسفوسة تقابلك (ربنا ما يجيب فسافس ان شاء الله)
فلوانس: علي قد ما نفسي أرشحها لكل واحد أقابله علي قد ما حاقولك اني عمري ما جربتها أو ركبتها مع حد سابقا. مش منتشرة (هنا في اسكندرية) وبالتالي قطع غيار مولعة وفي التوكيل بس + صيانة نار. لو بتحب رينو ومتأكد 100% ممكن تجيبها وحاتحس علي الأقل انك مختلف عن المصريين شوية
النترا: عربية ماتتعابش (حتي الآن) وعلي ما يبدو انها حاتنتشر قريب (وحاتغلي). عفشتها جامدة شوية (طبيعي) لو طويل ماتجيبهاش أحسن (حاتعرف قصدي لما تركبها)

بالنسبة لي الاختيار بين آخر تلاتة. ولو فكرت بينهم حاختار الالنترا عشان حاسس ان شكلها خرافي وامكانياتها حلوة. بس برضه ماتاخدش برأي واحد معاه لانوس في الحاجات دي لأن أكيد الناس اللي متعودة علي الفئات دي ليها رأي تاني وأعتقد انهم حايرشحو الفانتازيا لأنها متجربة ومنتشرة عن الفلوانس من ناحية ومن ناحية تانية عشان حاتبقي متأكد وانت راكبها انك بعيد عن الكوري بمشاكله (بالنسبة للالنترا).

بالتوفيق ان شاء الله في الشراء وماتنساش الدعاء وصلاة الاستخارة

فانتازيا

شكرا لكم مستنى باقى الاراء

المشاركة الأصلية كتبت بواسطة crayvor

جيتا: مش عاجبني سحبها وحاسس ان شكلها بقي معتاد أكتر من اللازم. طبعا السحب مش لطيف ومافيش منها تقفيل ألماني (أسمع ان اللي ف مصر تقفيل مكسيكي بس ماقدرش أأكد المعلومة دي.. بس أأكدلك ان مافيش جيتا متقفلة ف ألمانيا)
بي ام 316: سعر اعادة بيع ضعيف جدا وقطع غيار غالية فا لازم تتأكد انك راكنلها كيس دنانير علي جنب تصرف منه عليها. وبوجه عام البي ام ضاعت في مصر بعد ما راحت من أبو الفتوح (رأي شخصي). وحاجة تالتة.. ماتجيبش عربية بالسعر دا مستعمل
باسات: نفس الكلام علي المستعمل من ناحية ومن ناحية تانية مش شايف ناس كتير بتجيبها لسبب غير معلوم. من عيوبها ان ظهر مشكلة في الفتيس قبل كدة وماعرفش في مو2008 كانو حلوها ولا لأ بس هي كانت محلولة بشكل كامل في 2010 (بعد ما الناس فقدت الثقة فيها أساسا) كمان فيها تربو عشان الموتور يستحمل وزن العربية دا كله (1.6 بيدي 102 حصان أو 1.6 fsi بيدي 115 علي الجسم دا كله !! والله حرام عليهم)
سيفيك: ممكن أقول عليها عربية "أوزعة"... ارتفاعها قليل جدا عن الأرض والأغرب ان ارتفاع السقف كمان قليل لدرجة تحسسك ان العربية صغيرة رغم انها عريضة. كمان (زي العربيات السبور) العفشة ناشفة.

ندخل بقي في الحاجات الصح
فانتازيا: علي الرغم من نجاح اخواتها الكبار a4 و a5 ماعرفش حاسس ان الفانتازيا مش عاملة نفس النجاح ودا تقريبا راجع لأنها نفس الشكل مع تغييرات بسيطة. بالنسبة للعيوب مش لاقي حاجة تتعاب فيها الا نفس العيب في الأوكتافيا بوج عام ان الطلعة بطيئة شوية وبتجري بعد نص التاني.. وغلسة شوية في طلوع الكباري خصوصا لو زحمة واضطريت تقف في النص. ميزة زيادة ان السكودا بوجه عام حتلاقي اللي يفهم فيها فا مش محتاج تروح التوكيل علي كل فسفوسة تقابلك (ربنا ما يجيب فسافس ان شاء الله)
فلوانس: علي قد ما نفسي أرشحها لكل واحد أقابله علي قد ما حاقولك اني عمري ما جربتها أو ركبتها مع حد سابقا. مش منتشرة (هنا في اسكندرية) وبالتالي قطع غيار مولعة وفي التوكيل بس + صيانة نار. لو بتحب رينو ومتأكد 100% ممكن تجيبها وحاتحس علي الأقل انك مختلف عن المصريين شوية
النترا: عربية ماتتعابش (حتي الآن) وعلي ما يبدو انها حاتنتشر قريب (وحاتغلي). عفشتها جامدة شوية (طبيعي) لو طويل ماتجيبهاش أحسن (حاتعرف قصدي لما تركبها)

بالنسبة لي الاختيار بين آخر تلاتة. ولو فكرت بينهم حاختار الالنترا عشان حاسس ان شكلها خرافي وامكانياتها حلوة. بس برضه ماتاخدش برأي واحد معاه لانوس في الحاجات دي لأن أكيد الناس اللي متعودة علي الفئات دي ليها رأي تاني وأعتقد انهم حايرشحو الفانتازيا لأنها متجربة ومنتشرة عن الفلوانس من ناحية ومن ناحية تانية عشان حاتبقي متأكد وانت راكبها انك بعيد عن الكوري بمشاكله (بالنسبة للالنترا).

بالتوفيق ان شاء الله في الشراء وماتنساش الدعاء وصلاة الاستخارة

شكرا على ردك
ملحوظة انا من الاسكندرية برضو