مش عارف عنها اي حاجه
عرض للطباعة
مش عارف عنها اي حاجه
حبايبي بتوع دميااااااااااط
بلدي و بموت فيها شكرا يا دكتور علي الموضوع و سلملي علي هشام
يوصل يا ابو الزعاتيير
عاوز حاجه من اكتوبر
بصراحه بلد قمه في الجمال و النظام و الشغل و لو باقي المحافظات عملت زي نسها في اتقنهم للشغل و دابهم المستمر علي العمل يمكن مصر تكون حاجه تانيه
أعرف عن دمياط إنها وحشتني :)
بقالي كتير جدا مارحتش راس البر، ماقدرش انسى اللسان والسوق وعزبة البرج،
وافتكر أول مرة أدخل سينما كانت هناك في راس البر (سينما الأندلس تقريباً أو السينما اللي جنبها مش فاكر اسمها)
كان فيه كمان عم "رينجو" أشهر سواق طفطف في راس البر، كان يضرب كلاكس مميز للطفطف والأطفال (وكنت منهم) يخرجوا البلكونات يهتفوا "رينجو" "بيب .. بيب .. رينجو" ربنا يديله الصحة ويمد في عمره إذا كان عايش، هو كان عجوز جدا من أكتر من 10 سنوات وكان بيمارس مهنته بحب وإخلاص ..
بالنسبة للبخل دي سمعة وكلام زي اللي بيتقال عن كل بلد في مصر، الفيصل المعاملة، وانا ماشفتش موضوع البخل ده خالص هناك، كلهم ناس ناصحة ويعرفوا قيمة القرش وماينضحكش عليهم أبداً.
شكرا للموضوع اللي فكرني بذكريات جميلة ..
آه، فيه أغنية لفؤاد المهندس في مسلسل قديم (غالباً "متاعب المهنة") كان جزء منها بيقول:
"راس البر" في شمال الدلتا ..ليها لسان بين الشطين
طب فين "طنطا"؟ .. في وسط الدلتا .. و "المنصورة"؟ بين الاتنين
[QUOTE]
دموع التلج..استاذ توت
احب اوضحلكوا شىء مهم جدا عن دمياط ..طبعا انت بتسمعوا زى ماالناس كلها بتسمع وتردد ان الدمايطه بخلاء .....للاسف دى فكره انتشرت غلط على لسان الناس ومحدش بيدور وراها
طبعا كل مكان فيه الاسود والابيض ....والكويس والوحش ..والكريم والبخيل
انا مش قصدى التعميم لا والله بس حصل موقف معايا هناك استغربت كنت بشترى اثاث للبيت من هناك وكنا فى رمضان وصايمين وصادف ان المغرب اذن واحنا لسا ف دمياط طبعا مش عارفين مكان مطعم ولا اى حاجه ماشين على رجلينا كل ما نشوف حد نساله عن مطعم او خلافه يشاور لنا وهو بيفطر ولا حد فكر يقول حتى اتفضلواشربوا كوبايه ميه :(:( اللى معايا دول دمايطه متستغربيش فعرفت انهم مشهورين بكده بس
وبالمناسبه الطريق من القاهره اللى دموع التلج بتقول عليه وحش ده الطريق القديم الزراعى اللى هو عن طريق بنها والمنصوره
انا رحت من الطريق ده بالظبط وربنا ما يوقعك فى الطريق ده كرهت حياتى يومها وبهدله ما تتوصف
اما دلوقتى تيجى من القاهره لدمياط عن طريق اسماعيليه الصحراوى وبعدين اسماعيليه بورسعيد وقبل بورسعيد ب 5 كيلومتر شمال وصله الطريق الدولى الساحلى 45 كم لدمياط الطريق رائع ومفيهوش مطبات ....وتنورا دمياط فى اى وقت
فى الرجوع مشيت وراء النقل اللى اخد العفش مشى من طريق دائرى سهل جدا وااقصر من طريق المنصوره الزراعى ده بس معرفش اسم الطريق ده ولا افتكر اخر فين فى القاهره
انا مكنتش أعرف انها محافظه غير من 6 سنين بس :D
وده طبعا جهل منى
نتكلم جد شوية
الى يألك الدمايطة بخله وتشرب شاى ولا مش كييف وتتعشى وتنام خفيف يبأى معاشرهمش
انا كان ليا واحد صاحبى فى الكلية عشت معاه 5 سنين
تخيل بأه منوفى ودمياطى وكان معانا واحد كمان منوفى تانى وكما واحد من أسيوط :D :D :D
يعنى شقة زى الفل
والله كنا اكتر من الاخوات
وكفاية الواجب الى حصل معايا لما رحت دمياط فى فرح أخته
وكمان فرش بيتنا من دمياط وأحلى حلويات كانت بتجيلي من هناك
الله يمسيك بالخير يا باسم
كان بيجى من السفر محمل حلويات للكليه كلها
بس هو ليه السؤال ده؟
تسلم يابو حميد ...على فكره بجد والله انت واحشنى وياريت اشوفك صدفه فى دمياط
onna ..بجد هتخسرى كتير لوماجتيش دمياط ...على الاقل هتعرفى مكان جديد وطبعا المشوار ده عشان الموبليا يبقى لازم معاه طلعه سريعه الى راس البر .....فى دمياط هتشوفى وهتدخلى10000 معرض فى القاهره اقل بكتير ..بس انا هاقولك على شويه معارض وفروعها بالقاهره :
فى القاهره ...معارض متولى العراقى ..شارع مصدق بالدقى.....الحناوى بشارع جوزيف تيتو امام سور المطار بجوار شركه بتروجت ....البدرى بشارع نادى الصيد ...
..فى دمياط...متولى العراقى واولادشنشن ومحمد شنشن والبدرى والحناوى ... ولوعايزه تشوفى احسن انتريهات وصالونات فى مصر عندك اتنين...ابوسنه وهشام القاضى ... وبين كل معرض ومعرض معرضين ....يس اهم حاجه ...نصيحه ...ماتعبروش اى حد من السماسره عشان دول يبيعوا ابوهم . ومتنسيش تاخدوا حلويات من دمياط احسن واحد اسمه البدرى على طريق الكورنيش بجوار جامع البحر او اللى فى شارع الجلاء ..وربنا يتمملك بخير
ايه يا عم اسد تعالى واحنا نعرفهالك ..على فكره دمياط بلد البيجو 504
مودوكس انت دمياطى مش كده....الحمد لله بنزيد هنعمل حزب ونبقى اغلبيه
TaoTao والله انت راجل محترم بس على فكره الطفطف ده اتلغى من كام سنه
دموع ..انا عارف انك مش بتعممى بس زى ما قلتلك كل مكان فيه الكويس والوحش وحظكم وقع مع الناس الزباله ..انا مانكرش ان عندنا ناس اى كلام بيدوا سمعه وحشه للبلد ودى اكتر حاجه بتضايقنى
..تيربو ..انت جبت من الاخر انا برضه لما اتغرب هنا ولا هنا الناس تقولى ييه دمياطى من غير مايتعاملةا معايا بس بيغيروا وجهه نظرهم لما المشبك يطلع ....بالحق اكلت المشبك بتاع البدرى ..
..mokhtar..
انا من دمييييييييييييييييييييييي يييييييييييييييييييييياط
وساكن في دمياط الجديده
بس عيب دمياط الخطير انها غاليييييييييييييييييييييه في كل حاجه
خاصه الشقق والاراضي
يعني دمياط الجديده دلوقتي اسعارها فوق السحاب بشويه
الدمياطه وصلوا
انا من مصر و شغلى فى دمياط من سنتين لو عايزين رايى هما ناس عمليين شويه بخلاء دى حقيقه و من غير زعل. حاجه تانيه لو قولتها اكيد حا انضرب من الاخوه الدمايطه اللى معانا اول ما اوصل هناك الاسبوع الجاى.هيا طبعا جميله و الكورنيش دلوقتى بقى اكتر من رائع باجيب من هناك احلى جبنه بيضاء اكلتها فى حياتى الجبنه الرومى طبعا. يمكن معلش البلد مش محافظين على النظافه فيها معلش السلوك فى النظافه مش صح . طبع اخوتنا الدمايطه فاهمين قصدى.
لكن بجد هيا جميله و انا مرتاح هناك بجد (( مع العلم انى منوفى))