مساعدة بخصوص الانترا(أفانتي) 2011 من أخيكم بقسم الدايو
السلام عليكم يا هيونداوية
بعد التحية
انا شفت و انا في بورسعيد عربية الانترا الشكل الجديد مكتوب عليها أفانتي ..... بصراحة دخلت اسأل عليها
قاللي ده اسمها في كوريا لان العربية صنع في كوريا و التاجر نفسه جابها من هناك
العربية زيرو (فضي) كل حاجة فيها بالكوري حتى الكتالوج و الكلام اللي على المراية و التيكت يتاع القوايم .... كل حاجة باللغة الكورية
المهم العربية .... امكانياتها كالاتي
تكييف أوتو 2 زون
سي دي 6 اسطوانات بتحكم من الطارة
كروز كنترول
بلوتوث
أوتوماتيك 6 سرعات
كاميرا خلفية على شاشة التابلوه مع المارشدير
حساسات خلفية على شاشة العدادات
USB w IPOD
4 زجاج كهرباء
مرايات كهرباء
مرايات ضم
سخانات كراسي
فتحة سقف
ECO drive system
تحكم في اتجاه نور الفانوس
انوار أوتوماتيك
كراسي جلد أسود طبيعي
جنوط 16
ABS-EBD
فوانيس شبورة
الميزة اللي مش موجودة وده انا مستغربله.... عدم و جود مفتاح بصمة( سكينةعادي بس بنفس زراير البصمة) !!
ملحوظة: لقيت راكب فيها نواكل كتير زي حاجب مطر عالقزاز و عالفوانيس و كله محفور عليه أفانتي ..... قاللي هي جايه كده من كوريا
كمان قاللي حاجة التصدير غير الكوري لانه مُصنع للمواطن الكوري بمواصفات معينة لكن التصدير الشركة بتسترخص فيه (مش عارف المعلومة دي صح ولا لأ ؟؟)
الصراحة انا أعجبت بالعربية و قاللي بعد الفصال مطلوب 150 ألف بالافراج الجمركي بتاعها موجود في درج التابلوه
بعد مقارنتها و التأكد أنها نفس المصرية في كل حاجة سواء موتور أو عفشة باختلاف التقفيل طبعا لأني حسيت بده فعلا ّ!!!
انا بس عايزكم تطمنوني .... هل السعر ده كويس ولا لأ (خصوصا انها من غير ضمان لأنها تعتبر خليجي)؟؟
و هل عندكم نصائح يا ملوك الهيونداي ؟؟
و هل دي الأحسن ولا المصرية بتاعة غبور؟؟
انا بس عايزكم تطمنوني ...
لانني دفعت عربون و هاخلص ان شاء الله لما اسمع رأيكم و نصائحكم
والله الموفق
