| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 64

  1. #1

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي تقريري عن اول رحلة عمرة لي-كريم منير - Facebook Twitter whatsapp انشر الموضوع فى :

    hasad">

    السلام عليكم ورحمه الله وبركاته
    الحمد لله حمدا كثيرا حتى يرضى
    والشكر والنعمه والمنة لله عز وجل على نعمه الي لا تحصي
    والصلاة والسلام علي خير مبعوث للبرية سيدنا محمد عليه افضل الصلاة واتم التسليم
    تفضل الله عز وجل علي بالنعمة وكانت من نصيبي زيارة بيته الحرام
    بعد طول اشتياق ومعاناة من تلك الشوق
    كنت قد انتويت العمرة خلال شهر رمضان لعام 2011 وخاصة في العشر الاواخر
    وبعد الترتيب مع شركة سياحة ومعرفة البرنامج قمت بالغاء الحجز
    بناء على نصيحة من اكثر من صديق بينهم اطباء على علم بحاالتي الصحية
    حيث اني مريض مزمن بالضغط المنخفض
    وينخفض في الحر الى معدلات سيئة
    ومع الصيام من الممكن ان ينخفض الى الي 70 على 40 او اقل
    ومع الدرجات المرتفعة لحرارة مكة وخاصة مع الصيام لان استطيع ان اواظب علي العبادة
    وسمعت بنصيحتهم
    وجائني على بريد شركتي عرض رائع لعمرة نصف شعبان مع شركة سياحة كبيرة جدا تتعامل معها شركتي منذ فترة طويله
    وهي شركة اجيبشان نيل تورز
    والعرض كان للفرد في غرفة مزدوجة وفندق 3 نجوم ويبعد عن الجرم النبوي 300 متر(المدينة كروم) ويبعد عن الحرم المكي 600 متر (دار الايمان الخليل) والحمد لله كانت الفنادق رائعة
    العرض كان ب 4600 جنيه للفرد على الطيران السعودي والنزول بمطار جدة والانتقال للمدينة ب اتوبيسات فاخرة
    وقضاء 4 ايام بالمدينة و6 ايام بمكة باجمالي 11 يوم ب 10 ليالي
    الرحلة شاملة زيارات في المدينة ومكة مثل زيارة جبل احد وشهداء احد ومسجد ذو القبلتين ومسجد قباء وغيرها
    وفي مكة زيارة عرفات وجبل الرحمة وغار حراء وغار ثور
    اجمل ما في الرحلة ان المشرفين كانو يعرفو ما هي المزارات الشرعية ويقفون عندها
    مثل صلاة ركعتين في مسجد قباء
    ويجعلون زيارة جبل احد يوم السبت مثلما فعل النبي صلي الله عليه وسلم
    واما المزارات غير الشرعية كمسجد ذو القبلتين فيمرون عليها مرور الكرام ولا يقفون عندها لعدم الاقتداء بالشيعة
    ورافة بمن لا يعلم مناسك العمرة ولم يؤدها من قبل مثلي عملو عمرة جماعية وشرعية تماما وعلى قدر احتمال اضعف فرد في القافلة النساء والعجزة
    وخلال اشواط السعي ينتظرو النساء حتى تاتي ويبدئو الشوط الاخر
    واثناء الطواف لا يرفعو اصواتهم بالدعاء كما تفعل الملل الاخرى
    حقيقي كل الشكر والثناء لاستاذ عبد الهادي
    واستاذ شريف واستاذ محمد فتح الباب
    انا عارف ومتاكد انهم مش هايشوفو كلامي ده ولكن واجب الشكر لهم كما علمنا المصطفى صلي الله عليه وسلم
    --------
    خط ومن اول السطر
    اللي معاه قدرة مالية وقدرة صحية وماطلعش عمرة لغاية دلوقتي
    فاته كتـــــــــــــــــير قوي قوي قوي
    وندمت على كل لحظة كنت اقدر اني اطلع وماطلعتش
    لا استطيع ان اصف لكم لحظة دخولي البقاع الطاهرة
    لحظة دخولي مدينة رسول الله
    والله تشعر ان المدينة بتنور
    اول ماتوصل الاوتيل ترمي شنطك وتنزل تجري عالمسجد
    كانت الساعة 12 بليل
    مش مهم
    تدخل تجري من باب السلام عشان تعدي على قبر حبيبي وحبيبكم المصطفى
    تسلم عليه وتشكره انه هدى الامة وصبر علينا قوي كدة
    وتسلم على صديق المصطفى ابو بكر اللي صدق المصطفى وناصره وكان جنبه في رحلة توصيلة الامانة والرسالة
    اللي حارب المرتدين وثبت قواعد الدين
    وتسلم على الفاروق عمر اللي خاف منه ابليس واللي تمنى الشهادة وجوار الرسول واستجاب له المولى عز وجل
    ريح طيب تاخدك اول ماتدخل من باب السلام تبقي مش عايز تخرج الا من الجموع اللي بتزقك
    تلف وترجع وتدخل تاني
    يمكن تلحقلك ركعتين في الروضة
    الروضه
    يا الله
    ما اجملها من مكان
    فعلا هي روضه من رياض الجنة
    هل في هدوء على الارض كدة
    تنسي نفسك وتنسى اهلك وتنسي اولادك ومالك وكل شيئ
    وتبكي على حالك
    يا الله
    ماتفوقش غير من العسكر اللي بيقوموك عشان غيرك يقعد مكانك
    ولما تخلص ايام المدينة
    تعيط انك ماشي من المكان ده
    من جوار الرسول صلى الله عليه وسلم
    الله عليك يا حبيبي يا مصطفى
    كم اسئل الله ان اموت في المدينة وادفن في البقيع جوارك وجوار الصحابة وال بيت الرسول صلوات الله وسلامه عليه
    البقيع... يا اجمله من مكان واطهره من مكان
    انها الارض التي تضم رفات اصحاب وال بيت المصطفي عليه افضل الصلاة والسلام
    كل يوم بعد صلوات الفروض فيه صلاة جنازة لكل من مات بالمدينة
    هفني الشوق اني احضر جنازة هناك
    مجرد ماخلصت صلاة العصر انا عارف انها بتخرج من الباب اللي ورا الامام
    جريت عشان اشارك فيها
    شيلت وخرجت برة المسجد ورايحين البقيع
    عشان ماشي جوة الجنازة مش شايف معام القابر
    وفوجئت بالدفن الشرعي
    يااااااه
    هو ده الدفن الشرعي بقي
    لحد في الارض وحفرة على جنب
    يتدفن فيها الجثمان ويتحوط عليها بشوية طين
    ويتردم عليها بالتراب
    وخلاص
    خلاص انت وعملك تحت
    انت وما افترفته يداك
    خير هاتلاقي
    شر هاتلاقي
    يا الله
    ابكي يا نفس على مثواكي
    ابكي يا نفس على الوقت اللي ضيعته في عدم طاعة مش هانقول في معصية
    ابكي وقت لا ينفع البكاء
    وخلصت الدفني ورجعت بترابي عالفندق اخد دش واغير هدومي واستعد لصلاة المغرب
    وطبعا جايبلك شوية صور مع انه ممنوع التصوير
    ---------------
    ياخدك الاتوبيس محرم من الفندق الى ابيار علي
    حيث تنوي عمرتك وتصلي ركعتين سنة الوادي الطاهر
    او الفرض وكان كرم الله ان جمعت صلاتي الظهر والعصر في ابيار علي
    وانطلقنا الى مكة
    مع خطب ونفحات رائعة من الشيخ عبد الهادي
    يذكرنا كم نزلت الرسالة على ارض جدباء صخرية قاسية
    لتذكرنا لكم عانى رسولنا الكريم
    كل صورة صورتها لانفاق داخل الجبال او بيوت اعلى الجبال والله ما قصدت بها اني اصور جمال النفق داخل الجبل
    ولكن عشان انقل لنفسي وليكم قد ايه كانت الحياة قاسية وغليظة في مكة
    صخور صلبة هي تلك الجبال وليست جبال رملية او طينية او ترابية
    جبال من صخر صلد قاسي
    وندخل مكة واحط الشنط في الفندق ويؤذن لصلاة المغرب
    يا الله
    هل هذا الاذان الرائع ما اسمعه بالتلفاز هو ما اسمعه باذني الان
    رميت الشنط في بهو الفندق وخدت تاكسي جري عشان ماضيعش وقت لان الاحرام ضيق ومش عارف امشي بيه كويس
    المسافة اقل من 600 متر لكن كان نفسي الحق جماعة المغرب
    لحقتها برة في الساحة الخارجية مع تلاوة رائعة لاحد شيوخ الحرم تخلي جلدك زي جلد الاوزة من القشعرة والخشوع
    خلصت الصلاة ودخلت على صحن الحرم
    دخل من باب الملك فهد وده من اوله ماتشوفش الكعبة
    تشوفها اول ما توصل قرب الممر عكس باب الملك عبد العزيز تشوفها من اول الباب
    اول ما قربت من المرر
    ارتجف قلبي
    واول ما شوفتها
    ...........
    نقط كتييييير قوي
    عشان مافيش وصف يوصف هيبتها وجمالها
    لها هيبة تقشعر لها الابدان
    وهدوء يصمت له الكون من حولك فلا تسمع سوى الصمت
    وجلال فتري لها هالة من نور خفي بسيط خافت يشع من حولها وتقف هي بجمالها الاسود الوقور الشامخ
    لا تري حولها طائفين ولا راكعين ولا ساجدين ولا متعلقين باستار
    لا ترى كل ذلك سوى ثاني يوم
    اما اول يوم ستاخذك الهيبة والاجلال لبيت الله الحرام
    ترفع انظارك للسماء بعد برهة طويلة وتكتشف انها بعد صلاة العشاء اللي صليته في صحن الحرم وانت مش شايف غير الكعبة
    روحت على الفندق وجددت وضوئي ورجعت مع الجماعة لعمل العمرة الجماعية وما اجلها لان المرشد كان يتقي الله في كل حرف ينطقه جزاه الله عنا خير الجزاء
    وبعد الانتهاء والتحلل من الاحرام(بحلاقة الشعر) انطلقت الى الفندق للنوم وده كان بعد الفجر
    (حذاري اسمع صوت حد بيضحك وبيقول حلقت ولا نتفت لاني بقالي شهر بربي في الشعرتيين عشان الاقي حاجة احلقها بعد العمرة واول ماقعدت تحت ايد الهندي مافيش بختين وكحتتين بالموس ويقولي نعيما وادفع ال 10 ريال
    يا عم انت عملت حاجة.. ما علينا :-)
    معرفش الايام التانية انقضت ازاي
    مالكش نفس لنوم بتنام من التعب بس
    اقاويل واحاديث عن الذهاب لاسواق ايه ومعرفش ايه للشراء لانها ارخص
    حكايات عن الذهاب لجدة عشان مولاتها احلى واسواقها اكبر وارخص
    ايييييييه ده
    ايه اللي بتحكو فيه ده
    اللي يباركلك يا شيخ خالد لما قولتلي في اول نصيحة في موضوعك بتاع العمرة احذر انك تروح جدة وتضيع فروض في الحرم
    حقيقي ماركزتش قوي في الجملة رغم اني طبعت نصايحك مع دعوات الاخوة في ورق وخدته معايا عشان مانساش حد
    الا اني ماتخيلش ان فيه عاقل يسيب فرض في الحرم ويروح يشتري هدايا
    ما المحلات مالية الطريق
    ده الوقت من صلاة العشا لغاية ما المحلات تبدء تقفل مايكملش ساعتين
    اروح فين واجي منين
    وتطلع تجري عشان تنام ساعة ولا ساعة ونص عشان تلحق قيام ليل
    وبعد الفجر يا تنام شوية يا تفطر يا تقعد تذكر للفجر وتصلي
    كل يوم في حال وكل يوم ببرنامج مختلف
    افتكر اني كنت باكل مرات كتير وكميات قليلة عشان الاكل مايثقلنيش عن العبادة
    مرة بلحتين ومرة لقمة جبنة ومرة شوية فاكهة ولا عصير
    اضرب اي حاجة وقوت نفسك باي حاجة الوقت قصير
    الحححححححق
    ده السفر بكرة
    طب النهاردة ايه
    الجمعة
    يعني الحق انام ساعتين بعد الفجر عشان اجي الحق مكان لصلاة الجمعة
    دي جمعة في الحرم مش اي جمعة يا عم
    تيجي الساعة 9 تلحق مكان بالعافية وعينك بتسقط نوم
    مش مهم
    الله اكبر الله اكبر
    الامام طلع المنبر امام الكعبة
    والخطبة عن مكانة القمر في القرأن وفضل التقويم القمري
    وضرورة التمسك بسنة المصطفى
    خطبة نص ساعة يتقالك فيها كلام 3 ساعات
    تلاوة رائعة من الشيخ السديس
    ونظرة على المصلين في الصحن والدور السفلي غير البدروم والدور الاول والثاني
    يا الله
    مش اقل من 2 مليون البشر دي من كل الجنسيات
    الجمعة قبل الاخيرة في شعبان
    وتفضل قاعد مش عايز تمشي
    ولما تيجي تمشي بليل
    ورغم اشتياقي لاودي اللي جالهم تعب شديد قوي اول ما مشيت خاصة عبد الرحمن جاله 2 خراج صديدي على الزور واتحجز في المستشفي ولحقت بيه كنزي
    الا انك مش عاز تمشي
    والخطوات ثقيلة
    والنظرة الاخيرة لبيت الله الحرام تجعلك تشعر بتفاهة الدنيا وما ينتظرك فيها
    الحمد لله الذي بنعمته تتم الصالحات
    وتتوق نفسك للحج واداء الفريضة
    خاصة اني زرت ارض عرفة وجبل الرحمه ضمن المزارات وتاقت نفسي لاداء الحج مع رؤية ارض الحجيج ومخيمات الحجيج ومنة ومزدلفة
    اللهم اكتبها لكل من تاقت نفسه اليها يا رب العالمين
    ------------
    مشاهد على العمرة:
    يوسف مدرس الاداب المصري الذي يعمل في احدى مدن السعودية كل يوم اربع بعد الدوام بيتفق هو وزمياله ياجرو عربية يروحو بيها مكة يعملو عمرة ويرجعو على المدينة يزوروا المدينة وقبل فجر يوم السبت يكونو في المدرسة اللي بيشتغلو فيها
    قابلتة في الروضه الشريفة وسمت الصلاح والهدوء بيشع من عينه رغم انه عمره لا يتجاوز ال 25 سنة
    رجل افريقي نائم في الساحة الخارجية للمسجد النبوي ويتوسد حقيبة شفافة بها احرامه ويلتحف السماء ويبدو انه لا يملك سوى ما يرتدي واحرامه فقط
    جاء منبلده لعمل العمره ولا يملك سوى احرامه
    سوزانا التركية التي تجاوز عمرها ال 70 عاما وتقابلها زوجتي يوميا في كل الفروض بالمسجد النبوي ولا تتاخر عن اي فرض وحزنت بشدة لسفرها قبلنا بيوم
    السيدة الباكستانية التي تجاوز عمرها الثمانون او التسعون ولها انحنائة ظهر غريبة كانها قوس وتجدها تطوف حول الكعبة وتعمل عمرة وتجيد كل كل مناسك العمرة
    البائع النصف افغاني ونصف صيني الذي لا حمل هم اي شيئ بالدنيا ورغم ان عمره صغير جدا لا يتجاوز ال عشرون عاما وعندما اسئله ايه الهدوء والبرود ده
    قال وايه في الدينا يستدعي الانفعال وحرقة الدم رزقي على الله ومحدش هايخده غيري
    نظرا حمام الحمى للمصلين اثناء انتظارهم لاقامة الصلاة ونظرات عيونهم بتقول وسعو بقي عشان انزل اخد الحب بتاعي
    مجادلة عنيفة وقوية جدا من هيئة الوعظ والارشاد القائمة عند مدخل البقيع واحد ائمة الشيعة يصر على وجوب قرائة القرأن على القبور وتقريبا كان هايضرب مش بيجادل
    شبشبي ال Crocs اللي لو ابي عرفة تمنه هايقيم عليا حد ال .... سيبتة في صحن الحرم من الضهر للعصر رجعت لقيت الفردة اليمين 42 زي ماهي لانها كانت في الضل والفردة الشمال بقت 38 عشان كانت في الشمس :)))) محدش يوضحك
    الكاب الابيض كل ما املاه ميه زمزم ساقعة وقبل مالف لفة واحدة في الطواف يكون بقي محمص على دماغي
    ابو مصطفي الراجل المصري الطيب اللي قابلتة بيعمل حيصة ودي من اجود طعام النبي صلى الله عليه وسلم وبقاله 23 سنة قاعد في المدينة نفسه يموت هناك ومانزلش مصر من ساعتها
    وغيرها من مشاهد كتير عايزة واحد متامل وفاضي
    بس انسى انك تكون فاضي هناك تماما

    مع شوية صور على قدي كدة :


    اولا صور المدينة والمسجد النبوي :


    انا اول ما نزلت من الطيارة هناك



    اول صورة لي في المسجد النبوي بعد صلاة الفجر
    اصلي لما وصلت ماقدرتش اروح استريح رغم اني كنت صاحي من 8 عشان الطيارة 12 الضهر وصلنا 2 خرجنا من المطار 5 وصلنا المدينة 12 عشان كانو بيتلكعو
    ولغاية فجر تاني يوم مانمتش وفي طاقة عجيبة في اوصالي


    طرقات المسجد النبوي في انتظار افطار الصائمين لاحد ايام الخميس في شعبان





    أنا تاني

    وتقريبا مابغيرش هدومي هاتكتشفو هناك قيمة الوقت :-)



    التوقيت الزوالي والتوقيت الغروبي
    الزوالي ده اللي نعرفه والغروبي ده معرفوش


    في الحرم النبوي في عز الحر



    قبر الرسول صلى الله عليه وسلم من داخل الروضه الشريفة


    المكان الذي يصلي منه الامام داخل المسجد النبوي


    قبر الرسول من جهة اخري

    ساحة المسجد النبوي

    القبة الخضراء

    مأذنة مسجد الرسول

    اثناء تنظيف الشماسات العملاقة ومنظرها وهي بتتفتح رائع




    بعد صلاة الفجر



    أتراك وايرانين وغيرهم من الدول يلتفون حول مرشدهم لانهم لا يتكلمون العربية
    وهو يدعو بصوت عالي وهم يرددون امين




    الصورة دي من داخل الروضه
    وجدير بالذكر ان الروضه فقط هي التي يكسو ارضها السجاد الاخضر
    وباقي المسجد احمر


    جبل الرماة في احد والشيعة يدنسونه ويصعدون اليه
    وهم لا يألون فرصة لتدنيس اثار ال البيت الا وفعلوة


    جبل أحد


    الشيعة يحملة راياتهم فوق جبل الرماة

    مسجد قباء


    مسجد قباء من الداخل



    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  2. #2

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    صور مدافن البقيع والصور لدفن شرعي لاحد اموات المسلمين

    مقبرة مفتوحة استعدادا لاستقبال جثمان جديد



    يقال انها مقبرة سيدنا عثمان رضي الله عنه


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  3. #3

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -




    مقبرة سيارات على الطريق بين المدينة ومكة


    لقيت عربيات كتير رائة مادة على مقدمة السيارة لمنع الرمال من صنفرة طلاء السيارة


    مزارع تربية اغنام وابل على الطريق
    وكان فيه قرود على الجنب التاني مالحقتش اصورها


    بيون مكة فوق الجبال عادي جدا


    مسجد التنعيم لمن ينوي عمل اكثر من عمرة


    ساعة مكة من خارج المدينة











    مسجد منه والذي يتح لصلاتي الظهر والعصر مرة واحدة كل عام
    اوعدنا يا رب



    جبل الرحمه والشيعة اعلاه
    وقد جعلو المكان اشبه بمكان ترفيهي جمال وخيول وبيش باجي
    مش عارف السلطات السعودية ساكتة ليه على تدنيس مكان مقدس كدة


    بيطلعو فوق جبل الرحمه يكتبو اساميهم
    حاجة تقرف




    قطار المشاعر
    جدير بالذكر ان صاحب فكرته دكتور عصام شرف
    ربنا يجازيه كل خير على فكرته

    مسقى الحجاج وده سور عيون بنته السيدة زيدة زوجه خامس الخلفاء عمر ابن عبد العزيز على نفقتها الخاصة لسقيا حجيج بيت الله
    ومن باه هم الاتراك


    محطات قطار المشاعر لم يتم الانتهاء منها بعد


    مخيمات الحجيج
    كلها مصنوعة من مواد غير قابلة للاشتعال



    جسر رمي الجمرات الجديد



    صورة مقربة جدا لغار حراء مهبط الوحي على الرسول صلى الله عليه وسلم وف يالصور التالية نري حجم الجبل

    لو امعنتم النظر ستجدون اناس



    وده منظر الجبل كله تخيلو الرسول كان بيطلع الجبل ده في الظلام للتعبد
    ولما يتنزل عليه جبريل في الظلام ما كان رد فعله
    سبحان الله



    عادي جدا تلاقي يافطة على جبل مكتوب عليها للبيع
    بيبيعو الجبال هناك :-)


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  4. #4

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -


    حمام الحمي






    الفنادق تبنى على الجبال
    غار ثور الذي اختبأ به الرسول مع صاحبه ابو بكر وقد قامت السلطات السعودة باغلاقة لمنع الشيعة من تدنيسه


    منظر للجبل واعلاه الغار من اسفل

    اناس يحاولون دخول الغار التقطهم بصعوبة







    مسجد منى والذي يفتح لصلاتي الظهر والعصر مرة واحدة كل عام
    اوعدنا يا رب



    جبل الرحمه والشيعة اعلاه
    وقد جعلو المكان اشبه بمكان ترفيهي جمال وخيول وبيش باجي
    مش عارف السلطات السعودية ساكتة ليه على تدنيس مكان مقدس كدة


    بيطلعو فوق جبل الرحمه يكتبو اساميهم
    حاجة تقرف




    قطار المشاعر
    جدير بالذكر ان صاحب فكرته دكتور عصام شرف
    ربنا يجازيه كل خير على فكرته

    مسقى الحجاج وده سور عيون بنته السيدة زبيدة زوجه خامس الخلفاء عمر ابن عبد العزيز على نفقتها الخاصة لسقيا حجيج بيت الله
    ومن بناه هم الاتراك


    محطات قطار المشاعر لم يتم الانتهاء منها بعد


    مخيمات الحجيج
    كلها مصنوعة من مواد غير قابلة للاشتعال



    جسر رمي الجمرات الجديد


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  5. #5

    الصورة الرمزية heshamzaky

    رقم العضوية : 66698

    تاريخ التسجيل : 31Mar2010

    المشاركات : 16,132

    النوع : ذكر

    الاقامة : مدينة نصر

    السيارة: fiat tipo

    السيارة[2]: fiat tempra

    دراجة بخارية: no

    الحالة : heshamzaky غير متواجد حالياً

    افتراضي -

    عمرة مقبولة بأذن الله و حمد الله على السلامة
    بجد الصور رائعة عقابلنا يا رب بأذن الله.
    مش لابس جلابية لية يا باشا . أنا لو فى السعودية بجد مش حا أقلع الجلابية و لا الطاقية من على رأسى أبدا


  6. #6

    الصورة الرمزية sayed911

    رقم العضوية : 69176

    تاريخ التسجيل : 29Apr2010

    المشاركات : 2,145

    النوع : ذكر

    الاقامة : cairo

    السيارة: .Lancer EX 2008 F\O A\T

    السيارة[2]: Proton Saga 2010 A\T

    الحالة : sayed911 غير متواجد حالياً

    افتراضي -

    استاذ كريم لو طلبت من حضرتك وقولتلك اوصفلي احساسك لما شوفت اول جزء من الحرم المكي !! اللي هوا المأذنة حتة !! احساس شكله عامل ازاي !!!!!!!!!!!!!!!!!!!!!!!

    [rmade]http://i94.photobucket.com/albums/l108/sayed911/alex-1.jpg[/rmade]
    To Follow me on Twitter "Sayed_K_H


  7. #7

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -








    ساعة مكة والتي سيتم ضبط التوقيت العالمي الاسلامي عليها




    انفاق داخل جبال صخرية


    انا في درجة حرارة اكتر من 45 :-)



    التوسعة النهائية للحرم المكي



    اخير الطائرة تستعد للهبوط بمطار القاهرة


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  8. #8

    الصورة الرمزية SaberMan

    رقم العضوية : 22174

    تاريخ التسجيل : 14Oct2008

    المشاركات : 1,689

    النوع : ذكر

    الاقامة : cairo

    السيارة: Renault megane II

    السيارة[2]: Honda civic 2009

    دراجة بخارية: CB4 SF400

    الحالة : SaberMan غير متواجد حالياً

    افتراضي -

    عمره مقبوله أن شاء الله يا بشمهندس الحمد لله دى نعمه كبيره من الله أنو أختارك من عباده لزيارته
    متنسانيش فى دعوة أن ربنا يرزقنى عمره و أنتا لسه راجع(يعنى لسه فى الضمان (: ) أن شاء الل تكون دعوه مقبول
    ربنا يكتبهاك ديما يا بشمهندس

    اللهم أرنا الحق حقا و أرزقنا اتباعه و ارنا الباطل باطلا و أرزقنا أجتنابه و لا تجعله ملتبسا علينا فنضل


  9. #9

    الصورة الرمزية heshamzaky

    رقم العضوية : 66698

    تاريخ التسجيل : 31Mar2010

    المشاركات : 16,132

    النوع : ذكر

    الاقامة : مدينة نصر

    السيارة: fiat tipo

    السيارة[2]: fiat tempra

    دراجة بخارية: no

    الحالة : heshamzaky غير متواجد حالياً

    افتراضي -

    أحلى صورتين بجد تحفة .
    ربنا يتقبل منك يا رب


  10. #10

    الصورة الرمزية sayed911

    رقم العضوية : 69176

    تاريخ التسجيل : 29Apr2010

    المشاركات : 2,145

    النوع : ذكر

    الاقامة : cairo

    السيارة: .Lancer EX 2008 F\O A\T

    السيارة[2]: Proton Saga 2010 A\T

    الحالة : sayed911 غير متواجد حالياً

    افتراضي -

    hasad">

    ومع اني وانا بحج يا استاذ كريم قرأت في احد الكتب السعودية انه للأسف وبشكل غريب يحرم التقاط الصور للشخص يعني ينفع اصور كل حاجة الا اني اتصور وانا بقضي مراسم الحج !! الحقيقة رقم الفتوى مش معايا !!! ولكن انا فاكرها بالضبط تمام زي ما انا فاكر اسمي !! وملقتش حد عنده علم بيها ولكن انا متأكد انها خارجة من مكتب الدعوة والإرشاد بالسعودية !! وكانت لسبب مش فاكر انه لألا يتخذ العبد بالعبادة مباهاة !! وانا لما تناقشت مع الشيخ انه ممكن تكون الصور عشان اوريها لأخد مش مسلم او عشان احنن قلب احد لهذه الفريضة كانت الإجابة سلبية وقال لا نقاش هذه الأشياء فهي من المسلمات !! يعني وانا بحج !! يجوز اني اصور جبل عرفات !! ولكن لا يجوز اني اتصور انا وخلفي جبل عرفات !!

    [rmade]http://i94.photobucket.com/albums/l108/sayed911/alex-1.jpg[/rmade]
    To Follow me on Twitter "Sayed_K_H



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. كريم باشا منير
    بواسطة ayman_elkholy في المنتدى المنتــــــدى الاجتمــاعى
    مشاركات: 9
    آخر مشاركة: 27-08-2007, 04:07 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2