مين غير ضفيرة الكهرباء وامتى وليه

أولا :كل سنة وانتم طيبين جميعا بمناسبة شهر رمضان أعاده الله علينا بالخير واليمن والبركات وحفظ بلدنا مصر من شر الفتن

ثانيا: ولأني من النوع الموسوس وخايف لا قدر الله يظهر عندي عيب الضفيرة بعد إنتهاء الضمان خاصة إني مش بمشي بالعربية كتير ففكرت أعمل الموضوع دا بحيث نعرف أولا نسبة حدوث المشكلة خاصة ان عددنا في المنتدى كبير وممكن يمثل عينة معقولة وثانيا نعرف أهم الأعراض اللي بتظهر معاها مشكلة الضفيرة ، فلذا رجاء من جميع الأخوة يشاركوا في الموضوع ويقوموا بملئ الإستطلاع الأول وبعدين يدخلوا بيانات عربياتهم وأبدأ بنفسي كما يلي:

موديل العربية: ex اتوماتيك مع abs
ســــنة الصنع: 2010
عدد الكيلومترات:11500 كم

النقطة المهمة بقة

نعم غيرت الضفيرة أو
لا لم أغير الضفيرة

وبالنسبة للي غير الضفيرة ياريت يكتب بالتفصيل

1- ما العيب الذي ظهر حتى يتم تغيير الضفيرة
2- متى ظهر هذا العيب (بعد كم كيلومتر)


-------------------------



تنبيه للعضو , الكتابة باللون الاحمر مخالف لقواعد وقوانين المنتدى فهو مخصص للمدخلات الادارية من الادارة فقط

يرجى مراجعة قواعد وقوانين المنتدى

مشرف القسم

15 ب

معلش يا جماعة الإستطلاع مظهرش فياريت الأخ المشرف يساعدني في إضافة الإستطلاع علشان الغرض من الموضوع يظهر ونقدر نعرف النسبة ويكون سؤال الإستطلاع هل غيرت ضفيرة الكهرباء ويكون الاختيارات
1- نعم غيرت ضفيرة الكهرباء
2- لا لم أغير ضفيرة الكهرباء

وجزاكم الله خير جميعا

ضفيرة ايه ياباشا اللى تتغير فى عربيه زيرو
الضفيره دية بتتغير بعد سنين طويله ولما تحتاج تشد العربيه عمره كامله من كل حاجه وتكون العربيه فيها مشاكل اساسا
انسى موضوع الضفيره ده نهائى وربنا يباركلك فى عربيتك

انا صح ياجماعه ولا ايه اصل الراجل ده لغبطنى يمكن يكون بيتكلم على حاجه تانيه انا مش فاهمها

اقتباس:

---

المشاركة الأصلية كتبت بواسطة moustafa_saad

ضفيرة ايه ياباشا اللى تتغير فى عربيه زيرو
الضفيره دية بتتغير بعد سنين طويله ولما تحتاج تشد العربيه عمره كامله من كل حاجه وتكون العربيه فيها مشاكل اساسا
انسى موضوع الضفيره ده نهائى وربنا يباركلك فى عربيتك

انا صح ياجماعه ولا ايه اصل الراجل ده لغبطنى يمكن يكون بيتكلم على حاجه تانيه انا مش فاهمها

---

كان فيه صني نازله فيها عيب صناعه ف الضفيره
تقريبا كانت تخلي العربيه مابتتظبطش

لا ياجماعة الراجل عنده حق لان ضفيرة الكهرباء كان بيشتكى منها بعض الاعضاء فى المنتدى وتم تغيرهم وانا واحد منهم لان العربية كانت غير مظبوطة واشتكيت منها فى التوكيل وتم تغييرها باخرى الحمد لله اما موديل السيارة 2008 وعداد الكيلومتر تقريبا 50 الف والشكوى كانت حدوث رجة فى الماتور اثناء القيادة مع اهتزاز شديد فى عصا الفتيس وكانت الغيارات بتم بصعوبة وعداد ار بى ام كانت بيقف على قراءة 1.5 الى 2 وكان المؤشر بتاعه به اهتزاز ولكن الحمد لله بعد تغيير الضفيرة اصبحت السيارة جيدة خصوصا وان الضفيرة التى يتم تركيبها يابانى يعنى الضفيرة الاصلية بتاعة العربية اما ظروف الاحساس بها فكان تقريبا بعد 20 الف وابلغت بشكوتى فى صيانة ال30 ولم يتم تغييرها وعندما ذهبت للصيانة التالية كان الضمان خلص وجددت الشكوى منها وابلغنى مهندس الصيانة انه تم تغييرها فى صيانة 30 الف ولكنى ابلغته انه لم يتم تغييرها وبالرجوع الى ملفى بالصيانة تم التاكد ان التغيير لم يتم ولذلك قاموا بتغييرها على حساب الضمان والسؤال هو اذا حدث اى شى للضفيرة بعد انتهاء الضمان هل ادفع 5000 الالاف جنيه على خطا ليس ذنبى ام ان الضمان يغطى الضفيرة لفترة اطول ام من المفترض ان الضفيرة تمثل عصب السيارة وبالتالى يجب تركيبها اصلية حتى لا يعانى بعضنا من هذه المشاكل وارجو لحسم هذا الامر من مشرف القسم ان امكنه ان يعلن لنا احصائية عن معدل تغيير الضفيرة من التوكيلات ان امكنه ذلك للحكم اذا كانت تلك الظاهرة حالات فردية ام انها مشكلة عامة ولكم جزيل الشكر

عجيب امركم ايها المصريون
هو حضرتك ليه بتحضر العفريت ؟؟
بتفكرني بواحد هنا في المنتدي قعد يعمل كده لحد ما تعب ودخل المستشفي - انا مش بهرج علي فكره - و الظريف ان مطلعش في حاجه في العربيه وكان متوهم مش اكتر
انت بتشتكي من حاجه في كهربه العربيه؟
الاجابه لا .......يبقي بتسال ليه عن حاجه مش موجوده
ممكن تسال عن حاجه مش موجوده زي ايه اعراض تلف العفشه سنه 2015 مش اعراض تلف حاجه المفروض انها مبتبوظش
و ربنا يسترها معاك ومعانا

و بعد الرغي الكتير آن الاوان اني اجاوبك علي سؤالك
طالما مفيش شكوي من ساعه ما اشتريت العربيه يبقي ان شاء الله هتفضل كده علطول
عيوب الصناعه في الحاجات الكهربيه والالكترونيه بتبان في الاول عكس العيوب الميكانيكيه بتبان متاخر شويه
اي حد غير ضفيره فلان اكيد ظهرت مشكله في العربيه وليست مشكله نفسيه

انا فليت كل مواضيع الصنى
و هى بسم الله ما شاء الله عربية ممتازة
و فعلا كان حالت فردية فيها عيب الضفيرة و لكن اهم شى و هو استهلاك البنزين
كان عالى جدا
على الطوالى اقل من 140 كم / صفيحة
و فعلا العضو دة غير الضفيرة للعربية و بعدها الدنيا ظبطت

الصنى بتنزل بضفيرة مصرى - بعض العملاء اشتكوا من عيوب متنوعه مثل :

1- استهلاك البنزين عالى جدا
2- حدوث هزه ورجه فى الموتور
3- احتياج البوجيهات الى التغيير اسرع من الطبيعى ( فى صيانه الالف - زى ما حصل معايا انا شخصيا )
4- تاخير فى تدوير العربيه ( حصل عندى ولم يتم حل المشكله حتى الان - 30 الف كم - رغم تغيير الضفيره والبطاريه )

فى الصيانات المختلفه حتلاقى مراكز الصيانه تقول ان ده عيب ضفيره ويم تغييرها بضفيره يابانى اصلى بدون مقابل فى الضمان

يتحسن اداء العربيه عموما وكذلك استهلاك البنزين للاوتوماتيك بصوره ملحوظه ( حتى صوت الكلاكس يتحسن )

اقتباس:

---

المشاركة الأصلية كتبت بواسطة moustafa_saad

ضفيرة ايه ياباشا اللى تتغير فى عربيه زيرو
الضفيره دية بتتغير بعد سنين طويله ولما تحتاج تشد العربيه عمره كامله من كل حاجه وتكون العربيه فيها مشاكل اساسا
انسى موضوع الضفيره ده نهائى وربنا يباركلك فى عربيتك

انا صح ياجماعه ولا ايه اصل الراجل ده لغبطنى يمكن يكون بيتكلم على حاجه تانيه انا مش فاهمها

---

كلامك مش صح بالنسبه للصنى المجمعه محليا لانها تنزل بضفيره مصرى بها بعض العيوب

ولكن عموما فى اى عربيه عاديه - عيب الضفيره مش وارد الا بعد عمر طويل

هي عموما طالما ماظهرش عيبها معاك ف اول سنه يبقى ماتخافش
و اعتقد المشكله دي اتحلت في الموديلات الجديده
غير كدا انسى خالص ضفيره الكهربا 15 سنه ع الاقل

مشكله الصني انها تجميع مصري ف الاخطاء دي وارده جدا

اقتباس:

---

المشاركة الأصلية كتبت بواسطة noon_eg

كلامك مش صح بالنسبه للصنى المجمعه محليا لانها تنزل بضفيره مصرى بها بعض العيوب

ولكن عموما فى اى عربيه عاديه - عيب الضفيره مش وارد الا بعد عمر طويل

---

+11111111
انا عمي زهق من العيب ده في ال 320 بتاعته يظهر انها علشان تقفيل مصري برده
حسبي الله ونعم الوكيل

2011
لم أغير الضفيرة
عاملة حوالي 9000 كم

اقتباس:

---

المشاركة الأصلية كتبت بواسطة saadelden

كان فيه صني نازله فيها عيب صناعه ف الضفيره
تقريبا كانت تخلي العربيه مابتتظبطش

---

اقتباس:

---

المشاركة الأصلية كتبت بواسطة noon_eg

كلامك مش صح بالنسبه للصنى المجمعه محليا لانها تنزل بضفيره مصرى بها بعض العيوب

ولكن عموما فى اى عربيه عاديه - عيب الضفيره مش وارد الا بعد عمر طويل

---

انا اول مره اعرف موضوع ضفيرة الصنى ده
ده عيب صناعه خطير جدا

اقتباس:

---

المشاركة الأصلية كتبت بواسطة moustafa_saad

انا اول مره اعرف موضوع ضفيرة الصنى ده
ده عيب صناعه خطير جدا

---

ولا خطير ولا احزنون يا اخ مصطفى
عادى جدااااااااااا وبتتغير فى الضمان بكل سهولة لأنها لو فيها حاجة بتظهر فى اول فترة الضمان اللى بتوصل ل3 سنين او 100 الف كم
واغلب المشاكل كانت فى موديلات 2010 وكل توكيلات نيسان عارفة الموضوع ده وبس حد يشتكى ويجربه يزبطوهاله ولو رجعت بتتغير فوراااااااااااا :E_braces[1]:

نعم غيرت ضفيرة الكهرباء
عربيتى صنى مو2010 مانيوال ex saloon
تم التغيير مع صيانة ال40.000 كم بعد سنة من الشراء
اول ظهور للاعراض كان بعد 10.000 كم بعد 3 شهور من الشراء وبعدين اختفت وكانت على فترات طويلة يعنى ممكن توصل لشهر تقريبا وتقعد فترة بسيطة وترجع لطبيعتها وبعدين بعد 30.000 كم وتحديدا عند 36.000 كم تم الضبط بالكومبيوتر فى حملة الفحص المجانى واعطائها مهلة لصيانة ال40 ولما زادت المشكلة اوى وبقت كل يوم وفترات طويلة واصبحت مستمرة رغم ابطال واعادة تدوير العربية قرر السبع انه يغيرها بواحدة يابانى او تايوانى المهم مش مصرى
الاعراض كانت معايا عبارة عن عدم انتظام فى الrpm فى السلانسيه وعند الفصل بالدبرياج تفضل معلقة عند 1500 او 2000 وتنزل لوحدها او تنزل بعد اعادة التدوير
ومع واحد صاحبى اخت عربيتى كانت بتحصل معاه انها تطفى فى السلانسيه منه فى المطبات وخلافه وهو ماشى وتم تغييرها برضه فى صيانة ال40.000كم
اتمنى ان اكون افتدك بتجربة شخصية
واخيرا دلوقت العربية مفيش فيها اى مشاكل ابدا من موضوع الكهرباء ده وعلى فكرة وقت المشكلة استهلاك البنزين لم يتأثر معايا لأن اغلب سواقتى كانت طرق سريعة مش جوة البلد وبالتالى كانت بتضايقنى بس صوت الموتور العالى وانا بانقل السرعات

اقتباس:

---

المشاركة الأصلية كتبت بواسطة y2y1500

ولا خطير ولا احزنون يا اخ مصطفى
عادى جدااااااااااا وبتتغير فى الضمان بكل سهولة لأنها لو فيها حاجة بتظهر فى اول فترة الضمان اللى بتوصل ل3 سنين او 100 الف كم
واغلب المشاكل كانت فى موديلات 2010 وكل توكيلات نيسان عارفة الموضوع ده وبس حد يشتكى ويجربه يزبطوهاله ولو رجعت بتتغير فوراااااااااااا :e_braces[1]:

---

ياباشا الضفيره دية اساس العربيه
ولو حد بره الضمان وقابلته المشكله دية حيعد الوفات علشان يعمل ضفيره جديده وعمره ماحيلاقى كهربائى يقدر يقسم ضفيرة عربيه جديده يعنى حيروح التوكيل وحيندبح

اقتباس:

---

المشاركة الأصلية كتبت بواسطة moustafa_saad

ياباشا الضفيره دية اساس العربيه
ولو حد بره الضمان وقابلته المشكله دية حيعد الوفات علشان يعمل ضفيره جديده وعمره ماحيلاقى كهربائى يقدر يقسم ضفيرة عربيه جديده يعنى حيروح التوكيل وحيندبح

---

ياباشا اطمن ع الاخر
فيه ناس هنا معاها صنى من اكتر من 10 سنين ومن اول 2006 اول تجميع الصنى فى مصر كتييييييييييييير اوى والمشكلة دى بتظهر فى اول سنة بالكتير بغض النظر عن الكيلومترات
يعنى انا مش شايفها مشكلة بالمرة
وكهربائى ايه اللى هايقعد يقسم ويفصل ضفيرة على مقاس العربية
طبعا هاتتجاب جاهزة زيرو او استيراد
بس لو حصل بقى :E_braces[1]:

طالما العربية ما ظهرشى فيها مشاكل طوال فترة الضمان يبقى مش حيظهر ان شاء الله مشاكل فى ضفيرة الكهرباء بعد انتهاء الضمان ولحد الآن لم نرى مشكلة فى ضفيرة الكهرباء بعد انتهاء الضمان مطلقا

اقتباس:

---

المشاركة الأصلية كتبت بواسطة y2y1500

ياباشا اطمن ع الاخر
فيه ناس هنا معاها صنى من اكتر من 10 سنين ومن اول 2006 اول تجميع الصنى فى مصر كتييييييييييييير اوى والمشكلة دى بتظهر فى اول سنة بالكتير بغض النظر عن الكيلومترات
يعنى انا مش شايفها مشكلة بالمرة
وكهربائى ايه اللى هايقعد يقسم ويفصل ضفيرة على مقاس العربية
طبعا هاتتجاب جاهزة زيرو او استيراد
بس لو حصل بقى :E_braces[1]:

---

ياباشا انا مش قلقان والله :grinder:
شكلك انت اللى قلقان عموما ان شاء الله ماحدش يشوف يوم فى ضفيرته ابدا ابدا :E_braces[1]:
وعلى فكره انا اعرف ان فيه صنايعيه بيقسموا الضفيره بتاعت العربيه بس الكلام ده فى الموديلات القديمه

وبعدين انت مش حاتقولى على النيسان انا عاشرتها اكتر من اى عضو هنا تانى فى المنتدى فوق ال 500 الف كيلو فى 5 سنين وشويه بس كانت يابانى وماتور ديزل

غيرت الضفيره مرتين في عربيتين زيرو مكانوش عدو 5000 كيلو:
1-صني 2010 auto بسبب استهلاك مرعب للبنزين 150 كيلو/صفيحه (تم التغيير بضفيره ياباني و محصلش تغيير كبير وكرهت العربيه و بعتها)...
2-صني 2011 مانيوال بسبب علو ال rpm علطول (تم التغيير بضفيره مصري جديده بحجه ان الياباني غير موجوده)...العربيه حتى الان ممتازه
.
و كان تعليقى للمهندس محمد غالى في السبع ان دي نسبه مش قليله قاللي احنا بنعمل ريبورتات بكل دا للشركه
.
انا رايي ان شركه IDACO المصريه البتعمل الضفاير البايظه دي لازم نيسان تغيرها باى مورد تاني..والكلام دا انا قلته في السبع

اقتباس:

---

المشاركة الأصلية كتبت بواسطة kamello2003

غيرت الضفيره مرتين في عربيتين زيرو مكانوش عدو 5000 كيلو:
1-صني 2010 auto بسبب استهلاك مرعب للبنزين 150 كيلو/صفيحه (تم التغيير بضفيره ياباني و محصلش تغيير كبير وكرهت العربيه و بعتها)...
2-صني 2011 مانيوال بسبب علو ال rpm علطول (تم التغيير بضفيره مصري جديده بحجه ان الياباني غير موجوده)...العربيه حتى الان ممتازه
.
و كان تعليقى للمهندس محمد غالى في السبع ان دي نسبه مش قليله قاللي احنا بنعمل ريبورتات بكل دا للشركه
.
انا رايي ان شركه IDACO المصريه البتعمل الضفاير البايظه دي لازم نيسان تغيرها باى مورد تاني..والكلام دا انا قلته في السبع

---

و ايه هي اعراض علوه على طول يعني انا قصدي لما بدوس دبرياج ال rpm مابينزلش لوضعه لما اقف خالص و ادوس فرامل طول مانا بتحرك بيبقى على 1000 1200 لو وقفت بينزل لحد 630 الشرطه رقم 2 من تحت

هل كده فيه مشكله ؟؟؟

اقتباس:

---

المشاركة الأصلية كتبت بواسطة fbiahmed

و ايه هي اعراض علوه على طول يعني انا قصدي لما بدوس دبرياج ال rpm مابينزلش لوضعه لما اقف خالص و ادوس فرامل طول مانا بتحرك بيبقى على 1000 1200 لو وقفت بينزل لحد 630 الشرطه رقم 2 من تحت

هل كده فيه مشكله ؟؟؟

---

الrpm في حاله التوقف التام (السرعه صفر) كان برده بيفضل علي 1.5~1.9 وكمان في حاله فصل الحركه كان مبينزلش لحد مجنني

اقتباس:

---

المشاركة الأصلية كتبت بواسطة kamello2003

الrpm في حاله التوقف التام (السرعه صفر) كان برده بيفضل علي 1.5~1.9 وكمان في حاله فصل الحركه كان مبينزلش لحد مجنني

---

يعني انا كده في السليم :E_braces[1]:

اقتباس:

---

المشاركة الأصلية كتبت بواسطة fbiahmed

يعني انا كده في السليم :e_braces[1]:

---

الحمد لله و ربنا يباركلك فيها

اقتباس:

---

المشاركة الأصلية كتبت بواسطة HOSSAM_GABRE

طالما العربية ما ظهرشى فيها مشاكل طوال فترة الضمان يبقى مش حيظهر ان شاء الله مشاكل فى ضفيرة الكهرباء بعد انتهاء الضمان ولحد الآن لم نرى مشكلة فى ضفيرة الكهرباء بعد انتهاء الضمان مطلقا

---

:plusone2::plusone2::plusone2::plusone2::plusone2:

اقتباس:

---

المشاركة الأصلية كتبت بواسطة moustafa_saad

ياباشا انا مش قلقان والله :grinder:
شكلك انت اللى قلقان عموما ان شاء الله ماحدش يشوف يوم فى ضفيرته ابدا ابدا :E_braces[1]:
وعلى فكره انا اعرف ان فيه صنايعيه بيقسموا الضفيره بتاعت العربيه بس الكلام ده فى الموديلات القديمه

وبعدين انت مش حاتقولى على النيسان انا عاشرتها اكتر من اى عضو هنا تانى فى المنتدى فوق ال 500 الف كيلو فى 5 سنين وشويه بس كانت يابانى وماتور ديزل

---

هههههههههه
لا والله لا قلقان ولا اعرف ريحته حتى
وشكلك كده كانت عشرتك مع اليوريفان ميكروباص :E_braces[1]:

اقتباس:

---

المشاركة الأصلية كتبت بواسطة kamello2003

و كان تعليقى للمهندس محمد غالى في السبع ان دي نسبه مش قليله قاللي احنا بنعمل ريبورتات بكل دا للشركه
.
انا رايي ان شركه IDACO المصريه البتعمل الضفاير البايظه دي لازم نيسان تغيرها باى مورد تاني..والكلام دا انا قلته في السبع

---

كلام المهندس محمد غالى صحيح والدليل انهم مش بيماطلوا فى تغييرها وعالطول عندهم 2-3 فى السبع كل يوم استوك طوارىء وحتى لو مش موجودة بيحددولك ميعاد لتركيبها بس غريبة موضوع المصرى اللى ركبت عندك فى العربية التانية !!!
دى معاناها جاية من المصنع واحتمال تحصل اللى قبلها مش يابانى ولا تايوانى يعنى
وعلى ما اعتقد انهم فعلا مش بيدفعوا حاجة يعنى ممكن اوى بياخدوا بدالها سليم من الشركة الموردة :E_braces[1]: عشان يعملوا ضفاير عدلة بعد كده

اقتباس:

---

المشاركة الأصلية كتبت بواسطة kamello2003

الrpm في حاله التوقف التام (السرعه صفر) كان برده بيفضل علي 1.5~1.9 وكمان في حاله فصل الحركه كان مبينزلش لحد مجنني

---

:plusone2::plusone2::plusone2::plusone2::plusone2:

وهو ده بالزبط اللى حصل معايا قبل ما اغيرها فى مانيوال مو2010 :E_braces[1]:

اقتباس:

---

المشاركة الأصلية كتبت بواسطة fbiahmed

و ايه هي اعراض علوه على طول يعني انا قصدي لما بدوس دبرياج ال rpm مابينزلش لوضعه لما اقف خالص و ادوس فرامل طول مانا بتحرك بيبقى على 1000 1200 لو وقفت بينزل لحد 630 الشرطه رقم 2 من تحت

هل كده فيه مشكله ؟؟؟

---

يا استاذ احمد وحياة اولادك بطل وسوسة
والله لو بايظة هتلاقيها واضحة زى نور الشمس وتتغير
غير كده انت فى التمام

سؤال بسيط عرفت تقيس 630rpm دى ازاى ؟!!! :E_braces[1]:

اقتباس:

---

المشاركة الأصلية كتبت بواسطة y2y1500

يا استاذ احمد وحياة اولادك بطل وسوسة
والله لو بايظة هتلاقيها واضحة زى نور الشمس وتتغير
غير كده انت فى التمام

سؤال بسيط عرفت تقيس 630rpm دى ازاى ؟!!! :e_braces[1]:

---

بيبقى بعد شرطه ال 5 بشرطه كبيره يعني 6 و 3 ملي صغيرين ميتلاحظوش الا بعين الناس الموسوسين .. و زي ما حضرتك عارف طبعا انا واخد نيشان من نيسان في الوسوسه

بص من الاخر اقتحمت ورشة السبع و شوفتها قاست كام على الجهاز و مدتش و لا dtc ما شاء الله و الحمد لله

اقتباس:

---

المشاركة الأصلية كتبت بواسطة fbiahmed

بيبقى بعد شرطه ال 5 بشرطه كبيره يعني 6 و 3 ملي صغيرين ميتلاحظوش الا بعين الناس الموسوسين .. و زي ما حضرتك عارف طبعا انا واخد نيشان من نيسان في الوسوسه

بص من الاخر اقتحمت ورشة السبع و شوفتها قاست كام على الجهاز و مدتش و لا dtc ما شاء الله و الحمد لله

---

:grinder::grinder::grinder::grinder::grinder:

اقتباس:

---

المشاركة الأصلية كتبت بواسطة y2y1500

:grinder::grinder::grinder::grinder::grinder:

---

الموسوسين كلهم بيرشحوا زيت و احنا معاهم .... نيسان وسوس على قدك

أنا لسة ما غيرتش الضفيرة....

بس ظهرت الأعراض ع العربية ..... الrpm ما بينزلش لوحده إلا لما اطفي العر بية ....وبيعلق على 1500 ومرات 1900 .... والعربيه صوتها بيبقى مرعب ع السلانسيه ....

بس انا من رأيي ان طالما التوكيل ما قصرش مع أي حد - في فترة الضمان - يبقى انا احط في بطني بطيخة صيفي واكبر دماغي ..... المشكلة ظهرت دلوقتي ...بكرة ... بعده ... في أي وقت ولا يهمني .....

ما تقدرش البلى قبل وقوعه....

اقتباس:

---

المشاركة الأصلية كتبت بواسطة goudamahdy

أنا لسة ما غيرتش الضفيرة....


بس انا من رأيي ان طالما التوكيل ما قصرش مع أي حد - في فترة الضمان - يبقى انا احط في بطني بطيخة صيفي واكبر دماغي ..... المشكلة ظهرت دلوقتي ...بكرة ... بعده ... في أي وقت ولا يهمني .....

ما تقدرش البلى قبل وقوعه....

---

:plusone2::plusone2::plusone2::plusone2::plusone2:

اقتباس:

---

المشاركة الأصلية كتبت بواسطة y2y1500

هههههههههه
لا والله لا قلقان ولا اعرف ريحته حتى
وشكلك كده كانت عشرتك مع اليوريفان ميكروباص :e_braces[1]:

---

لا والله ماكنتشى ميكروباص
انا اشتغلت مع خالى فى شركة المقاولات بتاعته من 2000 الى 2006 واول لما روحت هناك شوفت العربيه دخلت دماغى اوى كانت عربيه بيك اب بس تحفه وموديل 99 يعنى لسه زيرو وكنت لسه بسوق على ادى خالص وتقريبا هى اللى اتعلمت عليها السواقه
العربيه كانت انعم من اللوجان اللى معايا بمراحل ماعدا المطبات والعفشه فقط لكن دركسون وفتيس ودبرياج افضل بكتير وبقيت اعمل بيها مشاوير الشغل ومتابعة المواقع فى مصر كلها من اول مطروح لغاية الاسماعيليه والسويس والاسكندريه والقاهره والطريق الدولى الساحلى مكنتش بغيرلها غير الفلاتر والتيل والسيور وبس

لو كل العربيات بالاعتماديه دية مكانشى حد نعى هم مصاريف الصيانه وقطع الغيار وخلافه
عربيه تستاهل وزنها دهب
ويارب اللوجان تعمل نص اللى عملته معايا العربيه دية
كانت اصيله فعلا
لدرجه بعد لما سيبت الشغل معاهم وعرفت انها اتباعت حزنت جدا ولو كان معايا فلوسها كنت اشتريها رغم انها مش حتبقى عمليه معايا فى حياتى الجديده بس العشره متهونشى غير على ابن الحرام

اقتباس:

---

المشاركة الأصلية كتبت بواسطة moustafa_saad

لا والله ماكنتشى ميكروباص
انا اشتغلت مع خالى فى شركة المقاولات بتاعته من 2000 الى 2006 واول لما روحت هناك شوفت العربيه دخلت دماغى اوى كانت عربيه بيك اب بس تحفه وموديل 99 يعنى لسه زيرو وكنت لسه بسوق على ادى خالص وتقريبا هى اللى اتعلمت عليها السواقه
العربيه كانت انعم من اللوجان اللى معايا بمراحل ماعدا المطبات والعفشه فقط لكن دركسون وفتيس ودبرياج افضل بكتير وبقيت اعمل بيها مشاوير الشغل ومتابعة المواقع فى مصر كلها من اول مطروح لغاية الاسماعيليه والسويس والاسكندريه والقاهره والطريق الدولى الساحلى مكنتش بغيرلها غير الفلاتر والتيل والسيور وبس

لو كل العربيات بالاعتماديه دية مكانشى حد نعى هم مصاريف الصيانه وقطع الغيار وخلافه
عربيه تستاهل وزنها دهب
ويارب اللوجان تعمل نص اللى عملته معايا العربيه دية
كانت اصيله فعلا
لدرجه بعد لما سيبت الشغل معاهم وعرفت انها اتباعت حزنت جدا ولو كان معايا فلوسها كنت اشتريها رغم انها مش حتبقى عمليه معايا فى حياتى الجديده بس العشره متهونشى غير على ابن الحرام

---

ربنا يعوض عليك :E_braces[1]: البرنجى طبعا رقم 1:plusone2:

معلش حصل لي ظرف خارج عن ارادتي ولم استطيع التواصل معكم خلال اليومين اللي فاتوا ، كل عام وانت طيبين بمناسبة شهر رمضان

انا كان نفسي المشرف يضيف استطلاع للموضوع بحيث نقدر نوصل منه لنسبة اللي غيروا الضفيرة خاصة ان عدد الأعضاء اللي معاهم صني في المنتدى كبير وكان ممكن يدينا نسبة قريبة للصح لكن قدر الله وما شاء فعل

وفي نفس الوقت الموضوع واضح انه لم يكن مهم للكثير من الأعضاء على الرغم من أهميته النسبية من وجهة نظري

شاكر جدا لكل من علق على الموضوع وجزاكم الله خير وكل عام وانتم طيبين

السلام عليكم و رحمة الله و بركاته

كل سنة و أنتوا طيبين.

هى الضفيرة دى المقصود بيها ايه, مش مجموعة الأسلاك اللى بتعدى من أودام لورا و من ورا لأودام وكده و لا المقصود بيها ايه ؟؟؟

اقتباس:

---

المشاركة الأصلية كتبت بواسطة aiman0173

معلش حصل لي ظرف خارج عن ارادتي ولم استطيع التواصل معكم خلال اليومين اللي فاتوا ، كل عام وانت طيبين بمناسبة شهر رمضان

---

اقتباس:

---

المشاركة الأصلية كتبت بواسطة aiman0173

انا كان نفسي المشرف يضيف استطلاع للموضوع بحيث نقدر نوصل منه لنسبة اللي غيروا الضفيرة خاصة ان عدد الأعضاء اللي معاهم صني في المنتدى كبير وكان ممكن يدينا نسبة قريبة للصح لكن قدر الله وما شاء فعل

وفي نفس الوقت الموضوع واضح انه لم يكن مهم للكثير من الأعضاء على الرغم من أهميته النسبية من وجهة نظري

شاكر جدا لكل من علق على الموضوع وجزاكم الله خير وكل عام وانتم طيبين

---

ان شاء الله تكون امورك بخير وكل عام وانت بخير ورمضان كريم

انا سالت الادارة والاشراف على اضافة موضوع الاستطلاع فى الاعلى .. فتطلع مينفعش بعد ما اتعمل الموضوع يتضاف فيه استطلاع او يتعدل فى الاستطلاع كمان

فالافضل حضرتك تعمل موضوع كدا من الاول

يكون صيغة الاستطلاع فيه على سبيل الميثال عشان الاستفادة ..

عنوانه :

اللى غير الضفيرة كعيب صناعة فى الضمان فى عدد كليوهات قليلة يذكر موديل السنة ؟

موديل 2011

موديلات 2010

موديل 2009

موديل 2008

موديل 2007

ملحوظة :
ويكون الاستطلاع مرئى .. عشان اللى يصوت يكون عارفينه عشان لو حبينا نساله اى سوال

بس كدا .. فمسنين موضوع متميز منك .. لانك صاحب الفكرة .. واكيد حتكون مفيدة

عشان نقدر نحصر من خلالها اغلب العربيات اللى حصل فيها مشاكل فى الضفاير اى موديلات .. ونشيل الهواجس من على الناس

تحياتى

كل سنة وانت طيب يا بوحميد

إن شاء الله اعمل بنصيحتك واعمل موضوع تاني فيه اللإستطلاع