الموضوع: أنا لبست في نوبيراااااااااااااا

الف مبروك

معايا بقالها 3 سنين ومغيرتش فيها حتى البوجيهات تصدق كده ولا حتقول عليا كداب

المشاركة الأصلية كتبت بواسطة khaled_afify

والله يا جماعة انا مش عارف اشكركو ازاي على تعاونكو ده انا كتبت في أقسام كتير بس عمري ما شفت كمية الردود دي ربنا يكرمكو
بس انا النهاردة استلمت العربية ولقيت فيها شوية مشاكل كده
1 - بتغيب اوي في الدوارة
2 - القايم الشمال شكله كان واخد خبطة بس مش جامده اوي يعني بدليل انه اترد على البارد ومش مرشوش بس هو في حتة كده بتاع 2 سم * 2 سم داخلة لجوه ودي بقى اللي محتاجة فعلاً تتعمل على الساخن هل ده يعيب العربية مع العلم اني النهاردة كنت جايب بيها 150 كم /س لا حاسس بحاجة ولا كأني ماشي 60
3 - لما بجيب سرعة عالية وأدوس فرامل الاقي الطارة بتتهز كده في ايدي وفي رعشة بس صاحب العربية قاللي عشان انا مغير تيل الفرامل ولسه مش مطبع على الطنابير
4 - لما بكسر الطارة على الاخر وانا واقف برة العربية بسمع صوت طأطأة ده معناه ايه
بغض النظر عن المشاكل دي كلها بس العربية عجبتني اوي وعليها موتور حوااااااااااااااااااااااا ار وبيسحب سحب خرااااااافي مع العلم انه بيرشح شوية زيت صغيرين كده بس انا خايف اروح لميكانيكي يقولي ( نحل ) عشان نشوف دي عمرة ولا جوان
أنتو رأيكو اعمل ايه عشان اعرف احافظ على العربية واقلل مشاكلها على أد ما أقدر
معلش أنا طولت عليكم ..... و اخر سؤال بقى هو انتو مش بتعملو مقابلات خالص

اولا الف مبروك علي العربيه ربنا يدليك خيرها ويكفيك شرها

1- قدامك حلين تجيب رششات ال B M W m40 من الحرفين ب 200 جنيه علي التركيب
او تجيب رششات الالنترا جديده وانصحك برششات البي ام لان عمرها اطول
2- لو خبطه بسيطه ردها علي البارد لو جامده وعايزه لحمات سيبها علشان متعبش العربيه
3-مشكله طنابير اماميه هتلاقي فيها عالي وواطي كانت عندي وغيرتها بطنابير جديده من ابو الحسن
4- تقريبا والله اعلم مش متأكد بس ممكن تكون مشكله بطاحات

استاذ / علاء ياريت لو فيه حد كويس بيركب جلب تقولنا عليه علشان ان معايا نوبيرا 2008 والمقص اليمين بسمع فيه تكه مع مطب ولو ماشى على الطريق وفيه هواء العربيه تكون مش مضبوطه معايا مع انى بكون ماشى على 70 كم وشكرا جزيلا[/QUOTE]

نصيحه تنسي موضوع الجلب ده لو عايز تشتري دماغك اشتري المقصات الاسباني من ابو الحسن ونسي قصه الجلب ديه خالص

طبعا الاخوه الافاضل هنا قالو كل ما يمكن ان يقال عن النوبيرا و مميزاتها الكثيره جدا و عيوبها القليله جدا

انا بس احب اضيف حاجه واحده بس

انا امتلك العربيه من سنه تقريبا و هى مو 2006 و شاريها ب 57000 جنيه و برده بعد ما اشتريتها الكل قالى انى انضحك عليا و انها غاليه و متستاهلش الفلوس اللى دفعتها فيها

الظريف بقى انى جالى فيها مبلغ اكبر من اللى انا دفعته فيها و ده بعد ما اشتريتها ع طول بس انا اللى مرضيتش ابيع وقتها علشان كنت ماصدقت لقيت حاله ممتازه زى عربيتى

دلوقتى انا بافكر ابيع علشان اجيب حاجه احدث من النوبيرا

تصدق انى مش لاقى حاجه احدث منها ممكن تحسسنى بفرق فى الركوبه الا و يكون سعرها اعلى من النوبيرا بتاعتى 20 الف جنيه ؟ يعنى باختصار النوبيرا بالنسبه لسعرها معجزه
عربيه حديثه جدا و مريحه جدا و ممكن تتقارن بعربيات اغلى منها بكتير

انا باسافر بيها دايما كل اسبوع 600 كم و بامشى بيها على سرعات عاليه جدا ممكن توصل ل 180
اعتقد مفيش عربيه ممكن تمشى بالسرعه دى و تكون ثابته الا لو كانت عربيه محترمه
الف مبروك و ربنا يديك خيرها و يكفيك شرها