حجزت صيانه ال 5000 كم ,, اعمل ايه بقى

السلام عليكم ورحمه الله وبركاته


حجزت صيانه ال 5 الاف كيلوا مع السبع من شويه صغيرين

وللاسف كنت حاطط امل ان الصيانه تبقى بكره :D عشم ابليس ف الجنه :angry26:

بس الصيانه يوم الاربع , والسفر ورمضان وكدا يلا الحمدلله


كان عندى مشكله واحده ف العربيه فقط ال هي صوت تكتكه الدركسيون مع اليمين والشمال

وال قولتولنا انها بسبب قطمه الدركسيون


ف انا مش عارف اروح اسلم العربيه وهما يعملوا صيانه وخلاويص وكدا

ولا فى حاجات معينه اطلب منهم يشيكوا عليها
ولا ايه الوضع

علشان حاسس انى بروح الصيانه مابعملش حاجه

اه نسيت

الصيانه هتبقى مع المهندس احمد ناجى تقريبا




تحياتى لكم

صيانه ال5000 من الصيانات الخفيفه الغير مكلفه وفيها بيتم مراجعه السوائل و تربيط العفشه وظبط الهوا و شويه رفايع
من وجهه نظري هي مفيده لواحد زي حالاتي معندوش استعداد يظبط هوا بره ده غير ان عفشه الصني كثيره الاجزاء و تربيطها كل فتره مطلوب
واهم حاجه هي متابعه مشاكل السياره التي سرعان ما تظهر من 1000 الي 5000 لتستقر عند 10000
ده غير انها مطلوبه للضمان

م/ احمد ناجى عملت معاه صيانة ال20.000كم
وهو خلوق وهادى الطبع
اهم حاجة جمعله الشكاوى من العربية وباذن الله ما تاخدش وقت كبير لأن صيانة ال5000كم بسيطة وما بتاخدش اكتر من نص ساعة شغل فى العربية طالما حاطط زيت 10 الاف ومش هاتدفع اكتر من 75ج وابقى طمنا

الف شكر ليكم يا جماعه

م- احمد ناجى
انا ما بقراش عنه غير كل خير هنا ف القسم

وعموما انا هحاول اشوف ايه الوضع ف العربيه
وال محتاج تظبيط بالظبط


الف شكر ليكم
ولما اعمل الصيانه هبلغكم ان شاء الله

ابعتلى اسمك على الخاص .. وانا احتمال اروح بكرة وحقابل احمد ناجى ..وحقوله عليك .. ولما تكون هناك قوله انك من طرف احمد مصطفى النايل موتورز .. ولو كنت قريت الموضوع ده بدرى كنت قولتله النهاردة .. لانى كنت واقف معاه

ولما تروح تعمل الصيانة هى تربيط عفشة عادية وبتقوله على الحاجات اللى بتشتكى منها .. وقوله على التكتكة بتاعت الدريكسيون
وهو حغيرلك القمة وان شاء الله تكون متوفرة ..

والقطمة موجودة لان زميل لينا فى المنتدى كان بيغيرها فى السبع النهاردة وكله تمام

وفعلا ناس بتحجز لصيانة بكرة .. افضى معاد كان واقرب معاد يوم الاربعاء

وانا بكرة حقوله عليك باذن الله بس قولى اسمك

تحياتى

متشكر جدا لحضرتك استاذ احمد

بعت لحضرتك

ربنا يكرمك ويجازيك خير على مساعداتك لينا كلنا

الف شكر

السلام عليكم ورحمة الله وبركاته

يا باشا كل تأخيرة وفيها خيرة ان شاء الله ....

التأخير ده فرصة انك تكتب باقي الملاحظات في ورقة صغيرة وتحطها معاك ف العربية وتقولهم عليها كلها .... بس حاول بقى تروح هناك بدري علشان تاخد دور بدري ( لو هم مش قايلين لك على وقت معين طبعا )

وكل سنة وانت طيب .....

بس يا خسارة مش هتكلف بتوع السبع المشروب المجاني ..... هههههههههههههه

اقتباس:

---

المشاركة الأصلية كتبت بواسطة goudamahdy

بس يا خسارة مش هتكلف بتوع السبع المشروب المجاني ..... هههههههههههههه

---

ههههههههههههههههههههه
عندك حق طيب ممكن ياخد بيه بون ويروح يستلمه بعد الافطار :E_braces[1]: