جلب المقصات .. غير متوفره
الموضوع ان ظهر معايا خبط فى العربيه فى الجنب الشمال قدام
بيجى مع المطبات زي صوت حكه فى الكفرات وطقطقه
روحت عند عفشجى تعبااان قالى ان المساعدين متحجرين وعايزين يغيرو
طبعآ مأخدتش بكلامه
روحت لعفشجى تانى عرفه بس صنايعى قالى المساعدين جديده ومافيهاش حاجه
العيب كان من السوسته قفشه فك صمولة البطاحات من الكابوت وربطهاا تانى وربط العفشه كلهاا واكد عليهاا
ومشيت بيهاا لاقيت كله تمام والاصوات راحت
بس فى حاجه قالى عليهاا ان جلب المقصات فيهاا بوش شويه وقريب ممكن لو باظت تحس بخبط فى العربيه
ف هات الجلب فى اي وقت بعدين تعالى اغيرهملك واشحملك البطاحات بالمره
هنا بقى المشكله
انى لو احتجت اشترى الجلب دى مش هلاقيهاا
عشان سألت عند كذا واحد بتاع رينو قالى لا لسه منزلوش
يعنى لو هحتاج اغير جلب مقصات لازم اشترى مقصات جديده بالجلب بتاعتهم ! حراااااااام
المفروض مدام عربيه انتشرت الانتشار ده وبقالها كذا سنه فى السوق تبقى نزلت كل قطع غيارهاا
