مشكلة صوت ونة ( نعرة ) مع المكييف ( افيو اتوماتيك )

السلام عليكم يا جماعة - كل سنة و انتم طيبين


معايا افيو 2009 اتوماتيك عاملة 40000 و بقالها سنتين معايا

ظهر معايا صوت النعرة او الونة مع تشغيل التكييف و يتظهر لما تدوس بنزبن و تشيل رجلك فتظهر الونة او النعرة و العربية صوتها بيهدى فبتكون واضحة

الصوت دة ظهر فجاءة بعد تغيير الريداتير لانة فى صيانة الـ 40000 فى التجمع الخامس اكتشفو انة مخروم فغيروة على الضمان

انا عارف ان الريداتير مالوش دعوة بس دة الى حصل معايا

رحت تانى يوم للتوكيل ( التجمع الخامس ) - المهندس محمود قالى عادى مفيش حاجة بس طبعا الصوت واضح و محسوس مع تشغيل التكييف فقط و خصوصا انى حافظ العربية و صوتها لانى بركبها بقالى سنتين

حد يا جماعة قابلة المشكلة دى قبل كدة ؟

طالما قالك فى التوكيل إنه ( عادى ) بس إنت شايف إنه مش عادى ... يبقى تروح عند حد متخصص ويقولك إيه العيب وترجع ساعتها للتوكيل .

والمشكله دى قالبتنى قبل كده فى الهيونداى وطلع عيب كمبريسور .. فياريت تتأكد علشان لو عيب الكمبريسور يبقى تلحق تغيره فى الضمان .

بالتوفيق وإبقى قولنا إيه الأخبار .

دة كباس التكييف

اقتباس:

---

المشاركة الأصلية كتبت بواسطة bassem raafat

طالما قالك فى التوكيل إنه ( عادى ) بس إنت شايف إنه مش عادى ... يبقى تروح عند حد متخصص ويقولك إيه العيب وترجع ساعتها للتوكيل .

والمشكله دى قالبتنى قبل كده فى الهيونداى وطلع عيب كمبريسور .. فياريت تتأكد علشان لو عيب الكمبريسور يبقى تلحق تغيره فى الضمان .

بالتوفيق وإبقى قولنا إيه الأخبار .

---

شكرا لاهتمامك - ربنا يكرمك

المشكلة مين المتخصص الامين الى ممكن يكشف العيب و الله على استعداد اغير الكمبريسور على حسابى بس ابقى متاكد من انة السبب ؟

رحت الناهردة لميكانيكى اعرفة قالى ممكن تكون بلية الكمبريسور بس لازم تكشف عند حد بتاع مكيفات للتاكيد

رحت لواحد بتاع مكيفات فى مصر الجديدة اسمة صبحى - قالى لازم الميكانيكى هوة الى يحدد و انا اغير يعنى الميكانيكى يعرفلى اذا كان البلى فى مشكلة و لا لا بانة يشيل السير و يكشف على كل بكرة و يحدد و بعدين تجيلى لانى ممكن اغير البلية و اشحن تانى و الصوت نلاقية ليسة موجود

اما التجمع الخامس فرحتلة قبل ما اروح البيت على طول على امل انى اقابل المهندس محمود و اتكلم معاة تانى لاقيتة اجازة و بدل منة مهندس تانى شافها و قالى عادى و لما قولتلة لا مش عادى انا عارف عربيتى

قالى تعالى فرع رابعة عند المهندس شريف حسين و احنا نشوف زيت الكمبريسور و نشحن فريون بدل الى موجود و نشوف - مع ان تبريد التكييف كويس و اداءة كويس - بس كلامة مريحنيش - يعنى اية يحل و يغير زيت الكمبريسور و يشحن و يشوف الصوت اذا كان ليسة موجود و لا لا

تحس انك فى دايرة مغلقة

اقتباس:

---

المشاركة الأصلية كتبت بواسطة mmtronic

رحت لواحد بتاع مكيفات فى مصر الجديدة اسمة صبحى

---

الراجل ده اللى أنا بتعامل معاه طول عمرى ... فى ميدان تريومف .. صح ؟

بس منصحكش إنك تغيره على حسابك .. أمال إنت شارى عربيه بالضمان ليه ؟

المفروض إن بتاع التكييف أو الميكانيكى يدلوك بس على العيب وتروح للتوكيل ويغيرولك كل حاجه على حسابهم .

وعلى العموم برضه مش حتخسر حاجه لو روحت فرع الطيران وقولهم بكل ثقه إن ده صوت بليه الكباس أو الكباس نفسه ولازم تشوفولى حل ليه ... وإن شاء الله المشكله تتحل .. وأنا تحت أمرك وحتابع معاك .

اقتباس:

---

المشاركة الأصلية كتبت بواسطة bassem raafat

الراجل ده اللى أنا بتعامل معاه طول عمرى ... فى ميدان تريومف .. صح ؟

بس منصحكش إنك تغيره على حسابك .. أمال إنت شارى عربيه بالضمان ليه ؟

المفروض إن بتاع التكييف أو الميكانيكى يدلوك بس على العيب وتروح للتوكيل ويغيرولك كل حاجه على حسابهم .

وعلى العموم برضه مش حتخسر حاجه لو روحت فرع الطيران وقولهم بكل ثقه إن ده صوت بليه الكباس أو الكباس نفسه ولازم تشوفولى حل ليه ... وإن شاء الله المشكله تتحل .. وأنا تحت أمرك وحتابع معاك .

---

ايوة مظبوط هوة فى ميدان تريومف

تعرف - انا غيرت الطنابير و التيل على حسابى فى التوكيل نفسة و كلفنى 900 جنية غير مصنعية التركيب و مرضيتش اخليهم يغيروة على الضمان ( رغم انهم اقرو انه يتغير على الضمان ) علشان انا عارف ان الى بيركبوة مضروب و ريحت دماغى و انت عارف قصص الطنابير و التيل و اهه التيل و الطنابير زى الفل بقالهم 20000 كم


على العموم انا حروح فرع رابعة و اشوف همة عايزين يعملو اية

ربنا معاك ... بس حرام تغير أى حاجه على حسابك فى فترة الضمان ... إستفيد بيه على قد ما تقدر علشان بكره وبعده كده كده حتغير حاجات كتير على حسابك .. وبالتوفيق .

ده كباس تكييف والصوت ده مش بيروح ومش بيتصلح ممكن تفضل ماششى بيه بس ممكن بعد فتره يقفش

اقتباس:

---

المشاركة الأصلية كتبت بواسطة mido353235

ده كباس تكييف والصوت ده مش بيروح ومش بيتصلح ممكن تفضل ماششى بيه بس ممكن بعد فتره يقفش

---

حتى لو كان البلى و اتغير ممكن الصوت ميروحش ؟؟؟

اقتباس:

---

المشاركة الأصلية كتبت بواسطة hondaman

دة كباس التكييف

---

هوة شكلة كدة

على العموم انا حروح التوكيل يوم الثلاثاء و حرجع اقولكم على الى حصل

طالما الصوت جه بعد تغيير الرادياتير يبقى ندور الأول في السبب اللي ممكن يجي بطريقة عامل الإرتفاق - يعني نفرض الأول ان تغيير الرادياتير تسبب في صوت النعرة نتيجة ارتفاق الحدثين
و بناء عليه الصوت اللي انت اتكلمت عنه ممكن يكون ناتج من تلف أو إصابة مروحة التبريد اللي بتدور مع الكمبريسور و اللي لازم إزالتها و تركيبها مرة أخرى أثناء تغيير الرادياتير
دور في السبب ده و إذا ماكانش هو روح للزبون اللي في ميدان تريامف أو محمد طلعت في الشارع اللي فيه مستشفى الريان في المعادي أمام سور نادي المعادي
و لو كنت في السويس تعالى للشامل في حي الغريب
المهم ماتروحش التوكيل لأن ضمان التكييف خلص من زمان و كمان هما السبب في المشكلة و دلوقت بينكروها و ده بداية متسلسلة الفشل التام و ارتفاع ضغط الدم بتوع منصور و صنايعيته الأفذاذ فبلاش تعرض نفسك لده

و أرجو الإهتمام بموضوع المروحة علشان الموتور كمان

اقتباس:

---

المشاركة الأصلية كتبت بواسطة nadenono

طالما الصوت جه بعد تغيير الرادياتير يبقى ندور الأول في السبب اللي ممكن يجي بطريقة عامل الإرتفاق - يعني نفرض الأول ان تغيير الرادياتير تسبب في صوت النعرة نتيجة ارتفاق الحدثين
و بناء عليه الصوت اللي انت اتكلمت عنه ممكن يكون ناتج من تلف أو إصابة مروحة التبريد اللي بتدور مع الكمبريسور و اللي لازم إزالتها و تركيبها مرة أخرى أثناء تغيير الرادياتير
دور في السبب ده و إذا ماكانش هو روح للزبون اللي في ميدان تريامف أو محمد طلعت في الشارع اللي فيه مستشفى الريان في المعادي أمام سور نادي المعادي
و لو كنت في السويس تعالى للشامل في حي الغريب
المهم ماتروحش التوكيل لأن ضمان التكييف خلص من زمان و كمان هما السبب في المشكلة و دلوقت بينكروها و ده بداية متسلسلة الفشل التام و ارتفاع ضغط الدم بتوع منصور و صنايعيته الأفذاذ فبلاش تعرض نفسك لده

و أرجو الإهتمام بموضوع المروحة علشان الموتور كمان

---

انا مقتنع جدا بكلامك و كنت لاخر وقت عمال اقولهم المروحة ممكن تكون فيها حاجة - المروحة ممكن تكون مش موزونة فى تركيبها بس الميكانيكى الناهردة قالى لا مش منه

و الى ساكتنى ان الصوت بيظهر بس لما التكييف يكون شغال و تدوس بنزين و ترفع رجلك فتسمع صوت الونة و طبعا بيبان اكتر و انت فى الزحمة ماشى بالراحة لما تدوس و ترفع رجلك

بص انا مقتنع ان علشان يغير الكباس لازم اعمل معاهم فيلم هندى و حيخلونى اكرة نفسى علشان كدة كل الى انا محتاجة تاكيد ان المشكلة فى الكباس و ساعيتها انا حتولى الموضوع انما طول ما انا تاية وسط فتيهم مش حقدر اخد قرار

الله المستعان لحد ما اروحلهم يوم الثلاثاء

نسيت اقولك ان فى الافيو هية مروحة واحدة بس للريداتير و التكييف

بص يا معلم , اللي انت قلته ده مش مروحة و لا كباس ده تفاعل مزدوج بين عاملين - الأول هو تردي الحالة الكيميائية للفريون الموجود في الدائرة و الثاني هو نقص الشحنة - و هذان العاملان ينتج عنهما هذا الصوت - و التفسير يحتاج لصفحات من الشرح - الخلاصة روح لواحد من اللي قولتلك عليهم و اعمل عملية تغيير فريون و دي بتتكلف للآفيو من 150 الى 180 جنيه و المشكلة حاتنتهي و حاتدعيلي

انا رحت التوكيل الناهردة ( فرع رابعة ) - قابلت المهندس شريف حسين ( راجل زوق الحقيقة ) و جابلى فنى يشوف الصوت و راح مدخل العربية للورشة و بعد تفحيص و تمحيص اقتنعو ان فية صوت

المهم راحو ساحبيين الفريون و زودو زيت الكمبريسور و شحنو تانى

الوضع بقى احسن بكتير ( صوت الونة المستفز تقريبا راح )

و التكييف كفاءتة بقت كويسة جدا

انا ليسة حجرب العربية فى الايام الجاية و اقولكم لو فية حاجة علشان لعل دة ممكن يفيد بعض الناس فى المستقبل لو قابلو نفس العطل

كل سنة و انتم طيبيين

اقتباس:

---

المشاركة الأصلية كتبت بواسطة mmtronic

انا رحت التوكيل الناهردة ( فرع رابعة ) - قابلت المهندس شريف حسين ( راجل زوق الحقيقة ) و جابلى فنى يشوف الصوت و راح مدخل العربية للورشة و بعد تفحيص و تمحيص اقتنعو ان فية صوت

المهم راحو ساحبيين الفريون و زودو زيت الكمبريسور و شحنو تانى

الوضع بقى احسن بكتير ( صوت الونة المستفز تقريبا راح )

و التكييف كفاءتة بقت كويسة جدا

انا ليسة حجرب العربية فى الايام الجاية و اقولكم لو فية حاجة علشان لعل دة ممكن يفيد بعض الناس فى المستقبل لو قابلو نفس العطل

كل سنة و انتم طيبيين

---

الحمد لله على حل المشكله ويا ريت يكون هو ده العيب ، ومتابعين معاك لو فى أى تطورات .

اقتباس:

---

المشاركة الأصلية كتبت بواسطة mmtronic

انا رحت التوكيل الناهردة ( فرع رابعة ) - قابلت المهندس شريف حسين ( راجل زوق الحقيقة ) و جابلى فنى يشوف الصوت و راح مدخل العربية للورشة و بعد تفحيص و تمحيص اقتنعو ان فية صوت

المهم راحو ساحبيين الفريون و زودو زيت الكمبريسور و شحنو تانى

الوضع بقى احسن بكتير ( صوت الونة المستفز تقريبا راح )

و التكييف كفاءتة بقت كويسة جدا

انا ليسة حجرب العربية فى الايام الجاية و اقولكم لو فية حاجة علشان لعل دة ممكن يفيد بعض الناس فى المستقبل لو قابلو نفس العطل

كل سنة و انتم طيبيين

---

يعني كلامي مظبوط - عموما الله ينور عليا و شكرا على إكمالك الموضوع اللي أكيد حايفيد ناس كتير ماتعرفش المعلومة و حايأكدها للناس اللي عارفاها زيي كده
آه بالمناسبة جايز الحل ده مايكونش الحل النهائي و المشكلة لا قدر الله لا قدر الله ترجع تاني - في الحالة دي ياريت تستكمل الموضوع في نفس المكان علشان الفايدة تعم و لكني أتنمنى أن تكون هذه هي نهاية المشاركات و تنتهي المشكلة نهائيا

اقتباس:

---

المشاركة الأصلية كتبت بواسطة nadenono

يعني كلامي مظبوط - عموما الله ينور عليا و شكرا على إكمالك الموضوع اللي أكيد حايفيد ناس كتير ماتعرفش المعلومة و حايأكدها للناس اللي عارفاها زيي كده
آه بالمناسبة جايز الحل ده مايكونش الحل النهائي و المشكلة لا قدر الله لا قدر الله ترجع تاني - في الحالة دي ياريت تستكمل الموضوع في نفس المكان علشان الفايدة تعم و لكني أتنمنى أن تكون هذه هي نهاية المشاركات و تنتهي المشكلة نهائيا

---

متشكر جدا ليك و لاهتمامك و ربنا يكرمك

طبعا لو فية اى مستجدات انا حكتبها لانى ليسة بجرب العربية

ايه الأخبار ؟؟ عشان انا سامع الزنة بقالي يومين ؟ افضي الفريون واشحنه تاني ؟؟

اقتباس:

---

المشاركة الأصلية كتبت بواسطة amrrr

ايه الأخبار ؟؟ عشان انا سامع الزنة بقالي يومين ؟ افضي الفريون واشحنه تاني ؟؟

---

كبر دماغك لحد الموضوع ما يبقى واضح قدامك

اقتباس:

---

المشاركة الأصلية كتبت بواسطة nadenono

كبر دماغك لحد الموضوع ما يبقى واضح قدامك

---

على فكرة الموضوع واضح فعلا مش تهيؤات :))))
وبرضة الفرامل بترجرج جامد وبقالي كذا يوم عمال :36_1_37[1]:كل المواضيع عن الأفيو عشان افهم العربية مالها :N_no[1]: