-
استهلاك البنزين زاد
السلام عليكم يارجاله الرينو, الاستهلاك بتاع البنزين زاد من 8.1 لتر فى 100 كم الى 8.7 فى اى تفسير منطقى طبعا اليومين دول حر واستعمال التكييف زاد بس الزياده دى بيتهيالى كتير.
فهل ده طبيعى ولا اقلق من حاجه واروح التوكيل ولا استنى صيانه ال20000 الف ( العربيه عامله 18000 لغايه دلوقتى )
وكل عام وانتم طيبين ورمضان كريم
-
اعتقد الموضوع عادي عشان التكيف و بعدين ماتركزش أوى مع الكومبيوتر عشان ساعات كتير بيهيس .. ثم ان يا اخي الزياده كلها نص لتر لكل 100 كيلو يعنى مش هى اللي تخرب البيوت .. وعلي رأي المثل مون سولار والرب ستار
-
لا مش كتير ولا حاجة
انا كنت بستهلك 6 و 7 دلوقتى بقيت 9 و 10
انا اول لما بركب العربية بفتح التكيف
-
-
بتفرق مع تشغيل التكييف سرعتك كام
لو ماشي جوا البلد بتعمل كتير
لو برا البلد مشوار اسكندرية كله باخده على 6.5 لتر / 100 كيلو بالتكييف وعلى 100 كيلو سرعة
على العموم مش كتير ولا حاجه لاحظ ان الفيات 128 بتعمل حوالي 10 لتر /كيلو وماتور 1100 ومن غير تكييف
-
نصيحه مع الكمبيوتر ده .. متركزش عشان متهييس
عشان سرعتك عمرها ما هتكون ثابته
-
عايز تعرف عربيتك استهلاكها مظبوط ولا لا قيس من غير تكييف على السريع المفروض من 6 ل7 لتر بالكتير فى ال100 كيلو لو مضبوط اى زياده تبقى تكييف والعربيه زى الفل
-
هههههه دى عدوى بقى نفس الكلام عندى بس هو التكيف
Content Relevant URLs by
vBSEO 3.6.0 PL2