تبا لكي حياة !!!!!!!!!!

**ME5EMR** · 30-07-2011 09:21 PM

تبا لكي حياة و بس لكي دنيا
انا خلاص العمليه معايا زي الdrift
بتاع الbmw كل ما اكبس تعوم المدبرياج تلم
بس المره ماتلميتش و خيشت في عمود
الموضوع اني ما تلطيش هندسه اقل هندسه فايطاني علي درجه و نص
اعمل ايه ؟؟؟؟؟؟؟؟؟؟؟؟
بس جاتلي فنون عماره
و والدي مش راضي بيها بيقولي
يا يوديني تخطيط عمراني القاهره
يا اما
هندسة طاقه اسوان
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
يلا الحمد لله
حد يفيدني في الكليات اللي فوق و تخطيط عمراني حلوه ولا وحشه و ايه نظامها
ده الليزاد و غطا كمان انياطردت من جروب الفيس؟؟؟؟؟؟؟؟؟؟
فعلا تبا لكي دنيا ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!

**midoehab2006** · 30-07-2011 09:45 PM

تخطيط عمراني حلوة

**Elaven** · 31-07-2011 07:34 AM

تبا لكي دنيا
استغفر الله العظيم
لا تسب الدهر فأنا الدهر
حديث قدسي

**ahmed_911_98** · 31-07-2011 08:11 AM

ربنا حيعدلها ما تقلقش و إن شاء الله يوفقك الإلي فيه مصلحتك

**johnghaly** · 31-07-2011 09:42 AM

مش عارف يا مخيمر بس ربنا يوفقك ويعمل اللى فى الخير وكله تدبير من عند ربنا

بالتوفيق يا معلمك:)

**hossamhookman** · 31-07-2011 10:10 AM

يا عم ما تخفش
عمارة عايزة شغل بجد
من اول يوم
عندك استعداد تقعد 12 ساعة على لوحة
و شغل ماكيتات و الدكتور يهزأ فيك
خوش يا معلم
هندسة طاقة اقصدك ايه
ميكانيا باور يعنى و لا كهربا باور
عامتن اسوان موش وحشه بدام جوه مصر يبقا خلاص
فى ناس بتروح اندونسيا عشان تخلص هندسة هناك
و خود فكره عن الخاص موش هتخسر حاجه

**phantom0xx0** · 31-07-2011 01:09 PM

أنا عن نفسي تقريباً حصل معايا إلي حصل معك بس من 13 سنه

كان بيني و بين أقل هندسه 1.5 درجه و كان جايلي فنون عمارة و تطبيقيه و علوم بس أنا دخلت تجارة علشان مجالها أوسع والحمد لله كنت موفق في اختياري ...ممكن تشوف تجارة إنجليزي ، business administration

علي فكرة في النهاية هي رزق من عند ربنا ، و ماينفعش تعتمد علي 4 سينين كليه و بس علشان فيه الاف زيك لازم تدرس خلال أيام الجامعة و كمان بعد الجامعة

....لكن لو إنت عاوز تكون مهندس و هو دة إلي في دماغك يبقي شوف إنت عاوز تشتغل أيه و حسب ميولك

**shaddadfalcon1** · 31-07-2011 02:17 PM

من 9 سنين كنت عايز ادخل بترول وتعدي وكانت فارقه عل 4 درجات او اقل ودخلت حاسبات القاهره وحولت في اول اسبوع هندسة اسكندريه ورجعت تاني بعدها باسبوع حاسبات القاهره تاني وسبحان لله كنت كاره الكليه وحاسس اني فاشل اول سنتين وكنت طالع بماده في سنه اولي وفي سنة تالته حبيت الكليه قوي والمجال بتاع البرمجه وشتغلت بعد ماتخرجت بشهر ومرتبي الحمد لله اكبر من ماكنت اتخيل وسفر بره ودلع وعربيه وجواز في سنه واحده

يعني عسي ان تكرهو شيئا وهو خير لكم

كان زماني في الصحراء متمرط في البترول والزيت دلوقتي