زراعة الشعر فى مصر

**greenday** · 30-07-2011 09:42 PM

اخويا جاله صلع مبكر وبدا معاه من سن 17 سنة ودلوقتى عنده 22 وبقى اصلع تماما فى مقدمة الراس وبصراحة حالته النفسية بقت سيئة بالرغم من انى اقنعته يحلق خالص ودى موضة دلوقتى بس هو مصمم على زراعة الشعر فكنت عايز اعرف افضل الأطباء فى مجال زراعة الشعر فى مصر وافضل الطرق لانى اعرف ان فى طرقتين طريقة الشريحة fut وطريقة الأقتطاف fue ومش قادرين نوصل مين افضل دكتور من ناحية النتايج طبعا مش الشهرة بس وكمان انا شخصيا بخاف من دكاترة التجميل وبحس ان شغلهم الشاغل هو الفلوس وبس فعشان كده كنت عايز اعرف هل فى حد عمل زرع شعر او يعرف حد عمل زرع شعر فى مصر او بره مصر والتكاليف بتبقى فى حدود كام وكل عام والجميع بخير

**Nistelrooy** · 30-07-2011 09:47 PM

اتصل بمدحت شلبي وسط البرنامج واساله هههههههههه بهزر ..

------------

ان شاء الله حد يفيدك في المجال ده ..

**micromoud** · 30-07-2011 10:17 PM

حضرتك دور عاليوتيوب هتلاقى دكاتره كتير عاملين اعلانات وعمليات متصورة فيديو كمان..

**MOUSTAFA_SAAD** · 30-07-2011 10:19 PM

بس خلى بالك موضوع ممكن يعديله ال10 بواكى

**greenday** · 30-07-2011 10:39 PM

المشاركة الأصلية كتبت بواسطة micromoud

حضرتك دور عاليوتيوب هتلاقى دكاتره كتير عاملين اعلانات وعمليات متصورة
فيديو كمان..

شوفت اغلب الفيديوهات دى بس اللى يهمنى النتايج والتجارب الحقيقية

المشاركة الأصلية كتبت بواسطة moustafa_saad

بس خلى بالك موضوع ممكن يعديله ال10 بواكى

تمام بس هما بيحسبوها ازاى هل بالشعرة مثلا ولا بالجلسة وربنا يقدرنا ونلاقى دكتور كويس وسعره معقول

**MOUSTAFA_SAAD** · 30-07-2011 10:52 PM

بتتحسب بالشعره
مش عارف بيعدوها ازاى كان فيه فى الاجتماعى قبل كده عنه حاول تدور عليه

**greenday** · 30-07-2011 11:03 PM

المشاركة الأصلية كتبت بواسطة moustafa_saad

بتتحسب بالشعره
مش عارف بيعدوها ازاى كان فيه فى الاجتماعى قبل كده عنه حاول تدور عليه

انا حاولت ادور على اى موضوع مشابه بس مش لاقى فهل حضرتك تقدر تجيبهولى او تجبيلى اسم صاحب الموضوع او اى حد شارك فيه عشان تساعدنى فى البحث

**abdalah_hashem** · 30-07-2011 11:10 PM

الصلع مش عيب هو متغير لازم الواحد يتكيف معاة
مش هكدب عليك ساعات بتضايق واقعد اقول لو عندى حبة شعر يا سلااااااااام
بس النهاية لازم تتكيف معاه
بص كان فى الدكتور اللى بيييجى على قناة المحور قال لو اصلع هطلعلوا شعر
اسمة دكتور عاصم فرج هو قال بحبة ادوية

بس خلى باللك ممكن حتى لو زرعت شعر يرجع يسقط تانى بعديها وتصلع تانى
وكمان مش هيبقى تقيل زى الشعر الطبيعى ابدا

بصراحة مبحسش بقيمة شعرى غير فى الشمس